Jeremías 2:5 - La'aqtaqa Ñim Lo'onatac 'Enauacna 2013

⁵ Ñim Nataxala' qami' 'enapegalo 'eeta': «Som hua'au qarta'ailpi, ¿negue't co'ollaxa ca qauem maye ila'a dam sheeta, ye Aỹem ca'ai co'ollaxa? Nache somayepi ca'ategue na atamnaxala'pi maye qaica ca naigui, nache somayepi ỹe'eguelaxa da qaica ca naigui.

Jeremías 2:5 Referans Kwoze

2 Reyes 17:15

Nache saishet da ỹaconeguet nam lqataxacpi, qataq da naỹamaxataxac Ñimaye co'ollaq naỹamaxate' so hua'au lta'alpi, qataq na lamaxasoxonaxacpi maye ỹanem somayepi. Nache somayepi natamnot so saq 'en atamnaxala'pi maye qaica ca naigui, nache somayepi ivira'a da nataqa'en qaica ca naigui, souaxat da ỹe'enaxat da lataxac so ỹotta'a't shiỹaxauapi maye lauoreuapi, maye Ñim Nataxala' saỹashenem co'ollaxa somayepi da ỹe'enaxat.

Romanos 1:21

cha'aye namayepi ỹaỹaten da huo'o Ñim Lo'onatac 'Enauacna, qalaxaye saishet da huo'o ca 'enec naqa'en qataq saishet da ỹami' ca na'achecỹaxac. Nachaqrata da iuennatega dam qaica ca naigui qataq da ỹo'ot ca qauem.

Jonás 2:8

Qaq nam quetague' na saq 'en atamnaxala'pi, qalaq ỹaxaañi da 'am ỹa'amaqteetac.

Salmos 115:8

Namayepi 'eeta'am nam ỹo'ot co'ollaxa namayepi, qataq na ỹa'amaqteetac namayepi.

Isaías 44:9

Nam ỹo'ottac na lqolacpi namayepi qaica ca naigui, qataq qaica ca naigui nam ỹo'ottac nqolacpi maye ỹataqta lauotaxat. Qaq nam natameetacot nam nqolacpi, namayepi sanauaañi, qataq qaica ca laỹaanataxanaxac, qaq ỹoqo'oye namayepi taỹa'a da ne'enaguec.

1 Samuel 12:21

Saishet qome da qoquiigue na saq'en atamnaxala'pi maye saishet da detaunaxan huo'otaq da deca'alaqtaxan, cha'aye namayepi qaica ca naigui.

Deuteronómio 32:21

Namayepi ichoxoteua'a da seca'alaxan souaxat na atamnaxala'pi maye saq'en, qataq aỹem ỹayeloqchet souaxat na natamnaxala'pi, ¡qalaxaye aỹem nataqa'en sanem qome namayepi da deca'alaxana ca ỹaqa'a shiỹaxauapi, qataq denoỹa ñaqa'en ca shiỹaxauapi maye qaica ca ỹaỹaanapec!

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Jeremías 2:31

Qaq nataqa'en qami' maye qami' dalaxaicpi, ña qana'axaỹaxañiỹa dam la'aqtac Ñim Nataxala'. 'Am Israel, ¿peta'a sheeta'am 'anqa'en ca toolec 'alhua, huo'otaq cam 'alhua maye huetalec na napalaxa? Qami' ỹalamaxat nhuo' le'ecpi, ¿ta'ainco' da qoñeỹapec. ‹Qomi' huesochiyiñi qaq saishet da qaltaq 'am she'eguelaxasoqot›?

Mateo 15:8

‹Ne'ena shiỹaxauapi 'eetega da Aỹem ỹalaxaguet, qalaxaye da lquiyaqteỹaxac ỹataqta qaỹoqta naqa'en Aỹem.

Ezequiel 11:15

«Nam shiỹaxauapi maye hueta'a na Jerusalén, da detaqtega naxa na Israel le'ecpi maye 'arhuo' le'ecpi nache, 'eeta': ¡Namayepi qaỹoqta Ñim Nataxala'! Qaq qomi', qalaxaye qomi' ỹanema ne'ena 'alhua da yaqto' qaralamaxat.

Jeremías 14:22

¿Qaq peta'a huo'o ne'ena saq 'en atamnaxala'pi ca ishet da ỹo'ot da huo'o na auot? Qataq ¿peta'a ishet na piguem da maichena da namaq aca auot? ¡'A'i saishet, 'Am Nataxala' qataq Qanatamnaxala'! 'Am maye ishet da 'anamaq namaye, 'Am maye 'auo'ot 'enauac nam huo'opi, ¡Qaq ỹoqo'oye qomi', 'Am seuataqta'aguet!

Jeremías 12:2

'Am 'aỹa'aañi, nache namayepi ỹa'ayiñi na lpa'a'pi qataq nquittasheguem da lañaxataxac qataq huo'o ana ala. Da 'Am detaqtega qalaq 'eeta'am da 'Am saqaỹapeque, qalaxaye da lquiyaqteỹaxac ỹataqta qaỹoqtaique naqa'en 'am.

Jeremías 10:8

'Enauac namayepi qaica ca ỹaỹaten qataq qaica ca laỹaanataxanaxac. ¡Qaica ca napaxaguenataxanaxac da ỹachegoxotaigui nam 'epaqpi!

Isaías 29:13

Qaq Ñim Nataxala', 'eeta': «Ne'ena nhuo' le'ecpi da Aỹem ỹo'oxoren qalaq choche alap qataq choche la'aqtaqa, qalaxaye da lquiyaqteỹaxac qaỹoqta naqa'en Aỹem, qataq da llo'oxonnataxanaxac da Aỹem ỹo'oxoren, damaye maiche lapaxaguenataxanaxac qataq lamaxasoxonaxac na shiỹaxauapi.

Isaías 46:12

Ñaq Aỹem qana'axaỹaxañiỹa qami' maye qaramchiguilo naua qarquiyaqchilli', qami' maye qoñeetega qaỹoqta ca laloqo' da qami' qaisorec.

Jeremías 2:4

Ñaq qana'axaỹaxañiỹa da la'aqtac Ñim Nataxala', qami' maye qauachegoqoiguet so Jacob, qataq 'enauac qami' nhuo' le'ecpi maye qauachegoqoiguet so Israel.

Jeremías 8:19

Da la'alaxac na ihuo' le'ecpi qaỹa'aqtega 'enauac ne'ena 'alhua: «¿Peta'a Ñim Nataxala' mashe saq hueta'a ye Sión? ¿Peta'a mashe saq hueta'a so nta'a?» Nache Ñim Nataxala' ỹasat, 'eeta': «¿Ta'ainco' da aỹem qanogoqchichi da qanatamñiitacot nam ne'enaqtacpi atamnaxala'pi maye qaica ca naigui qataq ỹaqa'a?»

Ezequiel 14:5

Qalaxaye Aỹem sepoteua'a qome ana lquiyaqtepi 'enauac na Israel le'ecpi maye Aỹem ca'ai co'ollaxa, souaxat na lqolacpi.