Jeremías 2:4 - La'aqtaqa Ñim Lo'onatac 'Enauacna 2013

⁴ Ñaq qana'axaỹaxañiỹa da la'aqtac Ñim Nataxala', qami' maye qauachegoqoiguet so Jacob, qataq 'enauac qami' nhuo' le'ecpi maye qauachegoqoiguet so Israel.

Jeremías 2:4 Referans Kwoze

Miqueas 6:1

Ña qana'axaỹaxañiỹa nagui da la'aqtac Ñim Nataxala', 'eeta': «'Anachaañi, nache 'aua'aqtaxanem ana qasoxonaxapi da 'anhueela't, qataq hua'aqchigui 'anqa'en ca 'ara'aqtac ana lcomaraxalatepi.»

Oseas 4:1

Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.

Jeremías 34:4

Qalaxaye na'aictaxa de'era 'am Sedequías maye 'am nta'a na Judá, ñaq 'ana'axaỹaxana da ỹa'aqtac, Aỹem Nataxala' 'am saxatem da saishet da 'am qairolec qome ca ỹeelonec da 'am qaỹalauat.

Jeremías 33:24

«¿Saishet peta'a da 'ananoma, da na shiỹaxauapi 'eetega sasaỹamaxare'n ne'enaua dos na nhuo' le'ecpi, Israel qataq Judá, maye Aỹem maiche lleca'agui'she co'ollaxa? ¡Qaq ỹoqo'oye da qailota'a ne'ena ỹalamaxat nhuo' le'ecpi, nache ỹataqta qaiqaiga, qataq saishet da qaỹamata'ac nhuo' le'ecpi!

Jeremías 31:1

Ñim Nataxala', 'eeta': «Que'eca na'a'q, nache Aỹem Natamnaxala' qome 'enauac na chegoxoguetpi so Israel, qaq namayepi nache ỹalamaxatpi qome.»

Jeremías 19:3

Nache qoneta': ‹Qami' nta'alpi na Judá, qataq qami' maye qoviita'a na Jerusalén, qana'axaỹaxañiỹa de'era la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': Aỹem ñamaxa qome ca ỹataqta lta'araic lchec ne'ena nma', qaq 'enauac qome cam hua'axaỹa da qaỹa'axat camaye, nache dauaxanguilo naua ltela lauaco.

Jeremías 13:15

¡Qami' Israel le'ecpi, Ñim Nataxala' qami' detaqtacoto! Saishet qome da qami' ño'oxonnaxaiqa, nacherata da qana'axaỹaxañiichiguiñi.

Jeremías 7:2

«Qonaña qome ye ñegueuo añi atamnaxaqui maye lalamaqte Ñim Nataxala', qaq nache huaña yemaye da 'aua'axat de'era na'aqtac, qoneta': 'Enauac qami' maye qoviita'a na Judá maye qananaiteua'a naxa ne'ena lasom da qavio'oxoyeñi Ñim Nataxala', ñaq qana'axaỹaxañiỹa dam la'aqtac

Jeremías 5:21

‹Ñaq qana'axaỹaxañiỹa de'era qami' nhuo' le'ecpi maye qaica ca qarauattonaxanaxaqui, qataq qaica ca qauaỹaañiỹapec, cha'aye huo'oi naua qara'ai'chilli' qalaxaye saishet da qanauañiiñi, qataq huo'oi naua qartelai lauacolli' qalaxaye saishet da qaua'aqai.

Jeremías 2:3

Qaq na Israel ỹataqta aỹem nañanot co'ollaxa, nachena na ỹataqta la'auaxanec ala na ỹañiguishec. Qaq naxa da huo'o na ỹo'otec da qauem namayepi, nache aỹem sauo'o da nhuaxanaguec, ñamaxa na qauem. Qaq 'era da ỹa'aqtac, Aỹem Nataxala'.

Jeremías 2:5

Ñim Nataxala' qami' 'enapegalo 'eeta': «Som hua'au qarta'ailpi, ¿negue't co'ollaxa ca qauem maye ila'a dam sheeta, ye Aỹem ca'ai co'ollaxa? Nache somayepi ca'ategue na atamnaxala'pi maye qaica ca naigui, nache somayepi ỹe'eguelaxa da qaica ca naigui.

Jeremías 10:1

Ñaq qana'axaỹaxañiỹa qami' nhuo' Israel, dam la'aqtac Ñim Nataxala' maye qami' ỹanema.