Jeremías 2:36 - La'aqtaqa Ñim Lo'onatac 'Enauacna 2013

³⁶ ¿Ta'ainco' da ỹaguec da 'arỹalaxa da 'anaralaxat so 'anaỹamaxate'? Ye nataqa'en ye Egipto 'am ỹatenachet qome, 'eeta'am da 'eetec da 'am ỹatenachet co'ollaxa ye Asiria.

Jeremías 2:36 Referans Kwoze

Jeremías 31:22

¿Chaq laỹo' da 'aỹa'axaañi da 'ateguelo da qoneta'am aca ñale maye isomtapigui'? Aỹem Nataxala' huo'o da dalaxaic so'ot ana'ana 'alhua, aca 'alo maiche nmitaique qome ca ỹale.

Oseas 5:13

Nache ye Efraín qom ila'a da lalolaxa, qataq ye Judá qom ila'a da lque'emaxa, huaña qome nache ye Efraín, nqo'ona so 'amaqtaqaic nta'a ye Asiria, da iỹaxanaique ca ntaunaguec, qalaxaye somaye saishet qome da no'oita naqa'en, qataq saishet da nataren na lque'emaxa.

Oseas 12:1

Na Efraín qalaq chectac na la'at, qaq 'enauac ye na'a'q da quetague' na la'at maye chegaqa'ague da nala' lliguisheguem. Qataq nquigaxattauec na latenataxanaxacpi qataq qaica ca iren, qataq naỹamaxate' ye Asiria, qataq ỹamaxa na nme aceite ye Egipto.

Jeremías 2:23

¿Qaq ca 'eeteco' da qoneta': ‹Saishet da aỹem nshepaxan qataq saishet da sho'oxoreetac nam atamnaxala'pi maye saq 'en›? Ña 'aulogui da 'arataxac co'ollaq huaña ye ca'amegue, ña 'aumeten 'enauac nam 'auo'otpi, 'am nauanaxanaxa maye saishet da 'anamaañi,

2 Crónicas 28:16

Qaq nache huaiguilo se'esoua na'axa'te da so nta'a Ajaz, ỹamaxa so nta'a ye Asiria, so ltaxaỹaxanaxanecpi da iỹaxanaique ca ntaunaguec somaye,

Oseas 14:3

Na Asiria le'ecpi saishet qome da qomi' nca'alaxatrec, qataq saishet da sonaqtalec na caipi da ñaneltaxanaq, huaña nache saxanaxañi da shenaqtega qanatamnaxala' na maiche qaro'onatacpi, cha'aye nache 'amta 'Am Nataxala', da 'am ỹachegoxoto'ot da nchoxonnataguec nam qaicaua caua lta'al.»

Oseas 10:6

Cha'aye ñim huaca llalec qaỹache qome, qaira'a ye Asiria da yaqto' qoỹanem so ỹataqta 'amaqtaqaic nta'a. Huaña qome, nache nam netaña ye Efraín huo'o da la'aloxo, qataq na Israel le'ecpi huo'o qome da la'aloxo souaxat ñi natamnaxala'.

Oseas 7:11

Qaq ye Efraín, qalaq 'eeta'am na qoto' da 'enaqaic qataq qaica ca lauattonaxanaxac, nache taỹa qome ye Egipto da iỹaxanaique ca ntaunaguec, ime, qaltaq taỹa ye Asiria.

Ezequiel 29:7

da co'ollaq 'am ỹaconeua'a namayepi, nache 'auacac, nache 'auque'emaqchet 'aua'areua'a na laỹe, qaq co'ollaq nshetaique da 'am hua'axaua'a namayepi nache 'auacac nache huañi 'anqa'en namayepi.

Lamentaciones 5:6

Na egipciopi qataq nam asiiriopi, qalaq sanaqto'oto naua qarhuaxaye da yaqto' sequia'aqtac.

Lamentaciones 4:17

Naua qara'ai'te qalaq mashe nasamyiñi, qaica ca naigui da seuataqtaique cam qomi' itaua'n, da qanaquitaxac da seuataqta'aguet da lviraxac nam shiỹaxauapi maye saishet da deca'alaqtaxan.

Jeremías 37:7

Da la'aqtac Ñim Nataxala' maye Natamnaxala' na Israel le'ecpi, 'eeta': «Qaua'aqtaxañim qome ca nta'a ye Judá maye Aỹem namaxasoxona da aỹem inat, da so nallecpi ñi faraón, maye anacta co'ollaxa da yaqto' itauan na Judá, somayepi mashe ỹe'eguelaxa ye Egipto.

Jeremías 2:33

«¡'Am ỹataqta saqca ca 'anqalaataxac da 'anmitaique na 'ancachaxauapi! ¡Qaq ivira'a ana quisheguetaxaipi da 'auapaxaguenec dam qauem 'arataxac!

Jeremías 2:18

Qaq nagui ¿negue't ca 'araueguec da 'anqo'ona ye Egipto da yaqto' 'anỹomgui na 'etaxat maye huetangui so tala Nilo? Qataq ¿negue't ca 'araueguec da 'anqo'ona ye Asiria da yaqto' 'anỹomgui na 'etaxat maye huetangui so tala Éufrates?

Isaías 20:5

Qaq nam shiỹaxauapi nlaxagui qome da lli'iỹaxa qataq da lcoxo souaxat ye Etiopía maye naquittalec co'ollaxa, qataq ye Egipto maye llo'oxonnatac co'ollaxa.

Jeremías 46:12

Nam ỹotta'a't shiỹaxauapi mashe ỹaỹaten da qaica ca qara'amaqchiqui qataq imauec ana 'alhua da qaỹa'aqtega da qara'alaxaqui, ñi 'oonolec nam alaataxaicpi qalaq ỹe'egueetega't ca maiche lỹa, nache 'enauac da huañi hueta'aguet na 'alhua.»

Ezequiel 16:28

Qalaxaye saishet da 'auamagueñi souaxat de'era 'am so'otec, ỹoqo'oye 'anquishestague' na asiiriopi, qalaxaye ñaq 'eetalec saishet da 'auamachiguiñi.

Jeremías 22:20

«¡'Am Judá, 'asheguema qome añi qasoxonaxa Líbano nache 'aua'alaq! ¡Qataq 'ana'axannec da 'ara'alaxac qom huaña aye qasoxonaxapi ye Basán! ¡'Aua'alaq qom qonetalec añi lcomaraxalate ye Abarín, cha'aye 'enauac na 'ancachaxauapi mashe noxonecpi!

Jeremías 22:22

Qaq 'enauac qome na 'arataxala'pi da ỹaỹoxonaqchet ca la'at, nam 'ancachaxauapi qalaq qaỹauega qome ca ỹaqa'a 'alhua. Nache 'am huo'o qome da 'ara'agaxa qataq sa 'auaỹaten ca qonetec, souaxat na qauempi maye 'auo'ot.