Jeremías 2:35 - La'aqtaqa Ñim Lo'onatac 'Enauacna 2013

³⁵ Qalaxaye na'aictaxa 'enauac de'era, 'am qonapec: ‹Aỹem qaica ca ỹasouaxashet. Ñim Lo'onatac 'Enauacna mashe saishet da aỹem denotega.› Aja', cha'aye qonapec da qaica ca 'arasouaxashet, nache Aỹem 'am sataỹa'aguet qome da 'am ñimit.

Jeremías 2:35 Referans Kwoze

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Romanos 7:9

Cha'aye co'ollaq saxanaxa da saỹaten na nqataxacpi, nache she'emaqtac. Qalaxaye co'ollaq saỹaten na namaxasoxonaxacpi, nache ñanoma da ỹataqta aỹem 'etaxaloxoic lta'araic

Jeremías 25:31

Da l-llimiaxa da lavilỹaxac, qalaq ivira'alo naua loga'te ana 'alhua, cha'aye Ñim Nataxala' lapaxañi qome ca ltaxaỹaxac da dataỹa'aguet na ỹotta'a't shiỹaxauapi, nache iỹaxaneuga qome da nmit 'enauac na shiỹaxauapi, da yaqto' ỹaneguet da l-leuaxa nam qauemaicpi. Qaq 'era da la'aqtac Ñim Nataxala'.›»

Jeremías 2:29

¿Ta'ainco' da Aỹem qancotaitague', ye 'enauac da qoñiita da saishet da Aỹem qaualaqaiguet? Qaq 'era da ỹa'aqtac Aỹem Nataxala'.

Jeremías 2:23

¿Qaq ca 'eeteco' da qoneta': ‹Saishet da aỹem nshepaxan qataq saishet da sho'oxoreetac nam atamnaxala'pi maye saq 'en›? Ña 'aulogui da 'arataxac co'ollaq huaña ye ca'amegue, ña 'aumeten 'enauac nam 'auo'otpi, 'am nauanaxanaxa maye saishet da 'anamaañi,

Jeremías 2:9

Qaq ỹoqo'oye, aỹem Nataxala', qami' sataỹa'agueta qome da qami' ñimi't, qataq nam qaỹa'alquipi qataq nam qarhuallipi. Qaq 'era da ỹa'aqtac Aỹem Nataxala'.

Isaías 58:3

qalaxaye namayepi, 'eeta': ¿Ta'ainco' da ñeqouaqchetaq, ye Ñim Lo'onatac 'Enauacna, qomi' sa ỹauanguilo? ¿Ta'ainco' da sauoqo'o da qanque'eenaxac ye Ñimaye sa qomi' nomalo? Qaq ye na'a'q maye huaigui naxa da qanqouaqchichi, qalaq nache huaigui qanqa'eñi da qanmiñeetac, qataq da qauchoxoyiñi nam qami' do'onataxaatacoto,

Da na'aqtaguec so Job 33:9

«Aỹem qui'itta, qaica ca sasouaxat, qaica ca ñe'enaxac, qataq qaica ca ỹasouaxashet.

Ezequiel 17:20

Qaq Aỹem sasaxalec qome ñimaye ca ỹaleguec, nache huetaigui ñaqa'en qome camaye da sauega ye Babilonia, qaq nache huaña qome yemaye da ñemit souaxat da Aỹem saỹalaxaguet.

Jeremías 16:10

Qaq qom 'aua'aqtaxanem ne'ena nhuo' le'ecpi de'era na'aqtaxanaxac, nache 'am qainat qome: ¿Ta'ainco' Ñim Nataxala', da ỹa'axata'a da qomi' taleguete qome de'era ỹataqta lta'araic qauem? ¿Negue'to' cam qauem maye so'otaq? ¿Negue'to' cam qarasouaxashet maye hueto'ot Ñim Nataxala' maye Qanatamnaxala'?