Jeremías 2:34 - La'aqtaqa Ñim Lo'onatac 'Enauacna 2013

³⁴ Naua 'ogo qalaq huaguilo na ntago'q nam ltago'q na choxoraqpi qataq nam qaica ca ỹasouaxat, nam shiỹaxauapi maye saỹauano' da 'auauanalec da ỹo'ottac ca qauem.

Jeremías 2:34 Referans Kwoze

2 Reyes 21:16

Qaq 'enauac na lasouaxashetpi so Manasés, da nataqa'en ỹo'ot da huo'o nam lasouaxashetpi ye Judá, cha'aye ỹo'ot nam qauem maye sa ỹaỹamaxarenpi Ñim Nataxala', qataq ỹalauat so qalota maye qaica ca lasouaxashet, nache ỹataqta nlaxalec ye Jerusalén na ntago'q.

Jeremías 19:4

Cha'aye na Israel le'ecpi aỹem ca'ai, nache ỹo'ot da 'eco' ỹaqa'a ne'ena 'alhua, nache huaña naqa'en namaye da ỹanot na lchenaxanaxat maye ama na laita nam ỹaqa'a atamnaxala'pi, maye namayepi qataq so hua'au lta'alpi, qataq so nta'alpi na Judá, saỹauatton, qataq nlaxattelec namaye na ltago'q som shiỹaxauapi maye qaica ca ỹasouaxat.

2 Reyes 24:4

qataq souaxat da icoraxatrec naua ltago'q som shiỹaxauapi maye qaica ca ỹasouaxat, nache nlaxalec naqa'en ye Jerusalén na ntago'q. Qaq ỹoqo'oye Ñim Nataxala', saishet da ỹapalaxat na lasouaxashet somayepi.

Éxodo 22:2

Qaq da huo'o ca cachaxaic da qaỹauanalec da decachetac, qaq da qaique'emaqchet, nache da huo'otaq ileu, qaq que'eca deque'emaqtaxan saishet da lasouaxashet da l-leuaxa camaye.

Ezequiel 24:7

Yem huaqta'a't nỹecpi ỹataqta nlaxagui na ntago'q maye huecorec, qalaxaye saishet da huecorelec na 'alhua da yaqto' ỹapolec na namoxoỹaxa, nacherata da huecorelec ana coma'pi.

Ezequiel 20:31

Da qaỹa'añiitegueuo ana qarachetaqtaxanaqche, qataq da qaỹa'añi na qaỹa'alquipi da qaỹavigaxat, nache damaye ỹa'axat da qami' ña qoquiito'ot da nshepaxan da qarataxaqui, ¿qaq peta'a nachera da qaupicheetega da lataxac qami' Israel le'ecpi, da qauanaqui da Aỹem qaunache? Aỹem nataxala', maiche ñañan da san da ỹa'aqtac, da saishet qome da qami' ña'aqtaxaneto.

Jeremías 8:12

¡Qamaq iuen taxa da huo'o da la'agaxa da ỹo'ot de'era maye sa sesheteguet! ¡Qalaxaye namayepi qaica ca la'agaxa! Ỹoqo'oye qom sauo'o ca nhuaxanaguec, nache depoxolaxaañi qataq huañi, 'eeta'am so laỹepi. Qaq 'era da ỹa'aqtac Aỹem Nataxala'.

Jeremías 7:31

Qataq ỹanangui so ca'amegue ye Ben Jinón, aso nca'atoxonaxalate maye lalamaqte so atamnaxala' Tofet da yaqto' ỹavigaxat so llalaqpi qataq aso llalepi, dam saishet da samaxalec co'ollaxa, qataq saishet da iuennataxa co'ollaxa.

Jeremías 6:15

¡Qaq iuen taxa da huo'o da la'agaxa da ỹo'ottac nam qauem maye seqaiga! Qalaxaye namayepi qaica ca la'aloxo qaq ỹoqo'oye qom sauo'o ca nhuaxanaguec namayepi nache huañi qome, 'eeta'am na laỹepi shiỹaxauapi. Qaq 'era da ỹa'aqtac Aỹem Nataxala'.»

Isaías 59:7

naua lapia'ate qalaq taigueta da nqalgoqtague' na qauem, qataq nqalgoqtague' da icoldec naua ltago'q cam qaica ca ỹasouaxat. Naua lhuennataxaco qalaq nda'a't da tatapigui lauel da lalaataxanaxac, naua lqauaxaqui' da jec qalaq nda'a't da no'onaxatañi nam ilaxachiguipi qataq nam nlaxaañi.

Isaías 57:5

qataq huaña naxa na la'a' ana rooblepi qataq 'enauac ana qo'oipaqpi maye qalochiguiñi ana lcouepi, da qauo'oche nam qauempi, qataq qaỹa'añeeuo da qarachetaqtaxanaxache na ñaqpiolec da huaña na loigue na la'auaxacpi qataq na lpoxoỹaxapi ana coma'pi.

Isaías 59:3

Qami', naua qarhuaxayilli' qalaq huagui na ntago'q, qataq naua qaya'axaatalli' qalaq huagui na ltago'q na qaralaataqui, naua qa'apilli' qalaq nauoiguilo na natenataxanaxacpi, ñi qarachaxachi qalaq nda'a't na qauem huetalec.

Jeremías 2:33

«¡'Am ỹataqta saqca ca 'anqalaataxac da 'anmitaique na 'ancachaxauapi! ¡Qaq ivira'a ana quisheguetaxaipi da 'auapaxaguenec dam qauem 'arataxac!

Jeremías 7:6

qataq da saishet da qanhuoye nam chegaqauecpi, nam saploqpi qataq ana pa'aipi, qataq saishet da qaualauache na qaica ca ỹasouaxat maye hueta'a ne'ena, qataq saishet da qavio'oxoyeñi nam laỹepi atamnaxala'pi, maye ishet da qami' na'aqche't,

Lamentaciones 1:9

Naua alogo qalaq nlaqchiguilo na qauem, qaq saishet da iuennatega co'ollaxa dam taỹa'aguet. Qaq ỹataqta nque'elaxatta co'ollaxa da huañi, nache qaica ca ỹa'añaqchet. ¡'Am Nataxala', ñaq 'aulogui nagui da ỹaquicoxo, qataq 'aumeten da na'amqaanaxac nam aỹem ipa'agueetacpi.

Lamentaciones 4:14

Da lqueuoxoc da queuotapigui' qalaq ỹe'egottapigui' 'eeta'am ca qanamaic da quetague' na nqa'aicpi, namayepi ỹataqta nshepaxan souaxat na ntago'q, nache qaica ca ishet da ipoteua'alo naua alogo.

Ezequiel 9:9

Nache Ñim Nataxala' aỹem ỹasateguet, 'eeta': «Da lasouaxashet na nhuo' Israel qataq na Judá le'ecpi ỹataqta lta'araic. Ne'ena 'alhua ỹataqta nlaxagui da nalaataxanaxac, ne'ena huaqta'a't nỹecpi ỹataqta nlaxagui da sa nalogoñi lataxac. Namayepi ipettega da mashe sheca'ai ne'ena 'alhua, qataq sa sauangui nam ỹo'ottacpi.

Ezequiel 22:25

na nta'alpi maye hueta'a ne'ena 'alhua, qalaq 'eeta'am na llonpi da desoqtai', qataq icolaxattac ca loxonec, qataq chec nam shiỹaxauapi da huaña na na'alhua, qataq decachiỹa na no'on logoxoshetpi, qataq da lsallaxa, qataq ỹo'ot da nquiguec ye lcata ana pa'aipi.

Éxodo 22:1

Qaq da huo'o ca decachiỹa ca nauegaxanaxala' huaca, huo'otaq qagueta, nache ỹalauat huo'otaq imen, nache camaye iuen da desheetenaxanalo caua lỹa't cinco huaca da isheeten que'eca huaca, qaq da huo'otaq qagueta nache lasheue naqa'en caua lỹa't cuatro qagueta.

Ezequiel 23:45

Qalaxaye nam ỹalleppi maye no'on da lataxac, nmi't qome na lasouaxashe't nache ỹanegueta ca nhuaxanaguec maye naigui nam ỹo'o't se'esoua quisheguetaxail qataq laataxanaxail. Qaq cha'aye nachera dam lataxa'c soomaye: quisheguetaxail qataq laataxanaxail.»