Jeremías 2:33 - La'aqtaqa Ñim Lo'onatac 'Enauacna 2013

³³ «¡'Am ỹataqta saqca ca 'anqalaataxac da 'anmitaique na 'ancachaxauapi! ¡Qaq ivira'a ana quisheguetaxaipi da 'auapaxaguenec dam qauem 'arataxac!

Jeremías 2:33 Referans Kwoze

Ezequiel 16:47

Qaq 'am, nache qoquegue co'ollaxa dam lataxac yeemaye, qataq 'auo'ot nam qauem maye ỹo'ottacpi qataq qaiqaiga. Qaq saishet da 'auamachiguiñi naqa'en de'era, da 'arataxac qalaq ỹataqta napacalec da lataxac yeemaye.

Ezequiel 16:27

Qaq ỹoqo'oye ñauaxaỹaxaasheguem na ihuaq da sauo'o so 'anhuaxanaguec, nache so'ot da nquiga't nam 'aralamaxatpi, qataq 'am saneguet na filistea le'ecpi, maye 'am lquiỹaqte, qataq saỹaỹamaxaren dam qauem 'arataxac maye ỹo'ot da na'agaxa.

Jeremías 2:36

¿Ta'ainco' da ỹaguec da 'arỹalaxa da 'anaralaxat so 'anaỹamaxate'? Ye nataqa'en ye Egipto 'am ỹatenachet qome, 'eeta'am da 'eetec da 'am ỹatenachet co'ollaxa ye Asiria.

Jeremías 2:23

¿Qaq ca 'eeteco' da qoneta': ‹Saishet da aỹem nshepaxan qataq saishet da sho'oxoreetac nam atamnaxala'pi maye saq 'en›? Ña 'aulogui da 'arataxac co'ollaq huaña ye ca'amegue, ña 'aumeten 'enauac nam 'auo'otpi, 'am nauanaxanaxa maye saishet da 'anamaañi,

2 Crónicas 33:9

Qalaxaye so Manasés ỹo'ot co'ollaxa da so hueta'a ye Judá, qataq som hueta'a ye Jerusalén da quegue som qauem nqa'aic, qataq da ỹo'ot nam qauemsat maye ỹo'ottac co'ollaxa som ỹotta'a't shiỹaxauapi maye Ñim Nataxala' ilaxachigui co'ollaxa, ỹauaachigui naqa'en so Israel le'ecpi.

Oseas 2:13

Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

Jeremías 2:32

¿Aca qa'añole ishet peta'a da icoua'ai aca no'otaqtepi? ¿Qataq aca nauootac peta'a ishet da icoua'ai aca lapoto maye nauoxonaxaqui? Qalaxaye nam ỹalamaxat nhuo' le'ecpi mashe qaỹoqteguelo soua vi'iye da aỹem icoua'ai.»

Jeremías 2:34

Naua 'ogo qalaq huaguilo na ntago'q nam ltago'q na choxoraqpi qataq nam qaica ca ỹasouaxat, nam shiỹaxauapi maye saỹauano' da 'auauanalec da ỹo'ottac ca qauem.