Jeremías 2:31 - La'aqtaqa Ñim Lo'onatac 'Enauacna 2013

³¹ Qaq nataqa'en qami' maye qami' dalaxaicpi, ña qana'axaỹaxañiỹa dam la'aqtac Ñim Nataxala'. 'Am Israel, ¿peta'a sheeta'am 'anqa'en ca toolec 'alhua, huo'otaq cam 'alhua maye huetalec na napalaxa? Qami' ỹalamaxat nhuo' le'ecpi, ¿ta'ainco' da qoñeỹapec. ‹Qomi' huesochiyiñi qaq saishet da qaltaq 'am she'eguelaxasoqot›?

Jeremías 2:31 Referans Kwoze

Deuteronómio 32:15

Qalaxaye co'ollaq mashe qaica ca iueetaique na Israel le'ecpi, nache dataỹa'aguet Ñim Lo'onatac 'Enauacna maye lo'onatac namayepi, qataq ỹo'otan naxa Ñim npaxattalec qataq lca'alaxaqui namayepi.

1 Corintios 4:8

Qami' mashe qami' hueto'oto 'enauac nam qanqopichiitaique: mashe qami' sallaxanaqa, qataq mashe qoñiita'am na nta'alpi, qaq 'eeta'am da nache qomi' qauasaqaitre'c. ¡'Onaxaico' da ỹataqta 'eesa da qami' nta'al! ¡Yaqto' qami' qaro'onataxanaxau' da qomi' nta'al!

Miqueas 6:9

Ñim Nataxala' iỹaxaatega nam huaqta'a't nỹecpi, qaq ca huo'o naq 'enec naqa'en da le'enaxat Ñimaye, qaq nacheca ca ỹaanaxanaxaic. Ña qana'axaỹaxañi qami' nhuo' le'ecpi, qataq qami' shiỹaxauapi maye qaỹa'añiitac nam nqataxacpi.

Amós 1:1

Qaq 'era da la'aqtaxanaxac so Amós, som qagueta lo'o maye lma' ye Tecoa, dam lauanaqchec maye chegoqo'ot Ñim Lo'onatac 'Enauacna, maye taỹa'a da talec na Israel le'ecpi, co'ollaq saxanaqcaua soua dos vi'iye da nvi' so nacholaxanaxa ana 'alhua, maye huetoigui da lo'onataxanaxac so Uzías, maye nta'a ye Judá, qataq da lo'onataxanaxac so Jeroboán, som llalec so Joás, maye nta'a ye Israel.

Oseas 13:6

Qalaxaye co'ollaq mashe ỹaguec na qo'oqoi, nache naua qarquiyaqtelli' nlaxaguilo da qana'amqaanaxaqui, huaña nache Aỹem qaucoviỹa'ai.

Isaías 45:19

Aỹem saishet da ñeqañoxottañi co'ollaq setaqa, huo'otaq da sootaigui ca napalaxa ana 'alhua. Saishet co'ollaxa da shenapega nam chegoxoguetpi so Jacob, da sheeta': ‹Qanmiche cam qaica ca hueta'a da Aỹem qanmichiỹaique. Aỹem Nataxala', aỹem sa'axat cam 'eesa, qataq ñasaxauec cam ỹaỹamaqchiguiñi lataxac.›»

Proverbios 30:9

cha'aye saiuena'a da ỹaguec ca anoq nache ishet da 'am seqoleguet, nache sheeta': «¿Negue't que'eca Nataxala'?» huo'otaq da ỹapac saq 'amaqtaq ca anoq nache ishet da secache, huaña nache qaica ca 'enec ñaqa'en da 'are'enaxat 'am Ñatamnaxala'.

Salmos 12:4

nam 'eeta' naxa da la'aqtac: «'Eeso' ya' ye huo'o na qorap da yaqto' huo'o ca sañoxotaq, cha'aye na qara'aqtaqa maye qomi' mpaxaaleguete, qaq ¿negue't ca ishet da qomi' ỹamaqta'ape?»

Salmos 10:4

Na qauemaic souaxat da na'amqaanaxac nache, 'eeta': «Qaica ca Lo'onatac 'Enauacna. Qaica ca ishet da aỹem ichemaxata.» Qaq 'era 'enauac da lhuennataxac.

2 Crónicas 31:10

nache so lataxala' so ntaxaỹaxanaxanecpi Azarías, maye chegoxoguet so Sadoc, ỹasateguet somaye 'eeta': «Chegoqchiguiña co'ollaq qaỹacoolec da qandoua'a ana atamnaxaqui maye lalamaqte Ñim Nataxala' ne'ena nachetaqtaxanaxatpi, nache qomi' saishet da seuenaqtaique ca sacheguenaq, qalaxaye ñaqaiyeta qalota na no'onañi, qaq 'enauac ne'ena nachena na no'onañi, cha'aye Ñim Nataxala' talec naqa'en da nqouagaxa nam lalamaxat nhuo' le'ecpi.»

Deuteronómio 31:20

Cha'aye qom senoxonaqcheteua'a ye 'alhua maye sachaxanapecot co'ollaxa so hua'au lta'alpi namayepi, yem 'alhua maye huaña da sa qoue na huaca lche' qataq na te'esaq lli'i, qataq ivitta'a qome da ỹataqta saishet da iqouattac qataq chaxaraicpi, qaq huaña qome nache ca'ata na ỹaqa'a atamnaxala'pi da natamnot, nache Aỹem ỹo'otan qataq ỹalat da ñaỹamaxataxac, maye so'otec co'ollaxa namayepi.

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Jeremías 2:25

¡'Am Israel saishet qome da qaicaua caua 'arapela'ate cha'aye ishet da 'auque'emaq, qataq saishet da deqaqtegue 'anqa'en na 'arqosot souaxat na 'araquip! Qalaxaye 'am qonapec: ‹'A'i saishet, cha'aye aỹem sauotec nam ỹaqa'api atamnaxala'pi, nache aỹem seca'ategue namayepi.›»

Deuteronómio 32:18

'Am Israel, 'aucoua'ai co'ollaxa Ñim 'Arta'a maye 'am ntela'a, 'aucoua'ai Ñim Lo'onatac 'Enauacna maye 'am ỹanem da 'anachaalataxac.

1 Reyes 11:22

Nache so faraón 'enapeco': ¿Ta'ainco' ye 'anshetaique da 'avi'eguelaxa ye 'ana'alhua? ¿Peta'a huo'o ca lỹa 'aueetaique ne'ena qoueta'a? Nache so Hadad 'enapeco': Qaica, qalaxaye 'am ñachoxoreetot da aỹem 'auasheeta qome da she'eguelaq.

Da na'aqtaguec so Job 21:14

Qataq 'enapega Ñim Lo'onatac 'Enauacna, 'eeta': «¡Ña qomi' 'aua'aqta'alo, cha'aye qomi' saishet da sauoqtaique da saỹatena'q naua 'arqataxaco!»

Jeremías 5:5

Qaq huaña nache shenapec: Ñeqo'oneua'a nam shiỹaxauapi maye 'amaqtaqaicpi nache setaxaỹot qome cha'aye namayepi yo'oqta da ỹaỹaten cam 'eetapeguec Ñim Nataxala', cam damaxasoxoolec Ñim Natamnaxala'. Qalaxaye namayepi 'enauac da dataỹa'aguet Ñim Lo'onatac 'Enauacna, namayepi sanashen da ỹalaxaguet Ñimaye.

Jeremías 5:6

Qaq ỹoqo'oye na llonpi maye chegaqaigui na aviaq mpa'auec qome, nache ỹalauat namayepi, qataq na qa'alaqpi maye huetalec na toolec 'alhua qalaq icolaxattac qome namayepi, qataq na quiyocpi iloquiaxan namayepi qom hueta'a na lalamaxat huaqta'a't nỹecpi, qaq cam pa'auec namayepi, nache icolaxattac, cha'aye qalota na lasouaxashetpi qataq qalota da latenataxanaxac.

Ezequiel 14:5

Qalaxaye Aỹem sepoteua'a qome ana lquiyaqtepi 'enauac na Israel le'ecpi maye Aỹem ca'ai co'ollaxa, souaxat na lqolacpi.