Jeremías 2:30 - La'aqtaqa Ñim Lo'onatac 'Enauacna 2013

³⁰ Qaq qaica ca naigui da sauo'o co'ollaxa so nhuaxanaguec so qaỹa'alquipi, cha'aye somayepi saishet co'ollaxa da ỹalaq da saỹamaxatteguiñi da lataxac. Qaq 'enauac qami' qoñeeta'am ca llonpi maye dequi'iỹapec, da qaualauache som na'aqtaxanaxanecpi.

Jeremías 2:30 Referans Kwoze

Nehemías 9:26

Qalaxaye somayepi saishet da 'am ỹalaxaguet, nda'a't da 'am dataỹa'aguet, qataq sa ỹaconeguet na 'arqataxacpi, qataq ỹalauat so 'ara'aqtaxanaxanecpi maye 'eetega naxa somayepi da 'am ỹe'egueloqot, qalaxaye somayepi ỹataqta 'am inogoqchet.

1 Ts 2:15

Ne'ena judiopi nachena na ỹalauat co'ollaxa So Qarataxala' Jesús, 'eeta'am so hua'au lta'alpi co'ollaq ỹalauat so lalamaxat la'aqtaxanaxanecpi Ñim Lo'onatac 'Enauacna. Qataq nachena na qomi' ỹamaqrauec co'olloxocheye. Namayepi ỹataqta sa ỹaỹamaxaren nam 'eetapeguecpi Ñim Lo'onatac 'Enauacna, nachaqrata da ỹataqta dataỹa'aguet Ñimaye.

Hechos 7:52

Cha'aye ¿chaq negue'to' cam la'aqtaxanaxanec Ñim Lo'onatac 'Enauacna da huo'otaq sa iuaxan som hua'au qarta'ailpi? Cha'aye somayepi nache ỹalauat co'ollaxa som hua'auchiguiñi da ỹa'axatta'aguet da lviraxac som ỹale maye no'on da lataxac. Qaq somaye co'ollaq nvi', nache qami' qauacoñiiua'a, nache qaualauache.

Jeremías 5:3

'Am Nataxala', 'Am 'anmittaique cam shiỹaxaua maye huesota da lataxac. 'Auauo'o co'ollaxa da nhuaxanaguec namayepi, qalaxaye saishet da iuet, qataq 'auachoxoren co'ollaxa, qalaxaye saỹaỹamaxaren da qaỹapaxaguen. Namayepi ỹataqta qaramchigui, napacalec ca coma', nache saishet da 'Am ỹe'eguelaxa.

Isaías 1:5

Qami' ỹataqta qanañañeeguet da qami' yeloxoiqa, na qaro'oqui qalaq mashe qaica ca ishet da qaiuaxaachiguiña. Naua qarqaigolle' qalaq mashe dolate', nache mashe imauec da qaica ca qara'añaxaqui.

Mateo 23:29

¡Choxoraiqolqa qami' tenataxanaxaiqa, cha'aye ỹataqta qauem da qa'aita'ague! Cha'aye qami' qano'oxoñiisheguem na coma'pi da yaqto' saishet da qaucoviỹa'ai na le'enaxatpi so la'aqtaxanaxanecpi Ñim Lo'onatac 'Enauacna maye mashe ileupi, qataq qauauo'oi na llo'oxoraxat nam shiỹaxauapi maye no'on da lataxac.

Jeremías 7:28

Qonapega namayepi, qoneta': ‹'Ena na shiỹaxauapi maye saishet da ỹalaxaguet Ñim Nataxala' maye Natamnaxala', qataq sa ỹaỹamaxaren da qaỹaỹamaxaañi da lataxac. So huesota lataxac mashe imauec da qaica saishet da huetaigui na alap.›»

Isaías 9:13

Qalaxaye na nhuo' le'ecpi saishet da ỹe'eguelaqot Ñim Lo'onatac 'Enauacna, maye ỹo'ot co'ollaxa da nhuaxanaguec, qataq saishet da nmitaique Ñim Nataxala' maye Qaica ca Ỹaqalanapec.

Apocalipsis 16:9

Nache ỹataqta 'enauac da ỹavic na shiỹaxauapi, qalaxaye ñaqaiyeta saishet da ỹe'egueloqot Ñim Lo'onatac 'Enauacna qataq da yaqto' ỹo'oxoren. Nachaqrata da dalemataỹa Ñim Lo'onatac 'Enauacna maye huo'o da la'añaxac da ishet da ỹa'axaneguet se'eso qaica ca 'ena'am da lchec lhuaxanaxanaxac Ñimaye.

Sofonías 3:2

Saishet da na'axaỹaxanalo co'ollaxa naua la'aqtaqa Ñim Nataxala', qataq saỹasateguet da qaỹapaxaguen; qataq saỹa'amaqten Ñimaye; qataq saishet da ỹe'eguenot Ñim Natamnaxala'.

Ezequiel 24:13

'Am Jerusalén, Aỹem sauotaique co'ollaxa da seỹouec na 'arshepaxanaxapi, souaxat da maiche 'ananoiqueetac naxa da huo'o ye 'auo'ot, qalaxaye saishet da 'am qui'itta. Nacherata qom 'am sematalec da ỹayeloxo, nache cheta'ague da 'am qui'itta.

Jeremías 31:18

Aỹem sa'aqtega na nhuo' le'ecpi maye chegoxoguet so Efraín, da ỹataqta lta'araic da nachoxonnaxac nache, 'eeta': ‹Aỹem sheeta'am co'ollaxa ca huaca llalec maye saishet da qanayeelec, qalaxaye 'am aỹem qonelec co'ollaxa, 'auo'ot qome da 'Am ñe'eguelaxa, cha'aye nache 'Am Nataxala', maye Ñatamnaxala'.

2 Crónicas 36:16

Qalaxaye somayepi ỹataqta ỹe'eetac co'ollaxa som la'aqtaxanaxanecpi Ñim Lo'onatac 'Enauacna, qataq saỹaconegueta naua la'aqtaqa, qataq isheueetac som la'aqtaxanaxanecpi, choche ivitta'a da Ñim Nataxala' talec naqa'en da layeloxo som lalamaxat nhuo' le'ecpi, qaq 'era da 'eetec da qaica ca lata' damaye.

2 Crónicas 28:22

Qaq na'aictaxa co'ollaxa de'era huaigui ncogaxanataguec so nta'a Ajaz, da nache queto'ot da sa ỹalaxaguet Ñim Nataxala'.

2 Crónicas 24:21

Qalaxaye somayepi dataỹa'aguet co'ollaxa so Zacarías, qaq cha'aye so nta'a damaxasoxoolec, nache somayepi ỹalauat somaye irota'a so coma', huaña ye nqasoxoc aso atamnaxaqui maye lalamaqte Ñim Nataxala'.

1 Reyes 19:14

Nache somaye 'enapeco': «Qomye ỹataqta lta'araic da ica'alaxanaxac souaxat da qoneta, 'Am Nataxala' maye Qaica ca 'Auqalanapec, souaxat na Israel le'ecpi da ca'ai da 'anaỹamaxataxac, qataq nlaxaañi aso nca'atoxonaxalatepi maye 'aralamaqte, qataq ỹalauat so 'ara'aqtaxanaxanecpi, ỹauota'a so ỹeelonec. Qaq nachaỹemta da ño'onañi, qalaq aỹem qanmittaique da huotaique aỹem qaỹalauat nataqa'en.»

1 Reyes 19:10

Nache somaye 'enapeco': «Qomye ỹataqta lta'araic da ica'alaxanaxac souaxat da qoneta, 'Am Nataxala' maye Qaica ca 'Auqalanapec, souaxat na Israel le'ecpi da ca'ai da 'anaỹamaxataxac, qataq nlaxaañi aso nca'atoxonaxalatepi maye 'aralamaqte, qataq ỹalauat so 'ara'aqtaxanaxanecpi ỹauota'a so ỹeelonec. Qaq nachaỹemta ño'onañi da ñeca'altauec, qalaq aỹem qanmittaique da huotaique da aỹem qaỹalauat nataqa'en.»

Isaías 59:3

Qami', naua qarhuaxayilli' qalaq huagui na ntago'q, qataq naua qaya'axaatalli' qalaq huagui na ltago'q na qaralaataqui, naua qa'apilli' qalaq nauoiguilo na natenataxanaxacpi, ñi qarachaxachi qalaq nda'a't na qauem huetalec.

Jeremías 46:14

«Qaua'aqtaxañim ye Egipto, qataq ye Migdol, ye Menfis qataq ye Tafnes, qoñiita': ¡Ña qanaỹamaxache, nache qami' lhuotte' qome! ¡Cha'aye na ỹeelonec mashe anacta da qami' ilaxachiguilo!

Lamentaciones 4:13

Qaq 'eetec de'era souaxat nam lasouaxashetpi so na'aqtaxanaxanecpi, qataq nam qauem maye ỹo'otpi so ntaxaỹaxanaxanecpi, cha'aye icolde'c naua ltago'q nam no'on da lataxac huangui naqa'en na laiñi ye huaqta'a't nỹecpi.

Ezequiel 22:24

«'Am shiỹaxaua qonapega na Israel qoneta': 'Am 'alhua, huo'o da 'anhuaxanaguec, qaq qaica da 'am talec auot, qataq 'etaxat,

Daniel 9:13

Qaq 'enauac de'era qauem qomi' taleguete, nache ipacchigui som nanettalec aso lmalate na lqataxacpi so Moisés, qalaxaye qomi' saishet da 'am ñimitaqaique 'Am Nataxala' maye 'Am Qanatamnaxala', qataq saishet da saxanaxañi nam qauem maye so'otaqtacpi, qataq saishet da qolaxague dam 'eesa lataxac.