Jeremías 2:25 - La'aqtaqa Ñim Lo'onatac 'Enauacna 2013

²⁵ ¡'Am Israel saishet qome da qaicaua caua 'arapela'ate cha'aye ishet da 'auque'emaq, qataq saishet da deqaqtegue 'anqa'en na 'arqosot souaxat na 'araquip! Qalaxaye 'am qonapec: ‹'A'i saishet, cha'aye aỹem sauotec nam ỹaqa'api atamnaxala'pi, nache aỹem seca'ategue namayepi.›»

Jeremías 2:25 Referans Kwoze

Deuteronómio 32:16

Nache ỹo'ot naxa da lca'alaxanaxac qataq da layeloxo Ñim Nataxala', souaxat da natamnot na ỹataqta qaiqaiga atamnaxala'pi,

Jeremías 18:12

Qaq namayepi qome 'am 'enapega, 'eeta': «¡Saishet qome da qomi' 'aume'egueta! Cha'aye qomi' saỹamaxarenaqta da so'otaqtac ca maiche shenaqtapeguec, qataq nache qolaqto'ot qome da so'otaqta'ape naua qauema lhuennataxaco da qarquiyaqteỹaxac.»

Jeremías 3:13

Nacherata da 'auaỹateeta da huo'o da 'arasouaxashet, qataq 'auataỹa'aguet Ñim Nataxala', maye 'Anatamnaxala', qataq 'auaỹateeta da qoueto'ot naxa na lpaqal camachaqaca qo'oipaq maye qalochiguiñi ana lcouepi, da 'ancachetague' nam ỹaqa'a shiỹaxauapi, qaq saishet da Aỹem 'aualaxaguet. Qaq 'era da ỹa'aqtac Aỹem Nataxala'.›»

Romanos 8:24

Ñim Lo'onatac 'Enauacna qomi' nca'alaxatre'c, cha'aye huo'o da qanaquitaxac da ipacchigui de'era. Qalaxaye da qaiuatta'aguet cam mashe qailota'a, nache saishet da aquitaxac, cha'aye ca 'eeteco' da qaiuattaique ca mashe huo'o.

Lamentaciones 4:4

Qaq na ñaqpiolec maye ñaq lleptacpi qalaq ỹataqta ỹaguec na laquip, nache na lachaxat lapaxaguet na naquiaq. Na ñaqpiolec da iỹaxaataique aca nauole 'ayiiña, qalaq qaica ca ishet da ỹami' namayepi.

Jeremías 14:10

Ñim Nataxala', 'eeta' da la'aqtac da detaxaỹa na nhuo' Israel le'ecpi: «Ne'ena nhuo' le'ecpi, ỹataqta lauela da chochaq queta. Qaq ỹoqo'oye sa saỹamaxaren da lataxac namayepi. Qaq nagui, nache seuennate na lasouaxashetpi namayepi, qataq sauo'o ca nhuaxanaguec souaxat namayepi.»

Jeremías 13:22

Qaq da 'aunataxan da ta'ainco' da 'am talec de'era, qaq iuen da 'auaỹateeta da souaxat dam ỹataqta lta'araic 'arasouaxashet, ¡ỹoqo'oye 'am qansogoñi, qataq 'am qaỹe'en!

Isaías 57:10

Nache ỹataqta 'anasamñi souaxat da 'arqueuoxoc, qalaxaye saishet da 'auaỹaaneguet damaye da qaca ca naigui. Cha'aye 'am hueto'ot nam nhueneguesat, qaq ỹoqo'oye saishet da 'anasamñi.

Isaías 2:6

'Am Nataxala', mashe qoca'ai co'ollaxa na 'aralamaxat nhuo' le'ecpi nam chegoxoguet so Jacob, cha'aye namayepi nlaqchigui na 'onataxacpi, maye ỹachegoxota'ague da nala' lliguisheguem, nam ilaviigui ca lỹa maye 'eeta'am na filisteopi, qataq naỹamaxate' nam chegaqauecpi.

2 Crónicas 28:22

Qaq na'aictaxa co'ollaxa de'era huaigui ncogaxanataguec so nta'a Ajaz, da nache queto'ot da sa ỹalaxaguet Ñim Nataxala'.

Deuteronómio 28:48

Qaq ỹoqo'oye choche 'am l-latac qome ca 'ampa'aguenaxauapi maye 'am namaxa qome Ñim Nataxala', nache 'anque'etaxangui qome ca 'arqouaxa, 'araquip, qouetauec, qataq ỹataqta 'am choxoraq. Nache Ñim Nataxala' ỹo'ot da 'anque'etaxangui da 'anlataguec, ivitta'a da ỹataqta 'am nlachiguiñi.

Lucas 16:24

Nache so sallaxanec iỹaxana so Abraham, 'eeta': «'Am ita'a Abraham, aỹem 'auchoxoren. 'Anamaq na Lázaro, da yaqto' ipet na llaxaata lsheenec ca 'etaxat da yaqto' ipet na ỹachaxat. Ten ỹapactec da ñeque'eenaxac da sootangui ne'ena norec.»

Lucas 15:22

Qalaxaye so lta'a 'enapega so lamaxashecpi, 'eeta': ‹Sa qanaỹaloxoñi qome da qanqacheere'c caua no'o'n anogo. Ime, qaq qano'otaxanaxañi qataq qa'añiỹaigui ana llaxaata aca chiguishaqte qataq qauauo'oi caua lapela'ate.

Oseas 2:3

Cha'aye da saishet da ỹaxaañi de'era, nache so'orauec qome, qataq saleeta'ague ñaqa'en 'eeta'am so na'a'q co'ollaq ñiguiñi. Huaña nache 'eeta'am ñaqa'en ca toolec 'alhua, qataq ca deqaqta 'alhua, huaña nache ilem ñaqa'en na laquip.

Jeremías 44:17

Nacherata da nache qolaqto'ot da so'otaqtac dam mashe qarhuennataxac co'ollaxa da so'otaq. Nache qolaqto'ot da sanaqtacot na qarchenaxanaxat maye ama na laita, qataq na qarachetaqtaxanaxat lataxa añi atamnaxalate maye le'enaxat Nate'e na Piguem, dam ñanaguenaqto'ot da so'otaqtac choche ivitta'a nagui, qataq ỹo'ottac co'ollaxa nataqa'en so qarta'alpi, qataq so nta'alpi qataq so nataxala'pi, ye huaqta'a't nỹecpi maye ỹotta'a't naua nañalo ye Judá, qataq da huaña na nqa'aicpi ye Jerusalén. Cha'aye co'ollaq so'otaqtac de'era, nache qaica ca seuenaqtaique nam qonoq, qataq qaica camachaqca, qataq saishet da qomi' taleguete ca qauem,

Jeremías 2:31

Qaq nataqa'en qami' maye qami' dalaxaicpi, ña qana'axaỹaxañiỹa dam la'aqtac Ñim Nataxala'. 'Am Israel, ¿peta'a sheeta'am 'anqa'en ca toolec 'alhua, huo'otaq cam 'alhua maye huetalec na napalaxa? Qami' ỹalamaxat nhuo' le'ecpi, ¿ta'ainco' da qoñeỹapec. ‹Qomi' huesochiyiñi qaq saishet da qaltaq 'am she'eguelaxasoqot›?

Jeremías 13:21

Qaq ¿'eetec qome ca 'ara'aqtac 'am Jerusalén qom ivita da 'am ilo'ogue nam shiỹaxauapi maye maiche 'arapaxaguenatacpi co'ollaxa? Qaq 'am nvita qome ca 'anqui'ic maye 'eeta'am da nqui'ic aca 'alo da deco'otapigui'.

Jeremías 22:20

«¡'Am Judá, 'asheguema qome añi qasoxonaxa Líbano nache 'aua'alaq! ¡Qataq 'ana'axannec da 'ara'alaxac qom huaña aye qasoxonaxapi ye Basán! ¡'Aua'alaq qom qonetalec añi lcomaraxalate ye Abarín, cha'aye 'enauac na 'ancachaxauapi mashe noxonecpi!

Lamentaciones 1:2

Ye pe qalaq daquicota da nỹeetac, naua lache' qalaq naguinguilo naua lamelque. Qataq 'enauac nam nauochaxauapi, qaica ca 'oonolec da anac da ỹa'añaqchet. Qataq 'enauac nam nauochaxauapi ỹatenachet, nache ỹe'eguelaxa da npa'aguenaxaua namayepi.

Ezequiel 20:32

Cha'aye mashe taigui ye qarhuennataqai, da qauauoitaique da qoñeeta'am na laỹepi ỹotta'a't shiỹaxauapi ana 'alhua, maye ỹo'oxoreetac na 'epaq qataq na coma', qalaxaye saishet qome da 'eetec de'era.

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.

Malaquías 3:14

Qomye qami' qoñeỹapec naxa: Da qaỹo'onataxaatacot Ñim Lo'onatac 'Enauacna, qaica ca naigui. ¿Negue'to' cam sachegoxotaqaigui da so'otaqtac dam lamaxasoxonaxac Ñimaye, da sanaqtrañi naua qarasouaxaqui da sataqto'ot Ñim Nataxala' maye Qaica ca Ỹaqalanapec?

2 Crónicas 28:23

Cha'aye ỹanot som lachetaqtaxanaxat som atamnaxala'pi maye naña ye Damasco, maye nacheso som que'emaxam somaye da noxonec. Cha'aye da lhuennataxa somaye 'eeta': «Nam atamnaxala'pi ye Siria, itauan nam nta'alpi yi'iye 'alhua, nache yo'oqta da nataqa'en aỹem itauan da sanot ca ỹachetaqtaxanaxat namayepi.» Qalaxaye somayepi nacheso som chegoqchigui da noxonec somaye qataq 'enauac na Israel le'ecpi.

Jeremías 22:21

Aỹem 'am setaqtecot co'ollaq qouetaigui da qaica ca 'auena'a, qalaxaye 'am saishet da Aỹem 'ana'axaỹaxana. Qaq nache qoneta'ac de'era chegoqta'a co'ollaq saxanaxa da 'am ỹe, da saishet da Aỹem 'aualaxaguet!