Jeremías 2:21 - La'aqtaqa Ñim Lo'onatac 'Enauacna 2013

²¹ Aỹem 'am saañi co'ollaxa qoneta'am aca no'on nañiguishe uva qataq aca ỹataqta no'on ala na uva. Qalaq ¿ta'ainco' da 'avi'eguelaxa da qoneta'am aca uva maye qauem qataq ỹoxosa'a?

Jeremías 2:21 Referans Kwoze

Isaías 5:4

¿Negue't ca lỹa ishet da so'ot na ỹanaxanaqa' uva lma'? ¿Peta'a huo'o ca lỹa maye saxanaxa da so'otec namaye? Aỹem seuatta'a co'ollaxa da huo'o aca ỹataqta ama ala ana uva, qalaxaye ¿ta'ainco' da ỹataqta ñe'eua aso ala ana uva?

Éxodo 15:17

'Am Nataxala', ña qomi' 'aunoxonaqchetreuo qome, ña qomi' 'aỹa'analeguete yem qaỹoqotcheguemec 'alhua maye 'aralamaxat, yem 'alhua maye 'arca'aguishec da 'arma', yem atamnaqa' maye maiche 'aua'ayiñi.

Juan 15:1

So Jesús queto'ot da da'aqtaxaatapeguema soua lapaxaguenataqa 'eeta': Aỹem Nachaỹem maye sheeta'am aca 'eesa nañiguishe uva, qaq Ñim Ita'a, qalaq Ñimaye 'eeta'am cam ilotague' aca'aca nañiguishe.

Salmos 44:2

Co'ollaq 'auauota'a na 'arhuaq da 'auo'orauec so ỹotta'a't shiỹaxauapi, nache 'auauo'o da nhuaxanaguec somayepi, huaña nache so lma' somayepi 'aỹa'analec so qarta'alpi.

Salmos 80:8

Qaq 'auachegoxotchiguiña co'ollaxa ye Egipto da 'andoi' aso uva lcheyec, nache 'auo'orauec na ỹotta'a't shiỹaxauapi, nache 'aỹa'aañi asomaye.

Deuteronómio 4:37

Ñimaye ỹataqta ỹauotec co'ollaxa so hua'au qarta'ailpi, ỹoqo'oye lca'aua'a nam chegoxoguetpi somayepi da yaqto' qami' nqateeguesopa ye Egipto, irolec da ỹataqta lta'araic la'añaxac.

Lucas 20:9

Qaq co'ollaq ime, nache So Jesús da'aqtaxanem so shiỹaxauapi, nache ỹauo'o da daloqnaxana, 'eeta': –Huo'o so ỹale ỹauo'o so lanaxanaqa' da ỹaañi ana uva. Qaq co'ollaq ime, nache ỹauo'o so naỹamaxate' 'onataxanaxaicpi da do'onataxaalec naqa'en se'eso lanaxanaqa'. Ime, nache taỹa ca lỹa 'alhua, nache huo'oi soua vi'iye da hueta'ague.

Marcos 12:1

'Era dam 'oonolec nam laloqnaxanaxatpi So Jesús naxa da ivita da ỹapaxaguen na shiỹaxauapi, 'eeta': «Huo'o so ỹale ỹauo'o so lanaxanaqa' maye nanqa' ana uva. Ime, nache mpaxateua'a, qataq ỹo'ot aso no'onataxaqui da qaỹo'ot na lataxa, qataq ỹo'ot aso nalloxolate da yaqto' ishet da qaỹalletalec 'enauac se'eso nanaxanaqa'. Qaq co'ollaq ime, nache huo'o so ỹa'aalaxanaxanec da do'onataxaalec naqa'en se'eso lanaxanaqa'. Nache somaye jec.

Deuteronómio 32:32

Cha'aye namayepi 'eeta'am co'ollaxa so shiỹaxauapi maye lma' ye Sodoma qataq ye Gomorra, namayepi 'eeta'am aca uva maye ñe'eua qataq qanlem,

Mateo 21:33

Qana'axaỹaxañiichigui de'era saloqnaxana, 'eeta': Huo'o so ỹale lalamaxat so 'alhua, ỹauo'o so lanaxanaqa' uva lma'. Ime, nache npaxateua'a, qataq ỹo'ot aso laỹe' da qanlom na lli'i anamaye, qataq aso lalloxolate, da yaqto' ishet da qaỹalletalec 'enauac se'eso nanaxanaqa'. Ime, nache somaye huo'o so ỹa'aalaxanaxanec 'onataxanaxaicpi se'eso lanaxanaqa'. Ime, nache jec.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Isaías 60:21

Qaq huaña qome nache 'enauac nam 'arhuo' le'ecpi no'on da lataxac, qataq nache 'eetai' qome da lalamaxat ne'ena 'alhua, nache namayepi 'eeta'am qome da llaxataxa aca nañiguishe maye maiche saañi, maye sauota'aisalo naua ihua'q da so'ot, da yaqto' ỹachaxan da ỹo'oxoyec.

Isaías 41:8

«Qalaxaye 'am Israel, maye 'am ỹamaxashec, 'am Jacob maye 'am ica'aguishec, maye 'auachegoxoguet so ñauochaxaua Abraham.

Isaías 1:21

¡'Am huaqta'a't nỹecpi maye 'am laxaraic co'ollaxa qaq nagui qalaq 'avira'a da sa 'aualaq! Som shiỹaxauapi maye 'am netaigui co'ollaxa ỹataqta ỹo'ottac co'ollaxa da ỹaỹamaqchiguiñi lataxac, qataq ỹataqta no'on da lataxac, qaq nagui qalaq nda'a't na laataxanaxaicpi na 'am netaigui.

Salmos 105:6

Qami' maye qauachegoqoiguet so Abraham som lamaxashec Ñimaye, qataq qami' llalaqpi so Jacob maye qami' lca'aguishecpi Ñimaye.

Josué 24:31

Qaq so Israel le'ecpi, do'onataxaatacot co'ollaxa Ñim Nataxala' co'ollaq ñaq nca'altauec so Josué, qataq co'ollaq ñaq qaỹatatalec so nqueroxonecpi nataxala'pi, maye nataqa'en ỹauaachigui 'enauac nam ỹo'otpi Ñim Nataxala' maye ỹo'otec co'ollaxa so Israel le'ecpi.

Lamentaciones 4:1

¡Qaq na oro deqat da lo'oxoỹaxac! ¡Ỹataqta deqat imauec da lqashelgaxa! ¡Qaq na coma'pi maye no'onataxatpi co'ollaxa aso atamnaxaqui, qalaq laga't da huetaña ana lamaqaipi na nqa'aicpi!

Génesis 32:28

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»

Génesis 18:19

Aỹem lleca'aua'a co'ollaxa namaye, da yaqto' ỹamaxalec ca llalaqpi, qataq cam chegoxoguetpi, da ỹalaxalec na ỹapaxaguenataxanaxacpi, qataq da ỹo'ot 'enauac cam ỹaỹamaqchiguiñi, qataq ca no'on lataxac, yaqto' Aỹem sepaqueelec 'enauac nam sachaxanapeguempi.»

Isaías 27:2

Qaq que'eca na'a'q, Ñim Nataxala' 'enapec qome: «Qauo'onaxañeelec ana nañiguishe maye ỹataqta 'onaxaic da lamaic.

Jeremías 11:17

Ñim Nataxala' maye Qaica ca Ỹaqalanapec ñim 'am ỹaañi co'ollaxa, 'am namaxa so qauem, da 'am talec souaxat nam qauem maye ỹo'ot na Israel qataq ye Judá, cha'aye inogoqche't souaxat da ỹaatracot na lchenaxanaxat so Baal.

Salmos 80:9

'Ano'onaxaalec ne'ena 'alhua da no'oitot 'anqa'en asomaye, nache asa'aso uva ỹa'alyiñi naua lpa'aye, nache nlaxalec ne'ena 'alhua.

Jeremías 5:10

¡Qaq cam mpa'aguenaxauapi namayepi no'on qome da inoxoneua'a, nache nlaxaañi ana lañiguishe uvapi, qaq na'aictaxa da sa imauec da nlaxaañi! ¡Qalaxaye ỹacagaxat qome ana lcouepi cha'aye anamayepi mashe saishet da ỹalamaqte!

Jeremías 11:16

Ñim Nataxala' ỹauo'o co'ollaxa da 'are'enaxat, 'eeta': «oliivo maye qalochiguiñi ana lcouepi, qataq nlaqchigui ana no'on ala.» Qalaxaye huaigui naqa'en so lta'araic nalataxa, da Ñimaye ỹegueua'a ana 'arauepi nache ỹavigoigui ana 'arcouepi.

Ezequiel 15:2

«'Am shiỹaxaua ¿negue't cam 'onaxaic aca lamo aca uva lcheyec da ishet da qanaloqneguet ca lỹa 'epaq maye qaỹachegoxotaigui ana qo'oipaqpi maye naigui na aviaq?