Jeremías 2:20 - La'aqtaqa Ñim Lo'onatac 'Enauacna 2013

²⁰ Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Jeremías 2:20 Referans Kwoze

Deuteronómio 12:2

Qaq qanlaxachiiñi qome 'enauac na natamnaqa'pi da natamnot na natamnaxala'pi yi'iye ỹotta'a't shiỹaxauapi, maye qauacoñiỹa qome ye na'alhua: Namayepi huo'o na huaña aye qasoxonaxapi, qataq ye ca'amapega't 'alhuapi, qataq huo'o na neto'ot na la'a't ana qo'oipaqpi maye qalochiguiñi ana lcouepi.

Levítico 26:13

Qaq 'era da ỹa'aqtac, Aỹem Nataxala' maye Qanatamnaxala'ai maye qami' ñeqateeguesopa co'ollaxa ye Egipto da yaqto' saishet da nache 'eetai' da qami' l-lataqa yemayepi. Qataq qami' ñeqateeguesopa da qapa'atta qanlataguiiqui, nache huaỹoxootegue ñaqa'en da qarqauaxaqui.

Jeremías 17:2

Na 'aỹa'alaqpi qalaq tachigui lauel naxa ana nca'atoxonaxalatepi qataq ana sa qaishetapec qo'oipaq lamopi, maye hueto'ot na la'a' ana qalochiguiñi ana lcouepi qo'oipaqpi, qataq ana qaỹoqotcheguemec lcomaraxalatepi,

Oseas 3:3

Nache shenapega asomaye sheeta': «Nagui, nache qaỹoqtrec naua na'axa'te da 'am ỹalamaqte, nache saishet da 'anquishishi qataq saishet da 'arauañi' ca lỹa ỹale, qaq aỹem nataqa'en ỹataqta 'am ñalemaqte' da 'am ihua qome.»

Jeremías 30:8

Aỹem Nataxala' maye Qaica ca Seqalanapec, 'era da ỹa'aqtac: sesoueeguesop qome na ỹalamaxat nhuo' le'ecpi da ncoñetaguec, nache saishet qome da ỹe'eguelaxa da l-latacpi nam shiỹaxauapi maye ỹaqa'a ca chegaqa'ague.

Isaías 1:21

¡'Am huaqta'a't nỹecpi maye 'am laxaraic co'ollaxa qaq nagui qalaq 'avira'a da sa 'aualaq! Som shiỹaxauapi maye 'am netaigui co'ollaxa ỹataqta ỹo'ottac co'ollaxa da ỹaỹamaqchiguiñi lataxac, qataq ỹataqta no'on da lataxac, qaq nagui qalaq nda'a't na laataxanaxaicpi na 'am netaigui.

Nahúm 1:13

Nache 'am ñeqateeguesop dam qapa'atta 'anque'eenaxac maye 'am huetalec, qataq sechiigui nam 'ancoñetaxat lcatpi».

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.

Ezequiel 23:5

Qaq aso Aholá, saishet da Aỹem ỹalaxaguet, nache ỹapagaqnauec da lqopiche so ncachaxauapi alaataxaicpi Asiria le'ecpi,

Ezequiel 20:28

Co'ollaq inoxoneua'a ñaqa'en yem 'alhua maye sachaxanapeguem co'ollaxa da sanem, nache naxa da choche ila'a ana lcomaraxalatepi, ana qo'oipaq maye qalochiguiñi ana lcouepi, nache huaña naxa da ỹauo'o ana lachetaqtaxanaqtepi maye qaỹavigaxatta, qataq ana laỹepi lachetaqtaxanaqtepi maye ỹataqta Aỹem inogoqchet, qataq ỹauo'o na lchenaxanaxat maye ama na laita, qataq icorec na lachetaqtaxanaxat lataxa.

Ezequiel 16:41

Nache ỹavigaxat na 'arma'pi, qataq ỹacoolec da ỹo'ot ca 'anhuaxanaguec, ỹauaachigui naqa'en aca qalota 'alpi, nache vi'iiguet ñaqa'en da 'arquisheguetaxac, nache sa 'avi'eguelaxa da 'ausheetetac nam 'ancachaxauapi.

Ezequiel 16:31

Qataq 'enauaque naua loga'te naua nqa'aico qataq na ndaqa'pi da 'ano'oxoosheguem ana nca'atoxonaxalatepi da yaqto' 'avio'oxoren na nqolacpi, qataq da 'anañaneguet da 'anquishestague' namayepi. Qalaxaye 'am, saishet da qoneta'am da lataxac aca quisheguetaxai, cha'aye 'am saishet da 'ansheetela't.

Ezequiel 16:28

Qalaxaye saishet da 'auamagueñi souaxat de'era 'am so'otec, ỹoqo'oye 'anquishestague' na asiiriopi, qalaxaye ñaq 'eetalec saishet da 'auamachiguiñi.

Isaías 14:25

Qaq sauo'o qome ca nque'eenaxac na asiiriopi maye netalec na ña'alhua, qataq hualec ana ñeqasoxonaxapi da dapaxañi ñaqa'en, huaña nache ñeqat dam qapa'atta maye ỹachelec nam ỹalamaxat nhuo' le'ecpi, nache namayepi saishet qome da qaltaq ỹe'eguelaxa da npeetague' damaye.

Isaías 10:27

Qaq que'eca na'a'q nache 'am ñeqateeguesop qome, nam qapa'atta 'aya'ac maye huetalec na 'arallac, qataq sacagaxachigui qome na nauegaxanaxaqui 'epaq maye huetalec na 'arana'q.

Isaías 9:4

Cha'aye 'Am 'anqateeguesop da nlataguec maye ipataqtañi co'ollaxa na nhuo' le'ecpi, qataq da ncogaxanataguec maye ỹo'ot da laquicoxo, qataq da namaxasaguec maye sa ndaxaasheguem, 'eeta'am da 'eetec co'ollaq 'aulaxachigui ye Madián.

Salmos 78:58

Qataq inogoqchet Ñimaye, souaxat ana lca'atoxonaxalate na ỹotta'a't shiỹaxauapi, da natameetacot na ỹaqa'a atamnaxala'pi, nache ỹo'otteua'a da dalemata Ñimaye.

1 Reyes 12:32

Qaq so Jeroboán, nataqa'en ỹo'ot co'ollaxa so laloxoqui da na'amqaanataxanaxac, huetoigui naqa'en so na'a'q quince so ca'agoxoic ocho, qaq 'eeta'am naqa'en so laloxoqui so na'amqaanataxanaxac maye huaña naxa ye Judá, qataq ỹo'ot so lachetaqtaxanaxat ỹachalec aso nca'atoxonaxalate. Qataq nache 'eeta'am naqa'en so huaña ye Betel, da ỹanot na lachetaqtaxanaxat som le'enaqtac huaca llalec. Nataqa'en ỹauo'o so ntaxaỹaxanaxanecpi da ilo'ogue se'eso atamnaqa' maye ỹo'ot somaye.

1 Samuel 12:10

Qalaxaye co'ollaq ime de'era, nache somayepi da'aqtaxaatem Ñim Nataxala' da huo'o da ỹasouaxat, cha'aye ca'ai Ñimaye da yaqto' natamnot so ỹotta'a't lqui'ipi so Baal, qataq aso Astarté, nache iỹaxanot Ñimaye da isoueeguesop da la'añaxac so mpa'aguenaxauapi, qataq ỹanot da la'aqtac da nacheñita Ñimaye da queto'ot da ỹo'oxoreetac.

Josué 24:26

Nache ỹerelec aso nere maye nanettalec na lqataxacpi Ñim Lo'onatac 'Enauacna, huaña nache ỹacona so coma' lta'araic, nache ỹano'ot na pa'aguiñi aso encina, maye netaña so npe'l maye huañacnaxa da qanauane' Ñim Nataxala',

Josué 24:24

Nache so nhuo' le'ecpi, 'enapeco': «Qomi' so'onataxanaqot qome Ñim Nataxala' maye Qanatamnaxala', qataq so'otaq 'enauac na qomi' ỹamaxaleguete.»

Josué 1:16

Nache somayepi ỹasateguet so Josué, 'eeta': «'Enauac nam qomi' 'auamaxaleguete so'otaq qome, qataq saxague cam qomi' 'auamaxaguelo.

Deuteronómio 26:17

Qaq nagui, mashe ime da 'aua'aqtaxaatem Ñim Nataxala', da nacheñi Ñim 'Anatamnaxala', qataq da qoquegue da lataxac da llecỹaxac, qataq 'aualaxaguet na lqataxacpi, lamaxasoxonaxacpi, qataq naua lapaxayiñi lataxaco.

Deuteronómio 15:15

Qaq saishet da 'aucoua'ai da 'am nlatac co'ollaq qonetaña ye Egipto, yem huaña co'ollaxa da Ñim Nataxala' maye 'Anatamnaxala' 'am isoueeguesop da 'anlataguec. Qaq ỹoqo'oye 'am sanem nagui de'era namaxasoxonaxac.

Deuteronómio 5:27

Qaq ỹoqo'oye 'onaxaic da 'am qojec, nache 'ana'axaỹaxana qome 'enauac na la'aqtacpi maye 'am ỹanem Ñim Nataxala' maye Qanatamnaxala'. Ime, qaq qomi' 'aua'aqtaxanema qome yaqto' so'otaq qataq salaxasoxoguet.»

Deuteronómio 4:34

¿Qataq huo'o peta'a ca atamnaxala' da nqatec ca shiỹaxauapi da ỹachegoxottoigui ca laỹepi nhuo' le'ecpi da yaqto' ỹauo'o lalamaxatpi, ỹauota'a na na'anecpi, ñe'eguenataguecpi, qataq na ỹo'ot da na'aalaxa, alaataxac, lchecỹaxac, huo'otaq da irolec da lta'araic la'añaxac da 'eeta'am da qami' ỹo'oteque Ñim Nataxala' maye Qanatamnaxala'ai, co'ollaq qami' nqateeguesopa ye Egipto?

Deuteronómio 4:20

Cha'aye Ñim Nataxala' qami' ỹacoosopa co'ollaxa da qami' nqateeguesopa ye Egipto maye 'eeta'am aca nqatelaxanaxaqui, maye lqatelaxaqui ca lcat, da yaqto' ỹauo'oi qami' lalamaqa'ate Ñimaye.

Éxodo 24:3

Qaq co'ollaq ime da qana'aqtaxaatague' so Moisés, nache ñe'eguelañi da da'aqtaxanem 'enauac so shiỹaxauapi na la'aqtacpi qataq na lqataxacpi Ñim Nataxala'. Nache 'enauac somayepi 'oonolec da lasataxac, 'eeta': ‹¡So'otaq qome 'enauac nam damaxasoxoolecpi Ñim Nataxala'!›

Éxodo 19:8

Nache so Israel le'ecpi 'oonolec da lasataxac, 'eeta': «So'otaq qome 'enauac da qomi' ỹamaxaleguete Ñim Nataxala'». Nache so Moisés ỹe'eguelaxasheguem da ỹa'axatem Ñim Nataxala' da lasataxac se'eso nhuo' le'ecpi.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Apocalipsis 17:1

Nache so 'oonolec soua siete namaxa'she piguem lashe' maye lasoqta'alo soua siete ỹomaxaqui', somaye anac. Nache aỹem 'enapega, 'eeta': «'Aỹala, ñaq 'am sachaxana da nhuaxanaguec maye iuatta'aguet añim 'alo maye ỹataqta lta'araic da lquisheguetaxac maye nso'ooto'ot na loigue na qalota 'etaxat.

1 Reyes 14:23

Cha'aye somayepi nataqa'en nauaxaỹaxaasheguem so natamnaqa'pi, nalec naqa'en aso lcomaraxalatepi, qataq ỹo'ot so le'enaqtacpi maye lqui'ipi aso Aserá, qataq no'oxoosheguem aso natamnaxalate coma' qataq aso 'epaq lamo, no'ot naqa'en aso qo'oipaq late'erai maye qalochiguiñi ana lcouepi.

Salmos 107:14

nache nqateeguesop so lta'araic napalaxa, qataq nqateeguesop da ncoñetaguec.

Jeremías 2:31

Qaq nataqa'en qami' maye qami' dalaxaicpi, ña qana'axaỹaxañiỹa dam la'aqtac Ñim Nataxala'. 'Am Israel, ¿peta'a sheeta'am 'anqa'en ca toolec 'alhua, huo'otaq cam 'alhua maye huetalec na napalaxa? Qami' ỹalamaxat nhuo' le'ecpi, ¿ta'ainco' da qoñeỹapec. ‹Qomi' huesochiyiñi qaq saishet da qaltaq 'am she'eguelaxasoqot›?

Jeremías 3:13

Nacherata da 'auaỹateeta da huo'o da 'arasouaxashet, qataq 'auataỹa'aguet Ñim Nataxala', maye 'Anatamnaxala', qataq 'auaỹateeta da qoueto'ot naxa na lpaqal camachaqaca qo'oipaq maye qalochiguiñi ana lcouepi, da 'ancachetague' nam ỹaqa'a shiỹaxauapi, qaq saishet da Aỹem 'aualaxaguet. Qaq 'era da ỹa'aqtac Aỹem Nataxala'.›»

Jeremías 5:5

Qaq huaña nache shenapec: Ñeqo'oneua'a nam shiỹaxauapi maye 'amaqtaqaicpi nache setaxaỹot qome cha'aye namayepi yo'oqta da ỹaỹaten cam 'eetapeguec Ñim Nataxala', cam damaxasoxoolec Ñim Natamnaxala'. Qalaxaye namayepi 'enauac da dataỹa'aguet Ñim Lo'onatac 'Enauacna, namayepi sanashen da ỹalaxaguet Ñimaye.

Jeremías 13:27

Aỹem sauaachigui da 'arapaxaỹaxa qataq da 'ancachaxac qataq da 'arquisheguetaxac maye ỹo'ot da na'agaxa, qataq naua qauema maye 'auo'o't da huaña ana lcomaraxalatepi qataq na no'onaxapi. ¡Qaq choxoraxaso' 'am Jerusalén! ¿Chaq laguio' qaq 'anqui'itaxat?»

Oseas 4:13

Qataq tasheguema na pa'asheguem ana qasoxonaxapi, qataq ana lcomaraxalatepi, da ỹo'ot nam lachetaqtaxanaxatpi, qataq da ỹavigaxat na lchenaxanaxatpi, qataq huo'ot naqa'en na lpaqal ana qo'oipaqpi rooblepi, 'aalamopi qataq ana enciinapi. Qaq ỹoqo'oye ana llalepi ncogagui qome da lquisheguetaxac, qataq ana latelpi lauatapiguiñi' qome nam sa lhuapi.

Jueces 2:11

Qaq huaña, nache so Israel le'ecpi ỹo'ot nam ỹataqta sa ỹaỹamaxaren Ñim Nataxala', cha'aye natameetacot na ỹotta'a't ne'enaqtacpi lqui'ipi so Baal.

Jueces 2:13

Nache ca'ai Ñim Nataxala' souaxat da natameetacot so Baal, qataq so ỹotta'a't ne'enaqtac lqui'ipi aso Astarté,

Jueces 10:6

Qaq so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala', souaxat da ỹo'oxoreetac so ỹotta'a't ne'enaqtac lqui'ipi so Baal qataq aso Astarté, nataqa'en so natamnaxala'pi so siiriopi, Sidón le'ecpi, moabiitapi, 'amoniitapi qataq so filisteopi. Nache ca'ai Ñim Nataxala', qataq ỹaxaañi da natameetacot Ñimaye.

Salmos 2:3

Nache 'eeta': «Ñaq ñeqataq na lcoñetaxanaxatpi Ñimaye, ñaq ñesoxoueeguesop na laqtaxanaxatpi.»

Oseas 1:2

Qaq 'ena na chegoqchiguiña da la'aqtac Ñim Nataxala' maye chegoqchigui naqa'en so Oseas, 'eeta': «'Aue qojec, nache 'auaroneguet qome aca 'alo quisheguetaxai, nache huo'oi qome caua 'aỹa'alqa, qaq caamaye nache chegaqaiguilo qome da quisheguetaxac, cha'aye nam netalecpi ne'ena 'alhua Israel ỹataqta nquisheshigui da la'amqaanataxanaxac, nache namayepi ỹataqta ca'ai Ñim Nataxala'.»

Oseas 9:1

Qaq 'am Israel, saishet da 'auamachiguiñi, saishet da 'auparenaxaatai' da 'antonaxac da 'eeta'am na laỹepi shiỹaxauapi, cha'aye 'anquishishigui da 'ara'amqaanataxanaxac, souaxat da qoca'ai Ñim 'Anatamnaxala'. Cha'aye 'anqopita da 'auaconeguet da nsheetenaguec da 'anquishishaxac, da huaña ye nchegoxosoxonqa' ana ala na nañiguishec.