Jeremías 2:18 - La'aqtaqa Ñim Lo'onatac 'Enauacna 2013

¹⁸ Qaq nagui ¿negue't ca 'araueguec da 'anqo'ona ye Egipto da yaqto' 'anỹomgui na 'etaxat maye huetangui so tala Nilo? Qataq ¿negue't ca 'araueguec da 'anqo'ona ye Asiria da yaqto' 'anỹomgui na 'etaxat maye huetangui so tala Éufrates?

Jeremías 2:18 Referans Kwoze

Josué 13:3

chegoqchiguiña so la'auaxac Sijor, maye pa'aỹa'ague da yo'oxoñi ye Egipto, nache ivitta'a so loga't ye Ecrón, maye pa'aỹa'ague da sheu', qaq yemaye qoỹeetegacnaxa na'alhua nam Canaán le'ecpi. Qaq yemaye nache netraña yeua cinco nataxala'ate Filistea lashe', qaq yeemaye nache lataxala'ate na lma' ye Gaza, Asdod, Ascalón, Gat qataq ye Ecrón. Nataqa'en ñaq no'onañi ye na'alhua ye aveopi,

Oseas 7:11

Qaq ye Efraín, qalaq 'eeta'am na qoto' da 'enaqaic qataq qaica ca lauattonaxanaxac, nache taỹa qome ye Egipto da iỹaxanaique ca ntaunaguec, ime, qaltaq taỹa ye Asiria.

Jeremías 2:36

¿Ta'ainco' da ỹaguec da 'arỹalaxa da 'anaralaxat so 'anaỹamaxate'? Ye nataqa'en ye Egipto 'am ỹatenachet qome, 'eeta'am da 'eetec da 'am ỹatenachet co'ollaxa ye Asiria.

Isaías 31:1

¡Qaq choxoraxaso' nam taỹa ye Egipto da nmitaique ca ntaunaguec, nam pe'etega na qalota caipi qataq naquittega ana qalota naigonapi, qataq nam qalota alleppi maye nalaataxala' na caipi, qalaxaye sa ỹamato'ot Ñim Qui'itta Natamnaxala' na Israel le'ecpi, qataq saishet da nmitaique Ñim Nataxala'!

Oseas 5:13

Nache ye Efraín qom ila'a da lalolaxa, qataq ye Judá qom ila'a da lque'emaxa, huaña qome nache ye Efraín, nqo'ona so 'amaqtaqaic nta'a ye Asiria, da iỹaxanaique ca ntaunaguec, qalaxaye somaye saishet qome da no'oita naqa'en, qataq saishet da nataren na lque'emaxa.

Ezequiel 17:15

Qalaxaye se'eso llalec so nta'a, saỹalaxaguet co'ollaxa so nta'a ye Babilonia, nache ỹauo'o so lamaxashecpi da ỹamaxa ye Egipto da yaqto' iỹaxanaique so qalota caipi qataq so qalota ỹalleppi. ¿Qaupi'itaxañiitega peta'a da qom ime de'era, nache huo'o ca la'amaqchic, qataq ishet da nca'alec? ¿Ishet peta'a da nca'altauec ca saishet da ipaguelec cam naỹamaxataxac co'ollaxa?

Lamentaciones 4:17

Naua qara'ai'te qalaq mashe nasamyiñi, qaica ca naigui da seuataqtaique cam qomi' itaua'n, da qanaquitaxac da seuataqta'aguet da lviraxac nam shiỹaxauapi maye saishet da deca'alaqtaxan.

Isaías 7:20

Qaq que'eca na'a'q, Ñim Nataxala' do'ogoxona qome ñi nta'a ye Asiria, 'eeta'am naqa'en ca npetegaxanaxat da qaỹa'aalaxana, qaỹachegoxota'ategue da le'ego ye tala Éufrates, nache npetec, qui'it naqa'en na lqaic, lqa' laue, qataq ivira'a ana laso naua lchel na Israel le'ecpi.

Isaías 23:3

qataq nam qalochiguiñi 'etaxat asomaye, qalaq nache ỹachegoxottapigui da lauegaxanaxac na ala na nañiguishec maye chegoqtega ye Sihor qataq ye Nilo, nache nmeetague' nam ỹotta'a't shiỹaxauapi.

Ezequiel 16:28

Qalaxaye saishet da 'auamagueñi souaxat de'era 'am so'otec, ỹoqo'oye 'anquishestague' na asiiriopi, qalaxaye ñaq 'eetalec saishet da 'auamachiguiñi.

2 Crónicas 28:16

Qaq nache huaiguilo se'esoua na'axa'te da so nta'a Ajaz, ỹamaxa so nta'a ye Asiria, so ltaxaỹaxanaxanecpi da iỹaxanaique ca ntaunaguec somaye,

Jeremías 31:22

¿Chaq laỹo' da 'aỹa'axaañi da 'ateguelo da qoneta'am aca ñale maye isomtapigui'? Aỹem Nataxala' huo'o da dalaxaic so'ot ana'ana 'alhua, aca 'alo maiche nmitaique qome ca ỹale.

Lamentaciones 5:6

Na egipciopi qataq nam asiiriopi, qalaq sanaqto'oto naua qarhuaxaye da yaqto' sequia'aqtac.

Ezequiel 23:30

nachera da huo'omshe huo'o dam 'am talec nagui, cha'aye 'am 'anañaneguet co'ollaxa da 'anquishestague' ye ỹotta'a't shiỹaxauapi, qataq 'anshepaxanaqchet da 'arataxac souaxat da 'avio'oxoreetac na lqolacpi yemayepi.