Jeremías 2:17 - La'aqtaqa Ñim Lo'onatac 'Enauacna 2013

¹⁷ Qaq de'era, 'am talec souaxat da aỹem qoca'ai, aỹem Nataxala' maye Aỹem 'Anatamnaxala' maye 'am sauecta'aguet co'ollaq qoquetague' so nqa'aic.

Jeremías 2:17 Referans Kwoze

Jeremías 4:18

Dam 'arataxac qataq nam 'auo'otpi, nachena na ỹo'ot da 'am talec de'era, nam qauem maye 'auo'otpi nachena na 'am ỹaneguet de'era ỹataqta chem alaỹaxac qataq nachena na ique'emaqchet añi 'arquiyaqte.»

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Jeremías 2:13

Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.

Oseas 13:9

Qaq 'am Israel, 'am ñelaxaañi qome nache qaica ca 'am itauan.

Salmos 107:7

Ime, nache ỹauecteuga so nqa'aic ỹashectec, nache iviraxatta'a so huaqta'a't nỹecpi maye qanayeetaña.

Salmos 77:20

Qataq 'auauecta'aguet na 'aralamaxat nhuo' le'ecpi, 'eeta'am 'anqa'en ana nlo qagueta, 'auachegoxotchiguilo soua Moisés qataq so Aarón.

Isaías 1:4

Choxoraicpiolec nam shiỹaxauapi maye 'etaxaloxoicpi, nhuo' le'ecpi maye nlaxagui na lasouaxashetpi, namayepi chegoxoguet so qauemaicpi, ñalaqpi maye lqopitaxat na qauem. Namayepi qaỹoqta naqa'en Ñim Nataxala', qataq ca'ai Ñim Qui'itta Natamnaxala' na Israel le'ecpi.

Salmos 136:16

Ñim ilotague' co'ollaxa da llecỹaxac na lalamaxat nhuo' le'ecpi, co'ollaq quetalec ye toolec 'alhua, cha'aye da lauotaxanaqtaic chochaq tatec.

Da na'aqtaguec so Job 4:8

Nam ỹauanaqchecpi aỹem ỹapaxaguenec, da na ỹo'ottacpi na qauemsat qataq na saỹaỹamaxañipi, nache namayepi ỹaconeguet ca naigui nam ỹo'ottacpi.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

Deuteronómio 32:19

Qaq co'ollaq ila'a de'era Ñim Nataxala' nache dalemata, nache sa nasheneguet co'ollaxa na 'aỹa'alaqpi qataq na 'aỹa'alpi,

Deuteronómio 32:10

Nam ilalec co'ollaq netalec ye toolec 'alhua, yem 'alhua maye deqaqta souaxat so la'at lta'araic, qaq Ñimaye nache nsoxola't, qataq ỹapaxaguen, qataq ilo'ogue 'eeta'ama naua la'ai llale da ỹataqta ntela'alo.

Números 32:23

Qalaxaye da saishet da qauo'oche de'era, nache qauaỹachiñiita da hueto'ot da qarasouaxashichi Ñim Nataxala', nache huo'o ca na'a'q qaq qami' nvitalo ca qanhuaxanaguiqui souaxat de'era qarasouaxashichi.

Jeremías 5:25

Qalaxaye na qarasouaxashechi ỹaqataqchet 'enauac de'era, nache saishet da qanque'etaxañichigui nam no'on maye chegaqaiguipi damaye.

Jeremías 13:22

Qaq da 'aunataxan da ta'ainco' da 'am talec de'era, qaq iuen da 'auaỹateeta da souaxat dam ỹataqta lta'araic 'arasouaxashet, ¡ỹoqo'oye 'am qansogoñi, qataq 'am qaỹe'en!

Jeremías 19:4

Cha'aye na Israel le'ecpi aỹem ca'ai, nache ỹo'ot da 'eco' ỹaqa'a ne'ena 'alhua, nache huaña naqa'en namaye da ỹanot na lchenaxanaxat maye ama na laita nam ỹaqa'a atamnaxala'pi, maye namayepi qataq so hua'au lta'alpi, qataq so nta'alpi na Judá, saỹauatton, qataq nlaxattelec namaye na ltago'q som shiỹaxauapi maye qaica ca ỹasouaxat.

Jeremías 44:3

souaxat nam qauempi maye ỹo'ot co'ollaxa, cha'aye Aỹem inogoqchet souaxat da natameetacot nam ỹaqa'a atamnaxala'pi, qataq ỹaatacot na lchenaxanaxat maye ama na laita som atamnaxala'pi, maye somayepi qataq qami', qataq som hua'au qarta'ailpi saishet da ỹauatton co'ollaxa.

Ezequiel 39:24

Aỹem saneguet nam naiguipi dam nshepaxan lataxac, qataq da saỹalaq, nache saneguet na ilaq.»

2 Crónicas 15:2

nache somaye hueqata'aguet co'ollaxa so Asa, nache 'eeta': «'Am Asa, qataq qami' Judá le'ecpi, qataq qami' Benjamín le'ecpi, ña aỹem qana'axaỹaxañiỹa: Ñim Nataxala', qami' hueta'agueta da qanmichiỹaique Ñimaye, qaq da qoquiỹa'ai, qalaq nataqa'en Ñimaye qami' ca'aisalo qome.

Da na'aqtaguec so Job 34:27

souaxat da ỹaxanec da quetague' Ñimaye, qataq saishet da quegue da lapaxaguenataxanaxac.

Proverbios 15:10

Ca ỹaxanec da no'on nqa'aicỹaxac camaye sa qaỹala'ac da qanlaxanec, qaq ca sa ỹaỹamaxaren da qaitaxaỹaua'a qalaq taỹa'a da ileu.

Isaías 59:13

Qomi' senogoqchetaq qataq satenachetaq Ñim Nataxala', qataq qolqa'ai Ñim Qanatamnaxala'. Sa'axataqtac nam saq'en qataq sasalaxasoq, qataq llapaxasoxoyeñi naua lataxaco da yaqto' satenachetaq na laỹepi shiỹaxauapi.

Miqueas 1:5

Qaq 'enauac huo'o qome de'era ỹasouaxat da nam chegoxoguetpi so Jacob ỹataqta sa ỹalaq, qataq souaxat na lasouaxashetpi na nhuo' Israel le'ecpi. Cha'aye huaña ye Samaria co'ollaxa da saỹalaq nam chegoxoguetpi so Jacob. Qataq ye Jerusalén nalec naqa'en nam saq'en natamnaqa'pi nam Judá le'ecpi.