Jeremías 2:15 - La'aqtaqa Ñim Lo'onatac 'Enauacna 2013

¹⁵ 'Eeta'am ca llon da desoqtai' nam iloquiaxaatac somaye, nache ỹataqta nlachiguiñi naqa'en nam na'alhua. Qataq qaỹavigaxat som lalamaxat huaqta'a't nỹecpi, nache qaica ca no'onañi da hueta'a.

Jeremías 2:15 Referans Kwoze

Jeremías 4:7

Qaq ñi llon mashe ca'ai ñim lle'eguenaxaqui, mashe anacta nam ilaxachigui na ỹotta'a't shiỹaxauapi, qaq mashe ca'ai yem na'alhua da naỹa na 'ana'alhua da yaqto' ilaxachigui, qataq toolec naqa'en, qataq nlachiguiñi naqa'en nam 'aralamaxat huaqta'a't nỹecpi.

Jeremías 50:17

Na Israel le'ecpi, 'eeta'am aca qagueta da isomtac souaxat da icaatac na llonpi. Qaq hua'auñi co'ollaxa da chec namayepi ñi nta'a ye Asiria, ime qaltaq nabucodonosor maye nta'a ye Babilonia nache ilaxachigui na lpi'inecpi.

Jeremías 9:11

Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Isaías 5:29

qaq da desoqo qalaq 'eeta'am ca llon maye desoqtai' da huo'o ca loxonec, qaq da ỹache cam loxonec camaye nache qaica ca ishet da deuotaxanec.

Isaías 1:7

Ye qana'alhuai qalaq ỹataqta toolec, qataq ye huaqta'a't nỹecpi maye qarmaye ỹataqta ỹavicta. Qataq ỹataqta qauauañiichigui da na qampa'aguenaxauaipi chectac na ala na qa'añiguishiqui. Nache 'enauac da ỹataqta toolec, 'eeta'am da ilaxachigui ca chegaqauec shiỹaxauapi.

Sofonías 3:6

Ñim Nataxala', 'eeta': «Aỹem selaxachigui co'ollaxa na ỹotta'a't shiỹaxauapi, qataq selaxachigui ana lalloxolatepi maye nalec na lpaqtaxanaxatpi, qataq so'otec da toteguelo naua nqa'aico, nache qaica ca shiỹaxaua da quetagueto naamaye. ¡Nache nam lalamaxat huaqta'a't nỹecpi ỹataqta toolec qaica da choche 'oonolec ca no'onañi!

Sofonías 2:5

¡Ỹataqta choxoraxasoro' qami', ỹalleppi maye qarmaye na Creta, maye neto'ot na loigue aso auaxai! Ñim Lo'onatac 'Enauacna mashe ỹan de'era la'aqtac da qami' dataỹa'agueta, 'eeta': «¡'Am Canaán, maye 'am na'alhua nam Filistea le'ecpi, 'am selaxachigui qome nache qaica ca no'onañi nam 'am netalecpi!

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!

Nahúm 2:11

Qaq ¿negue't ca no'onaigui ca lauac caua llo'oñi, qataq ca lauanaxanaqa' caua llalqa? Cha'aye cam huetra'a caua llo'oñi, qataq caua llalqa saishet da huo'o ca iquichoqche't.

Amós 3:12

Qaq da la'aqtac Ñim Nataxala', 'eeta': «'Eeta'am ca qagueta lo'o da nhuo' ca llon da deuotaxaneque caua dos lapia'ate, huo'otaq caua ltela lsheeneqa aca qagueta, qaq nache 'eetec qome da qoỹet nam Israel le'ecpi maye netaña na Samaria, nam hua'aqtalec naxa nam na'axasoxola'pi maye ỹataqta no'on maye chegaqa'a ye Damasco.»

Amós 3:8

Qaq ¿negue'tom ca saishet da iviloxol da hua'axaỹa da desoqo ca llon? qataq da damaxasoxon Ñim Nataxala', nache ¿negue't cam saishet da ỹa'axat cam ỹa'axata'a Ñimaye?

Amós 3:4

Cha'aye ca llon da desoqo da huaigui ca aviaq, qache mashe huo'o ca loxonec, qataq ca llalec camaye da desoqo da huetaigui ca lauac, qache huo'o ca loxonec.

Oseas 11:10

Qaq namayepi qome, ca'attague' qome Ñim Nataxala', qaq Ñimaye desoqo qome, 'eeta'am ca llon. Qaq qom desoqo Ñimaye, nache na lalamaxatpi iviloxol qom anac, chegoqta'ague da nala' lliguisheguem.

Oseas 5:14

Cha'aye aỹem sheeta'am qome ca llon da seloquiaxan ye Efraín, qataq catai' llon llalec da seloquiaxan ye Judá, qaq nache aỹem qome da secolaxattac, ime nache ashec, nache sache qome ca ỹoxonec, nache qaica ca ishet da deuotaxanec.

Ezequiel 5:14

'Am Jerusalén, Aỹem 'am so'otec qome da 'am lapoosheguem, nache 'am so'otec da qaica ca 'ara'amaqchec da qonetangui na nhuo' le'ecpi maye 'am coleesop, yaqto' ca 'am nlectot qome qalaq 'am imeteetac.

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.

Jeremías 34:22

Aỹem samaxalec qome da ỹe'eguelaxalec da iloquiaxan ne'ena huaqta'a't nỹecpi, qaq da mashe loxonec nache ỹavigaxat. Qataq so'ot qome da toolec na laỹepi huaqta'a't nỹecpi maye ỹotta'a't naua nañalo na Judá, nache qaica qome ca netaigui. Qaq 'era da ỹa'aqtac Aỹem Nataxala'.»

Jeremías 33:10

Ñim Nataxala', 'eeta': Qami' maye qoñeetega toolec ne'ena nma', qataq qoñeetega qaica ca shiỹaxauapi qataq shiguiỹacpi, qataq na nqa'aicpi na Jerusalén, qataq na huaqta'a't nỹecpi maye ỹotta'a't naua nañalo na Judá tooleguete; qataq qaica ca hueta'a shiỹaxauapi qataq shiguiỹacpi. Qalaxaye namaye ỹe'eguelaxa qome da qaỹa'axaỹa,

Jeremías 26:9

¿Ta'ainco' da 'aua'axattac da qonetega chegoqchigui da le'enaxat Ñim Nataxala' da ana atamnaxaqui 'eeta'am qome asom naña ye Siló, qataq ne'ena huaqta'a't nỹecpi dolagui qome nache qaica ca hueta'a shiỹaxauapi?» Nache 'enauac so nhuo' le'ecpi maye hueta'a aso atamnaxaqui coleesop so Jeremías.

Jeremías 25:30

'Am Jeremías, 'auachegoxotchigui qome da ỹe'enaxat da 'aua'axatem namayepi 'enauac de'era, qoneta': ‹Ñim Nataxala', qaỹa'axaỹa qome da lavillỹaxac dellimigui chemqot na pa'asheguem, chemaxaña yem ỹataqta qui'itta maye netaña Ñimaye. Cha'aye dataỹa'aguet ana lalopi qaguetapi qaq da la'alaxac Ñimaye qalaq 'eeta'am ca petapigui ana uva, qataq dataỹa'aguet 'enauac na netalec ana 'alhua.

Jeremías 5:6

Qaq ỹoqo'oye na llonpi maye chegaqaigui na aviaq mpa'auec qome, nache ỹalauat namayepi, qataq na qa'alaqpi maye huetalec na toolec 'alhua qalaq icolaxattac qome namayepi, qataq na quiyocpi iloquiaxan namayepi qom hueta'a na lalamaxat huaqta'a't nỹecpi, qaq cam pa'auec namayepi, nache icolaxattac, cha'aye qalota na lasouaxashetpi qataq qalota da latenataxanaxac.

Isaías 24:1

Ña qauloỹa da Ñim Nataxala' nlaxaañi qome ana 'alhua, nache qaica qome ca no'onañi da huetalec anamaye, qataq ỹataqta qaica ca laỹamaqa' naqa'en qataq ilagaxattac 'enauac nam huetalecpi anamaye.

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

Isaías 5:9

Ñim Nataxala' maye Qaica ca Ỹaqalanapec aỹem ỹanem da la'aqtac, 'eeta': «Qalota na nỹecpi na nlachiguiñi qome, qaq na'aictaxa da lta'araicpi qataq 'onaxaicpi na nỹecpi qalaxaye qaica qome ca netaigui.

Salmos 57:4

Aỹem sootangui na llonpi, aỹem coleesop na shiỹaxauapi maye chec na lỹa, naua lhue namayepi qalaq 'eeta'am ana taquiaxai qataq ana checna, qaq na lachaxat 'eeta'am na ỹeelonec maye qaiqueuocta.

Da na'aqtaguec so Job 4:10

Qaq na'aictaxa da desoqo da 'eeta'am ca llon qataq ỹa'alaq ca llalec, qalaxaye naua lhue ca llalaqpi ivira'a da dolaguilo.

Jueces 14:5

Huaña, nache so Sansón qataq soua lta'al nqo'oora co'ollaxa ye Timná. Qaq so Sansón co'ollaq ivita ye lma' aso nañiguishepi uva, nache ỹa'axasoxooteguet so sauaxaic llalec, desoqta'aguet da huotaique iloquiaxan somaye.

Jeremías 51:38

Ye Babilonia le'ecpi qalaq desoqtagui qome, 'eeta'am na llonpi, qataq ỹa'alaqtagui qome, 'eeta'am na llon llalaqpi.

Ezequiel 36:3

Qaq ỹoqo'oye 'aua'axata'a qome dam talec yemayepi, qoneta': Da la'aqtac Ñim Nataxala', 'eeta': Chegoqteugalo nam qami' iloquiaxa'n, qataq qami' ilaxachiguilo, qataq 'enauac na chegaqauec shiỹaxauapi, da qami' loxonqa, qataq na shiỹaxauapi qami' ỹe'e'n, qataq qami' deqaigalo.

Zacarías 11:3

Na'alaqtapiguiñi na qagueta lo'opi, souaxat som no'on 'auaqpisat ỹataqta dolachigui. Qataq qaỹa'aqtega da nnoinaxac so llon, souaxat som lyac co'ollaxa ye tala Jordán ỹataqta dolachigui.

Jeremías 6:8

'Anaralaxat da 'arataxac 'am Jerusalén, cha'aye da saishet da qonetec de'era, nache salemata nache 'am sheca'ai, Qataq so'ot da 'am toolec, nache qaica ñaqa'en ca netalec 'am.»

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Jeremías 10:22

¡Ñaq qana'axaỹaxañiichiguiñi! ¡Nvi' da na'axaỹaxac! Ye 'alhua maye pa'aigue da sheu' chegoqtegue da lta'araic nllimiaxa, maye ỹo'otec qome ye huaqta'a't nỹecpi ye Judá da toolec nache nda'a't qome na qa'alaqpi da coleeteguelec.

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.