Jeremías 2:12 - La'aqtaqa Ñim Lo'onatac 'Enauacna 2013

¹² ¡'Am piguem, 'aue'elaq qome souaxat de'era! ¡Qataq 'aviloxol qome souaxat da 'arcolanaxa! Qaq 'era da ỹa'aqtac, Aỹem Nataxala'.

Jeremías 2:12 Referans Kwoze

Isaías 1:2

'Am piguem qataq 'am 'alhua, ña qana'axaỹaxañiỹa da la'aqtac Ñim Nataxala' maye, 'eeta': «Aỹem saqchet co'ollaxa so ỹalaqpi, nache seviraxata'a da ỹepi ñaqa'en, qalaxaye somayepi aỹem dataỹa'aguet co'ollaxa.

Miqueas 6:2

Qami' qasoxonaxapi qataq qami' maye qami' no'oxootaleguete ana 'alhua, ñaq qana'axaỹaxañiỹa da ncotaxac Ñim Nataxala', cha'aye Ñimaye taỹa'a da nmit na lalamaxat nhuo' le'ecpi, qataq ncotaỹapegue' qome na Israel le'ecpi.

Jeremías 22:29

¡'Alhua, 'alhua, 'am 'alhua, ñaq 'ana'axaỹaxana da la'aqtac Ñim Nataxala'!

Jeremías 6:19

'Am 'alhua, ñaq Aỹem 'ana'axaỹaxana: Aỹem ñanacot qome ca qauem da talec ñaqa'en ne'ena nhuo' le'ecpi, maye naigui nam qauempi maye lapaxañi, cha'aye sa ỹalaxagueta naua ỹa'aqtaqa, nacherata da ỹo'ota'n naua iqataxaco.

Deuteronómio 32:1

'Am piguem, ña 'ana'axaỹaxaañi, cha'aye setaqa, 'am 'alhua, ñaq 'ana'axaỹaxanalo naua ỹa'aqtaqa.

Mateo 27:45

Nache 'enauac ana 'alhua ỹataqta napalñi, chegoqchiguiña so na'a'q laiñi, choche ivitta'a so dashiguiñi añi nala' se'eso avit.

Jeremías 4:23

Aỹem samatalec ana 'alhua, nache qaica ca laỹamaqa' qataq toolec. Qataq samato'ot na piguem, nache ỹataqta napalñi.

Isaías 29:9

¡Qaq nache qoquiito'ot qome da qaica ca qaraỹaanataxanaxaqui! ¡Qataq nache qoquiito'ot qome da sa qanauañiiñi qataq qaica ca qauloỹa'a! ¡Qataq nache qoquiito'ot qome da qavi'egochiitapigui' qoñiita'am ca taxaic, na'aictaxa da saishet da qanỹomiigui ca lataxa maye itaqchet ca shiỹaxaua!

Jeremías 18:13

Qaq ỹoqo'oye Ñim Nataxala', 'eeta': «Qaunache qome na ỹotta'a't shiỹaxauapi, da huo'otaq huo'o ca hua'aqchigui co'ollaxa ca 'eeta'am de'era. ¡Na Israel le'ecpi huo'o da ỹo'ot maye ỹataqta qaiqaiga!