Jeremías 2:11 - La'aqtaqa Ñim Lo'onatac 'Enauacna 2013

¹¹ da ca ỹotta'a't shiỹaxauapi maye ỹaqa'a da la'amqaanataxanaxac, da naralaxat co'ollaxa nam natamnaxala'pi. ¡Qaq na'aictaxa da saq'en atamnaxala'pi! Qalaxaye nam ỹalamaxat nhuo' le'ecpi Aỹem ca'ai, aỹem maye Aỹem llo'oxoyec co'ollaxa namayepi, nache Aỹem nmeneguet naqa'en nam atamnaxala'pi maye qaica ca naigui.

Jeremías 2:11 Referans Kwoze

Romanos 1:23

Saishet da ỹo'oxoren ñi 'oonolec qataq 'añaxaic maye Lo'onatac 'Enauacna, maye nache 'eetai' da nca'altauec, nachaqrata da ỹo'oxoreetac na le'enaqtacpi maye maiche lo'onatac: Ne'enaqtacpi maye qaỹe'enaxat da lataxac ca yo'oqchigui shiỹaxaua maye huo'o ca loga't, qataq ivira'a da ỹo'ot na le'enaqtacpi maye lqui'i na maỹopi, qataq na shiguiỹacpi maye cuatro naua lapia'ate qataq na hualectapigui'.

Isaías 37:19

qataq ỹasaxangui co'ollaxa so norec so natamnaxala'pi, cha'aye saishet da 'eesa da atamnaxala'pi, somayepi chochaq 'epaq qataq coma', maye lo'onatac cam shiỹaxaua. Qaq ỹoqo'oye ishet co'ollaxa da ilaxachigui.

Jeremías 16:20

«Ca ỹale ishet da ỹo'ot ca maiche natamnaxala'pi. ¡Qalaxaye que'eca atamnaxala'pi, saishet da 'eesa!

Salmos 106:20

Qaq 'era da 'eetec da nquigaxat da lataxac Ñim ỹo'ot da llo'oxoyec somayepi, nmeneguet naqa'en so le'enaqtac huaca llalec maye aloq na 'auaqpi.

Miqueas 4:5

Qaq na laỹe ỹotta'a't shiỹaxauapi qalaq quetague' nam maiche natamnaxala'pi, qomi' qalaxaye nache 'eetai' qome da qolaqto'ot da salaxasoxoguet Ñim Nataxala' maye Qanatamnaxala'.

1 Corintios 8:4

Qaq da 'eetec nam nallec maye hua'auñi da qoỹanot na qanatameetacotpi ne'enaqtacpi maye saq 'en, qomi' saỹaanaqta da nam qanatameetacotpi maye saq 'en qaica ca lca'alaxa, cha'aye 'oonolec Ñim Lo'onatac 'Enauacna qaica ca lỹa.

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

Jeremías 2:5

Ñim Nataxala' qami' 'enapegalo 'eeta': «Som hua'au qarta'ailpi, ¿negue't co'ollaxa ca qauem maye ila'a dam sheeta, ye Aỹem ca'ai co'ollaxa? Nache somayepi ca'ategue na atamnaxala'pi maye qaica ca naigui, nache somayepi ỹe'eguelaxa da qaica ca naigui.

Salmos 115:4

Qaq na natamnaxala'pi namayepi qalaq ỹachegoxotaigui na lcat plata qataq na oro, qaq namayepi maiche lo'onatac na shiỹaxauapi.

Salmos 3:3

Qalaxaye 'Am Nataxala', qoneta'am aca npaqtaxanaqte da aỹem 'ampaxattalec, qataq nache 'am da 'auo'ot da ỹo'oxoyec, qataq nache 'am da aỹem 'aua'añaqchettac.

Deuteronómio 33:29

¡'Am Israel, ỹataqta 'auamachiguiñi qome! ¿Negue'tom ca 'am 'eeta'am? Cha'aye 'am lca'alaqtac Ñim Nataxala', Ñimaye 'am npaxattalec qataq 'am itauan, ¡Ñimaye 'eeta'am ca 'ainec maye huegaxanaxaic! Qaq ỹo'ot qome da 'oxonec ca 'ampa'aguenaxauapi qataq da 'auapigui camayepi.

1 Pedro 1:18

Cha'aye Ñim Lo'onatac 'Enauacna qami' nca'alaxateeguesopa dam achaalataxac maye sa ỹaỹamaxañi, dam qami' ỹapaxagueneque som hua'au qarta'ailpi. Qataq qauaỹaañita da yaqto' qami' huesochiyiñi naqa'en, nache saishet da desheetenaxana cam ishet da qailaxachigui da 'eeta'am na lcat oro huo'otaq na lcat plata;

Gálatas 4:8

Qami' co'ollaq saxanaxa da qauauattoñi Ñim Lo'onatac 'Enauacna, qalaq qami' lcoñetegui'she nam qanatameetacotpi maye saq 'en.

1 Samuel 4:21

souaxato' aso arca maye laỹe' da naỹamaxataxac Ñim Lo'onatac 'Enauacna da qaiuotaxanec, qataq souaxat so lacho' qataq so lhua da ileu', qaq so nogotolec ỹanagui da le'enaxat Icabod, qaq damaye naigui da, qaica so llo'oxoyec na Israel le'ecpi.

2 Crónicas 13:9

Qataq nataqa'en qami' qauo'oyiỹauec co'ollaxa so ltaxaỹaxanaxanecpi Ñim Nataxala' maye chegoxoguetpi so Aarón, qataq so leviitapi, nache qauauo'oi na qartaxaỹaxanaxanequi da qaue'enaxache nam ỹotta'a't shiỹaxauapi, maye sa ỹauatton Ñim Lo'onatac 'Enauacna, nache camachaqca shiỹaxaua maye ndotauo ca 'oonolec huaca llalec qataq ca siete peenaqpi, nache ntaxaỹaxanaxanec da qanatamnot nam saq 'en atamnaxala'pi.

Jeremías 5:7

Qaq Ñim Nataxala', 'enapec: «¿Cam 'eeteco' da ishet da 'am sechoxoren souaxat de'era? Ye nam 'aỹa'alaqpi aỹem ca'ai, nache ỹaatacot da la'aqtac nam saishet da atamnaxala'pi. Aỹem sanem co'ollaxa da saqoue da lquia'axac, qalaxaye namayepi Aỹem saỹalaxaguet, nache imauec da nañaneguet da natameetacot na ỹaqa'a atamnaxala'pi.

Jeremías 18:13

Qaq ỹoqo'oye Ñim Nataxala', 'eeta': «Qaunache qome na ỹotta'a't shiỹaxauapi, da huo'otaq huo'o ca hua'aqchigui co'ollaxa ca 'eeta'am de'era. ¡Na Israel le'ecpi huo'o da ỹo'ot maye ỹataqta qaiqaiga!

Ezequiel 5:7

Qaq ỹoqo'oye, Aỹem Nataxala', sheeta': Qami' ỹataqta sa qaualaqai co'ollaxa, sa qoñiỹa'am na nhuo' le'ecpi maye qarhuoreuaipi, qataq saishet da qoquiigue na ỹamaxasoxonaxacpi, qataq saishet da qaualaqaiguet na nqataxacpi maye lalamaxat na nhuo' le'ecpi maye qami' coleesopa.

Ezequiel 14:5

Qalaxaye Aỹem sepoteua'a qome ana lquiyaqtepi 'enauac na Israel le'ecpi maye Aỹem ca'ai co'ollaxa, souaxat na lqolacpi.

Deuteronómio 32:16

Nache ỹo'ot naxa da lca'alaxanaxac qataq da layeloxo Ñim Nataxala', souaxat da natamnot na ỹataqta qaiqaiga atamnaxala'pi,

Deuteronómio 32:21

Namayepi ichoxoteua'a da seca'alaxan souaxat na atamnaxala'pi maye saq'en, qataq aỹem ỹayeloqchet souaxat na natamnaxala'pi, ¡qalaxaye aỹem nataqa'en sanem qome namayepi da deca'alaxana ca ỹaqa'a shiỹaxauapi, qataq denoỹa ñaqa'en ca shiỹaxauapi maye qaica ca ỹaỹaanapec!

1 Reyes 11:33

Cha'aye ñi Salomón Aỹem ca'ai, nache natamnot aso Astarté maye natamnaxalate ye sidooniopi, qataq so Quemós maye natamnaxala' ye moabiitapi, qataq so Milcón maye natamnaxala' ye amoniitapi. Qaq da semeteetac ne'ena ỹo'otpi ñimaye, nache ỹataqta sa saỹamaxaren, cha'aye mashe saishet da ipaguelec na ỹamaxasoxonaxacpi, qataq na iqataxacpi, qaq saq 'ena'am co'ollaxa so lta'a David.

2 Reyes 1:3

Qalaxaye so lamaxashec Ñim Nataxala', 'enapego' so Elías maye lma' ye Tisbé, 'eeta': Qoñisheguem qome, nache 'auca'ateguet na lamaxashecpi ñi nta'a maye lma' ye Samaria, nache 'aunat, qoneta': ¿Peta'a qaico' ca Atamnaxala' na Israel, ỹoqo'oye qanqo'oñiỹa da qaunache cam Baal Zebub maye atamnaxala' ye Ecrón?