Jeremías 2:10 - La'aqtaqa Ñim Lo'onatac 'Enauacna 2013

¹⁰ Qanqo'oñiỹa aye ỹaqauga 'alhuapiole maye pa'aigue da nala' lliguiñi, nache qaumichiñi; qataq qauauo'oi ca qauamaqỹa ye Quedar da yaqto' imeteeta da huo'otaq huo'o co'ollaxa ca 'eeta'am de'era,

Jeremías 2:10 Referans Kwoze

Salmos 120:5

Qaq choxoraicolec aỹem ye choche sachegaqauec da sootaña na Mesec, qataq da sootaigui na npe'lpi na Cedar.

1 Corintios 5:1

Mashe sogote da qaỹaỹaana'a't da huo'o ñi 'oonolec da qoñiita huetapeeguet añi la'aale late'e da 'eeta'am naqa'en aca lhua. ¡Qaq de'era ỹataqta qauem! ¡Ivira'a nam saxanaxa da da'amqaanataxan saishet da ishet da ỹo'ot de'era!

Daniel 11:30

Cha'aye ca alleppi maye chegoxogue da nala' lliguiñi, maye netangui aca notaxaquipi maye quiguingui na 'etaxat, iloquiaxan qome ca nalleppi camaye, nache camayepi nlaxagui qome da lcolanaxa nache ỹe'eguelaq. Qaq huaña nache que'eca nta'a maye lma' da sheu', imatalec qome da lalemataic som qui'itta aỹamaxataxac, qalaxaye ỹauotec qome cam saỹalaxaguet som qui'itta aỹamaxataxac.

Ezequiel 27:6

so 'arlloctaxanaxatpi qalaq qaỹachegoxotaigui na robles ye Basán, qaq so 'ansoxonaxala' qalaq chegaqaigui na cipreses maye qaỹachegoxota'a ye loigue ye Chipre, qataq qalapaxalec na marfil.

Isaías 21:16

Qaq Ñim Nataxala' aỹem 'enapega, 'eeta': «Qom inoxonec ca 'oonolec vi'i, maye 'eeta'am ca vi'i maye qoỹanem da do'onataxan ca 'onataxanaxaic, qaq nache 'eetec qome da imeuo 'enauac da la'amaqchec ye Quedar.

1 Crónicas 23:12

Qaq soua llalqa so Coat, le'enaxa't: Amirán, Isar, Hebrón qataq so Uziel.

1 Crónicas 23:1

Qaq co'ollaq mashe ỹataqta ỹa'axaiquiolec so David, nache ỹaneuo so llalec Salomón da yaqto' lta'a so Israel le'ecpi,

1 Crónicas 1:7

Qaq soua llalqa so Javán: Elisa, Tarsis, Quitín qataq so Rodanín.

Jueces 19:30

Qaq 'enauac so ỹauaachigui co'ollaxa de'era 'enapeco': Chegoqta'a co'ollaq ca'ai ye Egipto na Israel le'ecpi, da saỹauanapega da qaỹauaachigui, qataq da qaỹo'ot ca 'eeta'am de'era. Qaq ña qauennataxañiilec damaye, qataq qauauo'oi ca qarasataxaqui cam sataxanaqteuga damaye.

Números 24:24

Cha'aye anac qome aca notaxaquipi nacto'ot na loigue ye Chipre, nache ỹo'ot da nque'eenaxac na Asiria le'ecpi qataq na Éber le'ecpi, cha'aye nataqa'en taỹa'alo da qailaxachiguilo.»

Génesis 25:13

Qaq 'enaua naua le'enaqa'ate soua llalqa so Ismael, da naneraguec chegoqchiguiña qanqa'en so ỹe llalec: Nebayot, Cedar, Adbel, Mibsán,

1 Reyes 9:9

Nache qaỹasateguet qome, qoỹeeta': ‹Qomye namayepi ca'ai Ñim Nataxala', Ñim Natamnaxala' maye nqateeguesop co'ollaxa ye Egipto som hua'au lta'alpi namayepi, nache ca'ata da natamnot na ỹaqa'a atamnaxala'pi, ỹoqo'oye Ñim Nataxala' talec naqa'en da qauem namayepi.›»

Isaías 23:12

Qataq 'enapega ye Sidón: «'Am qa'añole maye 'am sa qaiyacnapec, saishet qome da 'avi'eguelaxa da 'auamachiguiñi, na'aictaxa da 'auauotaique da 'avira'a ye Chipre, qalaxaye ñaqaiyeta qaica ca 'anmataxac.»

Jeremías 49:28

Da la'aqtac Ñim Nataxala' maye talec som chegoxoguetpi so Quedar qataq so nataxala'pi ye Hasor, som loxonqa co'ollaxa so Nabucodonosor maye nta'a ye Babilonia, 'eeta': «¡Ña qoqui qome da qauloquiaxañi ye Quedar! ¡Qaulaxachiigui qome ye nhuo' le'ecpi maye pa'aigue da nala' lliguisheguem!

Ezequiel 5:7

Qaq ỹoqo'oye, Aỹem Nataxala', sheeta': Qami' ỹataqta sa qaualaqai co'ollaxa, sa qoñiỹa'am na nhuo' le'ecpi maye qarhuoreuaipi, qataq saishet da qoquiigue na ỹamaxasoxonaxacpi, qataq saishet da qaualaqaiguet na nqataxacpi maye lalamaxat na nhuo' le'ecpi maye qami' coleesopa.

Daniel 11:18

Qaq ime qome, nache iloquiaxan cam huaqta'a't nỹecpi maye ỹotta'a't naua nañalo, maye hueto'ot na loigue aso auaxai, nache qalota qome ca loxonec que'eca nỹecpi, qalaxaye huo'o qome ca lataxala' ca alleppi cam ỹa'axaneguet qome de'era, nache ỹaneguet da la'agaxa que'eca nta'a maye lma' da sheu'.

Isaías 23:1

Da na'aqtac da qaỹa'axata'a dam talec qome ye Tiro. Ña qanỹeñi qami' notaxaquipi ye Tarsis, cha'aye mashe nlaguiñi na nỹecpi qataq yem ñegueta. Qataq chegoqchiguiña ye Chipre da qara'axaỹaxaqui maye qami' nvitalo.

Ezequiel 16:16

Qataq 'auo'onataxana aso 'arpoto da 'auo'ot na 'arpe'lpi 'aỹa'analec ana lcomaraxalatepi da 'avio'oxoren na ỹaqa'a atamnaqa'pi, qataq nache huaña da 'anquishestague' namayepi. Qaq saỹauano' da qaỹauaachigui co'ollaxa ca 'ena'am de'era.

Ezequiel 27:21

Qaq ye Arabia qataq 'enauac na nataxala'pi ye Quedar qalaq 'anmenaxauapi co'ollaxa: Qaq da 'am isheeten naxa nache desheetenaxana na qagueta llalaqpi, peenaqpi qataq ana quetaqpi.