Jeremías 19:9 - La'aqtaqa Ñim Lo'onatac 'Enauacna 2013

⁹ Qataq so'ot qome da na shiỹaxauapi maiche chec na llalaqpi ỹalleppi qataq ana llalepi 'alpi, qataq ñi 'oonolec chec ca maiche lỹa, souaxat dam huaigui lhuogoxo maye ỹo'otec nam mpa'aguenaxauapi qom coleesop nam huaqta'a't nỹecpi.

Jeremías 19:9 Referans Kwoze

Isaías 9:20

Ñi 'oonolec qalaq chec qome ca pa'ata'ague na aloiguishec lhuaq, qalaxaye ñaq 'eetalec da huo'o na lqouaxa, qaq ca lỹa qalaq chec ca pa'ata'ague na ne'emaxashec lhuaq, qalaxaye ñaq 'eetalec da saishet da icoma'. Nache ivitta'a da chec ca maiche llalaqpi.

Lamentaciones 4:10

Na 'alpi maye no'on da lquiyaqteỹaxac qalaq maiche ỹaconeua'a so llalaqpi da ỹaneuaq, qaq se'eso ñalaqpi nacheso som qanallectac son na'a'q co'ollaq qailaxachigui ye Jerusalén.

Levítico 26:29

huaña qome nache qollequi ca maiche qaỹa'alquipi, qataq aca qaỹa'allipi.

Ezequiel 5:10

Qaq nam shiỹaxauapi maye 'am netaigui, huo'o qome ca nta'alpi da chec ca llalaqpi, qataq huo'o ca ñalaqpi da chec ca lta'alpi. Aỹem sacoolec qome da so'ot ca 'anhuaxanaguec, qaq ca lca'alaxaicpi qome qalaq selagaxaalec ana 'alhua.

Lamentaciones 2:20

Ña 'aulogui 'am Nataxala', qataq 'auennataxaalec da saỹauano' da huo'o ca qonetec de'era. ¿Isheto' peta'a nam nate'elpi da chec nam llalaqpi maye ñaq lleptac? ¿Peta'a iuen da qaỹalauat nam ntaxaỹaxanaxanecpi, qataq nam na'aqtaxanaxanecpi da huagui ñim npe'l maye 'aralamaxat?

Jeremías 13:14

Ime, nache selaxachigui qome namayepi, 'eeta'am ñaqa'en aca naco'oña, huaña nache ñi 'oonolec dataỹa'aguet ñi lỹa, nataqa'en na nta'alpi qataq ca ñalaqpi. Qaq Aỹem saishet qome da sechoxoreetac, qataq saishet da sechoxoreetac da selaxachigui. Qaq 'era da ỹa'aqtac Aỹem nataxala'.›»

2 Reyes 25:3

Qaq soua nueve na'axa'te soua cuatro ca'agoxoiqa se'eso vi'i, nache ỹataqta nquiguec so nqouaxa se'eso huaqta'a't nỹecpi, nache se'eso shiỹaxauapi ỹataqta qaica ca aloq.

Jeremías 38:9

'Am nta'a, de'era ỹo'otec se'eso ỹalleppi ñi Jeremías, damaye ỹataqta lta'araic nalaataxanaxac. Somayepi ỹasaxangui añi nshere ñi Jeremías, qaq ñimaye mashe ileetapigui' souaxat na lqouaxa, cha'aye mashe qaca aca nauole 'ayiiña ne'ena huaqta'a't nỹecpi.