Jeremías 19:8 - La'aqtaqa Ñim Lo'onatac 'Enauacna 20138 Nache she'eguelaxata qome da toolec ñaqa'en ne'ena huaqta'a't nỹecpi, qataq da ỹo'ot da ncolanaxa. Qaq 'enauac qome nam taalec namaye, huo'o da lcolanaxa qataq da la'aalaxa souaxat da ila'a da ỹataqta imauec nlachiguiñi. Gade chapit la |
Qaq 'iye yem huaqta'a't nỹecpi maye ỹataqta nlaqchigui da na'amqaanaxac, qataq qaica ca ñe'etaique, qataq 'enapec naxa da qaica ca 'eeta'am nam netalec ana 'alhua. ¡Yemaye ỹataqta nlachiguiñi, nache ỹe'eguelaxa da lanataqa' na shiguiỹacpi maye qauemaicpi! Qaq 'enauac qome na nlectot yemaye nache ỹe'eetac, qataq iuaxaata'a't naua lhuaxaye.
Nataqa'en sanem da nỹomgui nam hueta'a ye Jerusalén qataq nam huaqta'a't nỹecpi maye ỹotta'a't naua nañalo ye Judá, nataqa'en na lta'alpi qataq na lataxala'pi, da yaqto' selaxachigui qataq da lapoosheguem ñaqa'en, nache ỹo'ot da ne'elaxa qataq da ñi'iỹaxa, qataq naloqnaxanaxat da huo'o na qaỹasaxalec ca qauem choche ivitta'a nagui.
Cha'aye qoguegue nam lamaxasoxonaxacpi so Omri, qataq nam ỹo'otpi co'ollaxa som llalaqpi so Ahab, nache qoquetelec da lataxac somayepi, qaq ỹoqo'oye 'am saneguet qome da 'am qailaxachigui qataq qane'eetapigui nam shiỹaxauapi maye 'am netaigui, huaña nache 'am huetalec qome da lta'araic la'agaxa na ỹalamaxat nhuo' le'ecpi.