Jeremías 19:7 - La'aqtaqa Ñim Lo'onatac 'Enauacna 2013

⁷ Qaq huaña qome ne'ena da ñelaxaañi nam lapaxañipi nam lma' ye Judá qataq ye Jerusalén. Qataq so'ot qome da na mpa'aguenaxauapi loxonec namayepi, nache ỹalauat, qaq da lo'ocỹaxac namayepi qalaq chec qome na teguesanpi qataq na huauec shiguiỹacpi.

Jeremías 19:7 Referans Kwoze

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Jeremías 16:4

Camayepi ilem qome ca nalolaxa maye ỹataqta qauem, nache qaica qome ca nỹeelec camayepi qataq qaica ca ilayiñi qome: camayepi laguelec qome na'alhua, 'eeta'am na shiguiỹac la'atec. Ca alaataxac qataq ca nqouaxa, nmichiguiñi qome naqa'en camayepi, qaq da lo'ocỹaxac camayepi qalaq chec qome na teguesanpi qataq na huauec shiguiỹacpi.»

Jeremías 34:20

saneguet qome da lhuaqỹaxac na mpa'aguenaxauapi da yaqto' ỹalauat. ¡Qaq da lo'ocỹaxac qome namayepi, qalaq aloq na teguesanpi qataq na shiguiỹacpi maye huauec!

Jeremías 15:9

Anam nate'elpi maye qalota na llalaqpi decopchetac qome, nache qaica ca la'añaxac, qataq huo'o da la'aloxo qataq qaica ca 'enec qanqa'en, ye yo'oqchiguiñi qalaq ỹe'eguelaxa da napalñi. Qaq da huo'otaq huo'o ca nca'altauec, nache so'otec da ca mpa'aguenaxaua ỹalauat camaye. Qaq 'era da ỹa'aqtac, Aỹem Nataxala'.»

Jeremías 15:2

Qaq da huo'otaq 'am inat cam hua'ague ca taigue, nache 'aua'aqtaxanem da ỹa'aqtac, qoneta': ‹Nam taỹa'a da ilem ca napiina, nache ilem qome ca napiina, qaq cam taỹa'a da ileuaigui ca alaataxac qalaq ileuaigui qome ca alaataxac, qaq cam taỹa'a da ilem na lqouaxa, qaq ilem qome na lqouaxa, qaq cam taỹa'a da qaỹauega ca ỹaqa'a 'alhua qalaq qaỹauec qome.›

Jeremías 7:33

Qaq da lo'ocỹaxac ne'ena shiỹaxauapi, qalaq aloq qome na maỹopi maye chec na lapat, qataq na shiguiỹacpi maye no'onaxa le'ecpi, qaq nache qaica ca ishet da ỹo'orapegue' namayepi.

Romanos 4:14

Cha'aye da ỹachaxanapec Ñim Lo'onatac 'Enauacna, da talec nam ỹalaxaguet na namaxasoxonaxacpi, huaña nache da npi'iỹaxac qataq dam ỹachaxanapec Ñimaye ỹataqta qaica ca naigui.

Romanos 3:31

Qalaxaye da huo'o da qarpi'iỹaxac So Jesús, nache damaye saishet da ỹa'axat da na namaxasoxonaxacpi maye chegoqo'ot so Moisés da qaica ca naigui. Nachaqrata da huo'o da qarpi'iỹaxac Somaye, nache ichoxot da huo'o naq 'enec ñaqa'enaq nam nqataxacpi.

Lamentaciones 3:37

¿Negue't ca ishet da ỹa'axata'a cam taỹa'a da yo'oq, da saishet da nacheñi Ñim Nataxala' da ỹamaxalec?

Jeremías 46:26

Saneguet qome da lhuaqỹaxac nam npa'aguenaxauapi maye huotaique da ỹalauat namayepi, saneguet dam lhuaqỹaxac ñi Nabucodonosor maye nta'a ye Babilonia, qataq na nalleppi ñimaye. Qalaxaye qom qaỹata'ague de'era, nache ye Egipto ỹe'eguelaxa qome da qaltaq qanayenalec, 'eeta'am so hua'auchiguiñi. Qaq 'era da ỹa'aqtac, Aỹem Nataxala'.

Jeremías 22:25

da yaqto' 'am saneguet na 'ampa'aguenaxauapi maye huotaique 'am ỹalauat, nam ỹataqta 'arcolanaxatpi. Qataq 'am saneguet qome ñi Nabucodonosor maye nta'a ye Babilonia, qataq ye caldeopi.

Jeremías 22:19

'Am qaỹauogonnauga qome na pa'auec ye Jerusalén, nache 'am qailareñi qome qoneta'am ca 'ashena.»

Jeremías 18:21

¡Qalaxaye nagui, 'auo'ot qome da nam llalaqpi namayepi ilem na lqouaxa, huo'otaq da ilem ca ỹeelonec, qataq 'auo'ot da pa'aipi qataq qaica ca llalaqpi ana lhuapi namayepi! ¡Qataq na ỹalleppi maye lhuapi anamayepi ỹalauat qome ca napiina, qataq na nsoxoppiolec ileuaigui qome ca alaataxac!

Jeremías 8:2

nache huetaiya' qanqa'en hueta'aguet na le'eraxa añi nala', qataq ñi ca'agoxoic, qataq 'enauac ana huaqaañipi, maye lauotaqte qataq do'onataxaatacot qataq ca'attague', qataq inatto'ot naxa, qataq ỹo'oxoreetac. Qaq qaica qome ca laỹona't da ilayiñi, nache laguelec na 'alhua 'eeta'am na shiguiỹac la'atec.

Isaías 8:10

Da huo'o ca qalapaqaiñi lataxac qalaq saishet da ipaigui, qataq da qaỹa'añi ca qara'aqtaqui qalaq saishet da qaỹo'ot, cha'aye Ñim Lo'onatac 'Enauacna qomi' hueta'agueta.

Proverbios 21:30

Ỹataqta qaica ca naigui ca naỹaanec, naỹaanataxanaxac, qataq ca no'o'n nqataxac da qaỹataỹa'aguet Ñim Nataxala'.

Jeremías 8:8

Qalaq ¿ta'ainco' da qoñiitega qami' ỹaanaxanaxaicpi qataq da qami' hueto'oto nam lqataxacpi Ñim Nataxala'? ¡Ye nam neraxanaqpi maye deraxaatega na maỹo laue saq 'en nam ỹereñipi!

Jeremías 8:9

Qalaxaye ne'ena ỹaanaxanaxaicpi qaica qome ca la'amaqchec, qataq qaicolanaqchet, 'eeta'am ca shiguiỹac maye nqoishec. Qaq ¿hueta'ague cam laỹaanec, ye saishet da ỹaconegueta naua ỹa'aqtaqa?

Jeremías 32:28

Qaq ỹoqo'oye Aỹem, 'am shenapega, sheeta': Aỹem so'ot qome da ne'ena huaqta'a't nỹecpi, loxonec ñi Nabucodonosor maye nta'a ye Babilonia, qataq nam caldeopi.

Levítico 26:25

Qataq qami' nagueleguete ñaqa'en ca no'ogoxonaxat, da yaqto' huo'o da lvi' ñaqa'en da ñaỹamaxataxac, nache na'aictaxa da qavi'igueñiiua'a ca maiche qaralamaxache huaqta'a't nỹecpi maye qanpaxattaua'a, qalaxaye Aỹem qami' hueque ñaqa'en ca nalolaxasat maye qanlem, huaña nache ỹataqta qami' loxonqa ca qampa'aguenaxauaipi.

1 Samuel 17:46

Qaq nagui Ñim Nataxala' aỹem ỹanem da 'am ỹoxonec, nache 'am salauat, qataq sequesoxouec na 'arqaic, qaq nachena ne'ena na'a'q da sanem na maỹopi piguem le'ecpi, qataq na huauec shiguiỹacpi da lo'ocỹaxac na nalleppi na filisteopi, yaqto' 'enauac na huetalecna ỹaỹaten da huo'o naq 'enec Ñim Natamnaxala' na Israel le'ecpi.

2 Reyes 21:14

Qaq ca no'onañipi ne'ena ỹalamaxat nhuo' le'ecpi, qalaq salat qome nache saneguet da lhuaqỹaxac ca npa'aguenaxauapi da yaqto' nhuotta qataq imaqauec.

Isaías 29:14

Qaq ỹoqo'oye, ne'ena nhuo' le'ecpi qaltaq so'ot qome ca la'aalaxa, sachegoxotchigui nam saqaỹauanapega qataq huo'o da llo'oxoyec, nache da laỹaanec nam ỹaanaxanaxaicpi, qataq da laỹaanataxanaxac nam ỹaanataxanaxaicpi imeuo qome.»

Jeremías 21:7

Ime, nache ñi Sedequías maye nta'a ye Judá saneguet qome da lhuaqỹaxac ñi Nabucodonosor, qataq saneguet na laỹepi mpa'aguenaxauapi maye qauemaicpi, nache l-llañe' na lataxala'pi qataq na nalleppi, qataq na shiỹaxauapi maye lca'alaxaicpi ne'ena huaqta'a't nỹecpi qom ime que'eca napiina qataq ca alaataxac qataq ca nqouaxa. Aỹem so'otec qome da saishet da qaichoxonnai' da qaỹalauat qairolec ca ỹeelonec. Qaq 'era da ỹa'aqtac Aỹem Nataxala'.