Jeremías 19:4 - La'aqtaqa Ñim Lo'onatac 'Enauacna 2013

⁴ Cha'aye na Israel le'ecpi aỹem ca'ai, nache ỹo'ot da 'eco' ỹaqa'a ne'ena 'alhua, nache huaña naqa'en namaye da ỹanot na lchenaxanaxat maye ama na laita nam ỹaqa'a atamnaxala'pi, maye namayepi qataq so hua'au lta'alpi, qataq so nta'alpi na Judá, saỹauatton, qataq nlaxattelec namaye na ltago'q som shiỹaxauapi maye qaica ca ỹasouaxat.

Jeremías 19:4 Referans Kwoze

Jeremías 2:34

Naua 'ogo qalaq huaguilo na ntago'q nam ltago'q na choxoraqpi qataq nam qaica ca ỹasouaxat, nam shiỹaxauapi maye saỹauano' da 'auauanalec da ỹo'ottac ca qauem.

Isaías 65:11

Qalaxaye qami' maye Aỹem qoquiỹa'ai co'ollaxa, qataq qaucoviỹa'ai añim qui'itta ñeqasoxonaxa, qataq qaỹa'añim naxa na nallec qataq na lataxa, ñeua Gad qataq ñi Mení, atamnaxala'ate maye ỹa'n da 'achecỹaxac,

2 Reyes 21:16

Qaq 'enauac na lasouaxashetpi so Manasés, da nataqa'en ỹo'ot da huo'o nam lasouaxashetpi ye Judá, cha'aye ỹo'ot nam qauem maye sa ỹaỹamaxarenpi Ñim Nataxala', qataq ỹalauat so qalota maye qaica ca lasouaxashet, nache ỹataqta nlaxalec ye Jerusalén na ntago'q.

Deuteronómio 28:20

Qataq Ñim Nataxala' 'am namaxa qome na qauemsat, nache 'ansomaxaatapigui', qataq huo'o da 'anqui'icỹaxac, qataq 'enauac ca 'auo'ot saishet da ipaigui, nache ỹataqta sa qaỹaloq qome da 'am nlachiguiñi, souaxat da qauem ca 'auo'ottac nache qoca'ai Ñimaye.

Jeremías 7:9

Nache qaucacheetac, qaualaataxañiitac, qataq qancacheetague' ana sa qarhuai, qataq qaỹa'añiitac nam saq'en qara'aqtaqui qataq qaỹa'añiitacot ñi Baal nam qarchenaxanaxache maye ama na laita, qataq qavio'oxoreñiitac nam atamnaxala'pi maye saishet da qauauattoñi,

Jeremías 17:13

'Am Nataxala', nache 'am da 'am hueto'ot da naquitaxac na Israel le'ecpi. Qaq 'enauac qome nam 'am ca'ai huo'o da la'agaxa. 'Enauac qome nam 'am ca'ai, namayepi deqat qome 'eeta'am ca nerec maye qoỹettalec ca namoxoỹaxa, souaxat da 'am ỹalat, 'Am maye qoneta'am ca atom mpa'axaatasheguem 'etaxat.

Jeremías 11:13

Ye Judá, ỹataqta qalota na natamnaxala'pi, 'eeta'am nam huaqta'a't nỹecpi maye ỹotta'a't naua nañalo, qataq na netaña ye Jerusalén qalota ana nauaxaỹaxaasheguem lca'atoxonaxalatepi maye 'eeta'am ye lcata na nqa'aicpi, da yaqto' ỹanot na lchenaxanaxat so Baal.

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Jeremías 2:17

Qaq de'era, 'am talec souaxat da aỹem qoca'ai, aỹem Nataxala' maye Aỹem 'Anatamnaxala' maye 'am sauecta'aguet co'ollaq qoquetague' so nqa'aic.

Jeremías 2:13

Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.

Isaías 59:7

naua lapia'ate qalaq taigueta da nqalgoqtague' na qauem, qataq nqalgoqtague' da icoldec naua ltago'q cam qaica ca ỹasouaxat. Naua lhuennataxaco qalaq nda'a't da tatapigui lauel da lalaataxanaxac, naua lqauaxaqui' da jec qalaq nda'a't da no'onaxatañi nam ilaxachiguipi qataq nam nlaxaañi.

2 Reyes 24:4

qataq souaxat da icoraxatrec naua ltago'q som shiỹaxauapi maye qaica ca ỹasouaxat, nache nlaxalec naqa'en ye Jerusalén na ntago'q. Qaq ỹoqo'oye Ñim Nataxala', saishet da ỹapalaxat na lasouaxashet somayepi.

Apocalipsis 16:6

Nam 'am ipa'agueetacpi qalota so ỹalauat nam 'aralamaxatpi maye ỹataqta qui'itta, qataq nataqa'en so 'ara'aqtaxanaxanecpi. Qaq ỹoqo'oye, 'am nagui 'aỹa'anem da nỹomgui na ntago'q namayepi, ¡cha'aye ỹataqta 'itchiguiñi da talec namayepi de'era!»

Lucas 11:50

Qaq 'era da 'eetec da qami' qarasouaxashechi 'enauac da l-leuaxa som la'aqtaxanaxanecpi Ñim Lo'onatac 'Enauacna ana 'alhua,

Lamentaciones 4:13

Qaq 'eetec de'era souaxat nam lasouaxashetpi so na'aqtaxanaxanecpi, qataq nam qauem maye ỹo'otpi so ntaxaỹaxanaxanecpi, cha'aye icolde'c naua ltago'q nam no'on da lataxac huangui naqa'en na laiñi ye huaqta'a't nỹecpi.

Jeremías 26:23

nache soomaye ỹachegoxotchiyiña co'ollaxa ye Egipto da naue'c so Urías, ime nache ỹaareua'a so nta'a Joaquim, nache se'eso nta'a damaxasoxoolec somaye da qaỹalauat, qataq da lo'ocỹaxac somaye qaỹasaxangui aso nshere maye qauem.

Jeremías 26:15

Qalaxaye qauaỹaañita da aỹem qaualauache, nache qami' qataq 'enauac nam netaigui ne'ena huaqta'a't nỹecpi, maiche qarasouaxashechi da qaualauache cam qaica ca lasouaxashet, cha'aye 'eesa da nacheñi Ñim Nataxala' Ñim aỹem ỹamaxalec da ỹataqta sa'axatta 'enauac ne'enapi.»

Jeremías 22:17

Qalaxaye 'am nacherata da 'anmitta'a da nauegaxanaxac maye chegaqaigui da ncachaxac, qataq 'aualauat nam qaica ca ỹasouaxat, qataq qaica ca ldaqa' 'anqa'en, qataq 'anhuo' na 'aralamaxat 'arhuo' le'ecpi.»

Jeremías 18:15

Qalaxaye na ỹalamaxat nhuo' le'ecpi Aỹem icoua'ai, nache ỹaatacot na saq'en atamnaxala'pi na lchenaxanaxat maye ama na laita, Namayepi iqataqchet so nqa'aic, som nqa'aic maye togoshaapec, nache quetegueto naua saq 'amaqtaq nqa'aico maye saqaỹauatto'n.

Jeremías 16:11

Nache 'am 'auasateguet qome, qoneta': Ñim nataxala' 'eeta' da la'aqtac: De'era huo'o souaxat da som hua'au qarta'ailpi Aỹem ỹalat, nache ca'ategue na laỹepi atamnaxala'pi, da yaqto' ỹo'oxoren qataq natamnot, qaq Aỹem qalaq aỹem ca'ai somayepi, qataq sa ipaguelec nam ỹapaxaguenataxanaxacpi maye sanem co'ollaxa.

Jeremías 15:6

'Am mashe Aỹem qoca'ai qataq aỹem 'auro'oguet na 'al-laq. Qaq 'era da ỹa'aqtac Aỹem Nataxala'. Cha'aye Aỹem, mashe 'am ñasamiisop da 'am ñeualaxaueetague', nache ñauaxaỹaxaasheguem na ihuaq da 'am seuaxan qataq 'am selaxachigui.

Jeremías 5:6

Qaq ỹoqo'oye na llonpi maye chegaqaigui na aviaq mpa'auec qome, nache ỹalauat namayepi, qataq na qa'alaqpi maye huetalec na toolec 'alhua qalaq icolaxattac qome namayepi, qataq na quiyocpi iloquiaxan namayepi qom hueta'a na lalamaxat huaqta'a't nỹecpi, qaq cam pa'auec namayepi, nache icolaxattac, cha'aye qalota na lasouaxashetpi qataq qalota da latenataxanaxac.

Jeremías 2:30

Qaq qaica ca naigui da sauo'o co'ollaxa so nhuaxanaguec so qaỹa'alquipi, cha'aye somayepi saishet co'ollaxa da ỹalaq da saỹamaxatteguiñi da lataxac. Qaq 'enauac qami' qoñeeta'am ca llonpi maye dequi'iỹapec, da qaualauache som na'aqtaxanaxanecpi.

Deuteronómio 28:64

Ñim Nataxala' 'am ilagaxatoigui qome ca ỹotta'a't shiỹaxauapi ana 'alhua, qaq huaña qome nache 'anatameetacot ca ỹaqa'a atamnaxala'pi maye 'epaq, qataq coma' maye 'am qataq so hua'au 'arta'alpi sa ỹauatton.

Deuteronómio 28:36

Qataq Ñim Nataxala' ỹo'ot qome 'am qataq ca nta'a maye 'arca'aguishec da qami' ỹauegalo ca 'alhua maye qami' qataq so hua'au qarta'ailpi sa qauauañiỹapega. Qaq huaña nache qanatamñiitacot qome ca ỹaqa'a atamnaxala'pi maye choche ne'enaqtac qo'oipaq qataq coma',

Deuteronómio 13:13

da huo'otaq sa ỹalaxaguet Ñim Lo'onatac 'Enauacna, nache 'enapega ca laỹepi, 'eeta': Qolaq ñeqo'onaxa da ñatamnaqot ye laỹepi atamnaxala'pi, maye sa qauauañiỹapega,

Deuteronómio 13:6

Qaq da huo'otaq anac ca qaralamaxache qarqaỹai, qaỹa'alliqui, qaỹa'alli, qarhuai, huo'otaq ca ỹoqta qanauochaxauai, da nshetaique da qami' ỹatenache't, 'eeta': Qolaq, ñeqo'onaxa ye laỹepi atamnaxala'pi, atamnaxala'pi maye qami' qataq so hua'au qarta'ailpi sa ỹauauanapega,

2 Reyes 23:10

So Josías nataqa'en nlaxaañi aso nca'atoxonaxalate maye naña aso lcomaraxalate ye Ben Jinón, yaqto' qaica ca ỹavigaxat ca llalec, huo'otaq aca llale da ỹanot so atamnaxala' Moloc.

Jeremías 1:16

Qaq 'era da nhuaxanaguec maye saneguet qome nam 'etaxaloxoicpi maye aỹem ca'ai co'ollaxa, maye ỹavigaxat naxa na lchenaxanaxat da ỹo'oxoreetac na chegaqauec atamnaxala'pi maye namayepi maiche lo'onatacpi.

Jeremías 7:6

qataq da saishet da qanhuoye nam chegaqauecpi, nam saploqpi qataq ana pa'aipi, qataq saishet da qaualauache na qaica ca ỹasouaxat maye hueta'a ne'ena, qataq saishet da qavio'oxoyeñi nam laỹepi atamnaxala'pi, maye ishet da qami' na'aqche't,

Jeremías 17:20

Nache qonapega na shiỹaxauapi, qoneta': ‹Qami' nta'alpi qataq 'enauac qami' nhuo' le'ecpi qoviita'a na Judá, qataq 'enauac qami' maye qoviita'a na Jerusalén maye qa'aiteua'a naxa ne'ena lasompi, ñaq qana'axaỹaxañiỹa da la'aqtac Ñim Nataxala'.

Jeremías 22:3

Qauo'oche qome da nalochiguiñi lataxac, qataq da no'on lataxac da qoñiitaña ne'ena nma', qausoiuec qome nam qaicoñettai', qataq saishet da qaica ca 'enec qanqa'eñi qataq da saqauyacñiỹapec nam chegaqauecpi, na saploqpi qataq ana pa'aipi. Qataq saishet da qaualauache cam chegaqauec shiỹaxaua da huaña ne'ena nma'.

Jeremías 44:3

souaxat nam qauempi maye ỹo'ot co'ollaxa, cha'aye Aỹem inogoqchet souaxat da natameetacot nam ỹaqa'a atamnaxala'pi, qataq ỹaatacot na lchenaxanaxat maye ama na laita som atamnaxala'pi, maye somayepi qataq qami', qataq som hua'au qarta'ailpi saishet da ỹauatton co'ollaxa.

Ezequiel 7:22

Aỹem sheca'ai qome ne'ena 'alhua, nache sa'aqta'a da qanshepaxanaqchet añi ỹalamaqte atamnaxaqui maye ỹauotaqte. Qaq anac qome ca cachaxaicpi, nache nshepaxanaqchet.

Ezequiel 20:26

Qataq sa'aqta'a da nshepaxan da lataxac, souaxat da ỹaatacot ana lachetaqtaxanaqtepi na nqolacpi, qataq ỹaneuo na ỹepi llalaqpi da lachetaqtaxanaxat qaỹavigaxatta. Qaq damaye so'ot da yaqto' namayepi nlaxagui da lcolanaxa, qataq yaqto', Aỹem ỹauatton da nachaỹem Nataxala'.

Daniel 11:31

Qaq cam nalleppi, qalaq ishepaxanaqchet qome aca atamnaxaqui, qataq cam mpaqtaxanaxatpi, qataq ỹa'axaneguet qome aca qoỹaategueuo nachetaqtaxanaqtepi ye na'a'q, nache nmeneguet naqa'en ca nachetaqtaxanaxat maye ỹataqta qaiqaiga.

Jueces 5:8

Qaq na Israel le'ecpi lca'aua'a co'ollaxa so dalaxaicpi natamnaxala'pi, nache so loquiaxac nviraua'a nam lasompi na huaqta'a't nỹecpi, qalaxaye qaica ca 'oonolec so cuarenta mil nalleppi da hueto'ot acam lpaqtaxanaqte qataq lataquiaxai.

Salmos 106:38

Qataq icorec so ntago'q maye qaica ca ỹasouaxat, ltago'q so llalecpi qataq aso llalepi maye ỹavigaxat da ỹanot se'eso natamnaxala'pi na netaña ye Canaán, nache se'eso ntago'q maye qaicorec na'aqchet na 'alhua.

Ezequiel 8:11

Qaq so Setenta nqueroxonecpi, maye lataxala' na Israel le'ecpi datato'ot se'eso ne'enaqtacpi, qaq somayepi nache ỹalectaigui so Jazanías som llalec so Safán da ỹo'oreettac se'eso nqolacpi. Qaq ñi 'oonolec somayepi nasoqta'a so laỹe' na nchenaxanaxat, qaq nache chegoqtapiguingui da naỹoxoosheguem so sansattec lmala'q na nchenaxanaxat.