Jeremías 19:13 - La'aqtaqa Ñim Lo'onatac 'Enauacna 2013

¹³ Na nỹecpi na Jerusalén, qataq na lta'araic lma'pi na nta'alpi ye Judá, qataq na l-laq na nỹecpi maye huaña naxa da qaỹauo'o na nchenaxanaxat da qoỹanot ana huaqaañipi qataq da qaicorec na lataxa da nachetaqtaxanaxat da qoỹanot na laỹepi atamnaxala'pi, namayepi qaỹamata'ac qome da nshepaxan, 'eeta'am ye Tófet.›»

Jeremías 19:13 Referans Kwoze

Jeremías 32:29

Na caldeopi maye iloquiaxan ne'ena huaqta'a't nỹecpi, taigui qome namaye nache ỹe'egueua'a, l-llañe' qome na nỹecpi maye hualec naxa na pa'asheguem da qaỹavigaxat na nchenaxanaxat da qoỹanot so Baal, qataq huaña naxa da qoỹanot na lataxa nam ỹaqa'a atamnaxala'pi da Aỹem qainogoqchet.

2 Reyes 23:12

So nta'a nataqa'en iqalagoxooñi aso nca'atoxonaxalatepi maye netaña na pa'asheguem maye naña so lanataxaqui so Ajaz, asom no'oxoosheguem co'ollaxa som nta'alpi ye Judá, qataq asom nca'atoxonaxalate maye no'oxoosheguem so Manasés, maye ỹanaña co'ollaxa so nqasoxoc aso atamnaxaqui maye lalamaqte Ñim Nataxala'. Nache ỹataqta dolachigui naqa'en, ime nache so lsoche asomayepi, ỹasaxauga so la'auaxac Cedrón.

Sofonías 1:5

Qataq selaxachigui nam tasheguema naxa na l-laq na lma' da natamnot ana huaqaañipi, qataq nam ỹa'attrañi naxa naua l-llecte da ỹo'oxoreetac da ỹe'enaxat, qataq dam le'enaxat som atamnaxala' Milcón.

Jeremías 7:18

Na ñalaqpi qalaq laỹona't na 'epaq maye nle' lashec, qaq na lta'alpi qalaq ỹe'eraxatoigui na norec, qaq na 'alpi qalaq ỹo'ot na ldaqnec da yaqto' ỹo'ot ana lauole, nache ỹanot añi atamnaxalate, maye le'enaxat Nate'e maye neto'ot na Piguem. Nache aỹem inogoqchet namayepi, cha'aye nataqa'en ỹanot na lataxa nam atamnaxala'pi maye ỹaqa'a.

Deuteronómio 4:19

Cha'aye sa iuena'a da qauamachiỹo'ot na piguem, nache qauloỹa'a añi nala', ca'agoxoic, huaqaañi, qataq ana laỹepi maye neto'ot na piguem, nache ishet da qauauochiỹa'ac da qanatamñiỹot. Cha'aye Ñim Nataxala' ỹo'ot co'ollaxa anamaye da yaqto' icoỹarelec 'enauac na ỹotta'a't shiỹaxauapi maye netalec ana 'alhua.

Jeremías 44:18

qalaxaye chegoqta'a co'ollaq saxanaxañi da sanaqtacot na qarchenaxanaxat maye ama na laita, qataq na qarachetaqtaxanaxat lataxa, añim Nate'e na Piguem, nache huo'o da lta'araic qarhuenaxanaxa, qataq so qarhuo' le'ecpi ilem na lqouaxa, qataq ileuaigui so alaataxac.

Salmos 79:1

'Am Qanatamnaxala', na ỹotta'a't shiỹaxauapi nnoxotaua'a na 'aralamaxatpi, qataq ỹe'enai' ana qui'itta atamnaxaqui maye 'aralamaqte, qataq nlaxatchiguiñi na Jerusalén.

Salmos 74:7

Ime, nache ỹavigaxat so npe'l maye 'aralamaxat, qataq ỹataqta ỹe'enai' añi atamnaxaqui maye 'aralamaqte, ivitta'a da huetaiya' naqa'en.

2 Reyes 23:10

So Josías nataqa'en nlaxaañi aso nca'atoxonaxalate maye naña aso lcomaraxalate ye Ben Jinón, yaqto' qaica ca ỹavigaxat ca llalec, huo'otaq aca llale da ỹanot so atamnaxala' Moloc.

Hechos 7:42

Huaña, nache Ñim Lo'onatac 'Enauacna ca'ai somayepi, nache hua'aqta'a da yaqto' natamnot ana huaqaañipi maye neto'ot na piguem. Cha'aye nachera dam 'eetec da nanettañi la'aqtac Ñim Lo'onatac 'Enauacna maye huetalec ana lere so la'aqtaxanaxanecpi, maye 'eeta': Qami' Israel le'ecpi, co'ollaq qoquiitalec so toolec 'alhua se'esoua cuarenta vi'iye, qaq ¿peta'a co'ollaq qaualauacheetac na shiguiỹacpi da qauauo'oi qarachetaqtaxanaqche, qaq peta'a Nachaỹem da Aỹem qaỹa'añiitacot?

Ezequiel 20:28

Co'ollaq inoxoneua'a ñaqa'en yem 'alhua maye sachaxanapeguem co'ollaxa da sanem, nache naxa da choche ila'a ana lcomaraxalatepi, ana qo'oipaq maye qalochiguiñi ana lcouepi, nache huaña naxa da ỹauo'o ana lachetaqtaxanaqtepi maye qaỹavigaxatta, qataq ana laỹepi lachetaqtaxanaqtepi maye ỹataqta Aỹem inogoqchet, qataq ỹauo'o na lchenaxanaxat maye ama na laita, qataq icorec na lachetaqtaxanaxat lataxa.

Jeremías 52:13

nache ỹavigaxat aso atamnaxaqui, so lma' lta'araic so nta'a, qataq 'enauac so nma'pi yi'iye huaqta'a't nỹecpi, qataq so lma'pi som 'amaqtaqaicpi nataxala'pi,

2 Reyes 23:14

Qataq ỹataqta dolachigui naqa'en aso saqaishetapec coma', qataq so lqui'i aso Aserá, nache nlaxattelec som netañapi co'ollaxa somayepi so shiỹaxaua lpi'inecpi.

Hechos 10:9

Nache so lỹa na'a'q co'ollaq mashe quete' soomaye, qaq mashe qanayeetaua'a ye Jope, nache so Pedro tasheguemo' ca nỹec l-laq da nqouagaxauen. Qaq mashe laiñi se'eso na'a'q.

2 Reyes 17:16

Nache ca'ai 'enauac na lamaxasoxonaxacpi Ñim Nataxala' maye Natamnaxala'. Nache ỹo'o't soua dos le'enaqtaqa huaca llalqa maye chegaqaigui na lcat nqachilliguishec, qataq so lqui'i aso Aserá, qataq nataqa'en natamnot 'enauac ana huaqaañipi late'eraipi maye neto'ot na piguem, qataq so Baal.

Jeremías 8:2

nache huetaiya' qanqa'en hueta'aguet na le'eraxa añi nala', qataq ñi ca'agoxoic, qataq 'enauac ana huaqaañipi, maye lauotaqte qataq do'onataxaatacot qataq ca'attague', qataq inatto'ot naxa, qataq ỹo'oxoreetac. Qaq qaica qome ca laỹona't da ilayiñi, nache laguelec na 'alhua 'eeta'am na shiguiỹac la'atec.

Jeremías 19:12

Qaq 'era da so'otec qome ne'ena huaqta'a't nỹecpi qataq nam shiỹaxauapi maye hueta'a namaye. 'Eeta'am ñaqa'en da sheetec co'ollaxa ye Tófet. Qaq 'era da ỹa'aqtac Aỹem Nataxala'.

Isaías 22:1

Da na'aqtac da qaỹa'axata'a so ca'amegue maye huaña so nauanaqchec: ¿Ta'ainco' ye 'enauac da qoñeeta da qa'aisheguema na l-laq na nỹecpi?