Jeremías 19:11 - La'aqtaqa Ñim Lo'onatac 'Enauacna 2013

¹¹ nache qonapega, qoneta': ‹Ñim Nataxala' maye Qaica ca Ỹaqalanapec, 'eeta': Aỹem selaxachigui qome ne'ena nhuo' le'ecpi, qataq ne'ena huaqta'a't nỹecpi, 'eeta'am ca ilaxachigui aca naco'oña 'alhua, nache saishet da qaltaq qaỹe'eguelaxara't. Na shiỹaxauapi ilayiña qome ye Tófet ca leuaxaicpi, souaxat mashe qaica ca ldaqa' da qailareñi.

Jeremías 19:11 Referans Kwoze

Salmos 2:9

Nache 'aurolec qome aca 'arashelte lcat, da 'anlaxaañi na nta'alpi nache ỹataqta 'aulaxachigui, 'eeta'am 'anqa'en aca naco'oña 'alhua.»

Isaías 30:14

qataq 'eeta'am aca ỹomaxaqui 'alhua, da ỹataqta imauec da dolachigui nache nam saq 'amaqtaq laỹepiolec qaica ca ishet da qaỹo'ogoxona da qoỹemaxaua'a aca poqo maye huetangui ca norec, huo'otaq da qoỹemaxana da qanqatsheguem ca 'etaxat da qaỹachegoxotangui aca nshere.»

Lamentaciones 4:2

Qaq na lma'pi ye Sión, maye ỹataqta huo'o co'ollaxa da 'enec, qataq nauotaxatpi, napacalec da 'enec qanqa'en na oro, ¡qaq nagui qalaq 'eeta'am qanqa'en ana naco'oña 'alhua maye lo'onata ca 'alhua lo'o!

Jeremías 13:14

Ime, nache selaxachigui qome namayepi, 'eeta'am ñaqa'en aca naco'oña, huaña nache ñi 'oonolec dataỹa'aguet ñi lỹa, nataqa'en na nta'alpi qataq ca ñalaqpi. Qaq Aỹem saishet qome da sechoxoreetac, qataq saishet da sechoxoreetac da selaxachigui. Qaq 'era da ỹa'aqtac Aỹem nataxala'.›»

Jeremías 19:6

Qaq ỹoqo'oye anacte' caua na'axa'te maye huaiguilo da ne'ena 'alhua saishet qome da le'enaxat Tófet, qataq saishet da le'enaxat da Ca'amegue Ben Jinón, nacherata da le'enaxat qome, Ca'amegue Nalaataxanqa'.› Qaq 'era da ỹa'aqtac, Aỹem Nataxala'.

Hechos 21:11

Somaye qomi' namaqtegalo. Nache somaye ỹacona so nsaataxaqui so Pablo, nache maiche icoñiyiguilo naua lchel qataq naua lhua'q. Nache 'enapeco': –So Saqcha'a Na'añaxac Qui'itta 'enapec da la'aqtaxanaxac ye cam judiopi maye lma' ye Jerusalén, nache 'eetec qome de'era ñim lalamaxat ne'ena saataxaqui da icoñi'. Ime, nache ỹaneua'a na nta'alpi ye Roma.

Proverbios 6:15

Qaq ỹoqo'oye nque'elaxatta qome da nvita ca nlaguiñi naqa'en, 'eeta'am da choche nlouec qataq ỹamaxa't naua la'ai'te nache nlaguiñi, huaña nache qaica ca ishet da ỹaỹamaxaañi.

Jeremías 19:12

Qaq 'era da so'otec qome ne'ena huaqta'a't nỹecpi qataq nam shiỹaxauapi maye hueta'a namaye. 'Eeta'am ñaqa'en da sheetec co'ollaxa ye Tófet. Qaq 'era da ỹa'aqtac Aỹem Nataxala'.

Jeremías 48:38

«'Enauac na pa'asheguem na nỹecpi, qataq 'enauac na nqa'aicpi ye Moab, da nacherata da noinaxac qaỹa'aqtega, cha'aye Aỹem selaxachigui ye Moab, 'eeta'am ñaqa'en aca naco'oña da mashe qauem. Qaq 'era da ỹa'aqtac Aỹem Nataxala'.»

Jeremías 51:63

Qaq qom ime da 'autaxaỹaxan ana'ana nere, nache 'aucoñereguet qome ca coma', nache 'auasaxangui so tala Éufrates,

Jeremías 25:34

¡Qami' qagueta lo'opi, ña qaua'alqai qome souaxat da qanqui'iqui! ¡Qami' maye qami' lataxala'ate ana qaguetapi ña qanviñiingui qome na 'alhua! Cha'aye mashe nvi' nam na'a'q maye huetoigui da nalaataxanaxac, qaq qami' nache qami' qaỹalaua't qome qoñeeta'am ca qagueta lhuaraicpi maye chaxaraicpi.