Jeremías 19:1 - La'aqtaqa Ñim Lo'onatac 'Enauacna 2013

¹ Ñim Nataxala' aỹem 'enapega, 'eeta': «Qojec qome nache 'ausheenaxana aca naco'oña 'alhua, nache 'auauo'oi caua 'auỹaxanalo nam nqueroxonecpi maye lataxala' ne'ena nhuo' le'ecpi qataq caua ntaxaỹaxanaxanaqa maye mashe ỹe'.

Jeremías 19:1 Referans Kwoze

Lamentaciones 4:2

Qaq na lma'pi ye Sión, maye ỹataqta huo'o co'ollaxa da 'enec, qataq nauotaxatpi, napacalec da 'enec qanqa'en na oro, ¡qaq nagui qalaq 'eeta'am qanqa'en ana naco'oña 'alhua maye lo'onata ca 'alhua lo'o!

Isaías 30:14

qataq 'eeta'am aca ỹomaxaqui 'alhua, da ỹataqta imauec da dolachigui nache nam saq 'amaqtaq laỹepiolec qaica ca ishet da qaỹo'ogoxona da qoỹemaxaua'a aca poqo maye huetangui ca norec, huo'otaq da qoỹemaxana da qanqatsheguem ca 'etaxat da qaỹachegoxotangui aca nshere.»

Números 11:16

Qalaxaye Ñim Nataxala', 'eeta': «'Alaỹona't qome ca setenta nqueroxonecpi Israel le'ecpi, maye lataxala'pi ne'ena nhuo' le'ecpi, nache 'auauegueua'a ye ñegueuo ñi npe'l, nache camayepi qataq 'am, aỹem qauachiỹaique qome.

2 Corintios 4:7

Co'ollaq Ñim Lo'onatac 'Enauacna qomi' ỹanema da no'on na'axaỹaxac, nache ỹachagui de'era nsallaxa asom qaica ca la'añaxac no'oxona 'alhuole. Yaqto' da sa'axataqtac da no'on na'axaỹaxac, nache na shiỹaxauapi ỹaỹaten da de'era na'añaxac chegoqo'ot Ñim Lo'onatac 'Enauacna, qaq saishet da nache qomi' maye shenaqta'am acatai' 'alhuole maye qaica ca la'añaxac.

2 Reyes 19:2

Qataq ỹamaq so Eliaquín, maye ilotague' naxa so nma' lta'araic, qataq so Sebna maye ỹettapiguiñi naxa nam ỹo'otpi so nta'a, qataq som ỹataqta ỹa'axaiquipi ntaxaỹaxanaxanecpi, ỹaayiñi soua ỹataqta sansatte' alogo souaxat da nqui'ic, nache nqo'ona so na'aqtaxanaxanec Isaías, maye llalec so Amós,

Mateo 27:1

Qaq co'ollaq mashe yo'oxoñi, nache 'enauac som lataxala'pi nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na judiopi, mashe nmachigui da lataxac da yaqto' ỹalauat So Jesús.

Mateo 26:3

Nache se'eso na'a'q nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam lataxala'pi na judiopi dataỹa't, huaña ca lma' so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, le'enaxat Caifás.

Ezequiel 9:6

Qauachegoqoichiguiña qome añi ỹalamaqte atamnaxaqui nache qaualauache na ỹa'axaiquipi, nsoxoppiolec qataq na qa'ampiolec, na ñaqpiolec qataq na 'alpi, nache qaviraxachiỹa'a da qaica ca no'onañi da nca'altauec. Qalaxaye saishet qome da huo'o ca qoñeeta'ac ca huo'o ca na'anaxat. Nache soomaye ỹalauat so ỹa'axaiquipi maye nachatto'ot aso atamnaxaqui.»

Jeremías 32:14

‹Ñim Nataxala' maye Qaica ca Ỹaqalanapec, qataq Natamnaxala' na Israel le'ecpi, 'eeta': 'Auaconalo qome ne'enaua dos maye lỹa't lmalatel de'era qanmenaxac, aram ntoqootalec aso na'anaxanaqte, qataq aram qaca aca la'anaqte, ime nache 'auaỹamaxa't 'auachangui aca naco'oña 'alhua yaqto' qaỹaloqta da qauema.

Jeremías 26:17

Qaq huo'o so nqueroxonecpi maye nataxala'pi nachaañi, nache 'enapega som lapoota'a't nhuo' le'ecpi, 'eeta':

Hechos 21:11

Somaye qomi' namaqtegalo. Nache somaye ỹacona so nsaataxaqui so Pablo, nache maiche icoñiyiguilo naua lchel qataq naua lhua'q. Nache 'enapeco': –So Saqcha'a Na'añaxac Qui'itta 'enapec da la'aqtaxanaxac ye cam judiopi maye lma' ye Jerusalén, nache 'eetec qome de'era ñim lalamaxat ne'ena saataxaqui da icoñi'. Ime, nache ỹaneua'a na nta'alpi ye Roma.

Ezequiel 4:1

Qaq 'am shiỹaxaua, 'auacona qome ca 'oonolec losoc maye ñaq saxanaxa da dato, nache 'erelec camaye da 'avi'inaxat ye huaqta'a't nỹecpi ye Jerusalén.

Jeremías 13:1

Ñim Nataxala' aỹem 'enapega 'eeta': «Qojec qome nache 'ausheenaxana ca saataxaqui maye chegaqaigui na lino, ime nache 'ansaachigui, qalaxaye saishet da 'auỹo da 'auauota'a na 'etaxat.»

Ezequiel 5:1

Qaq Ñim Nataxala' qaltaq aỹem 'enapega, 'eeta': «'Am shiỹaxaua, 'auacona nagui ca ỹeelonec maye ỹataqta ỹaxaraic, 'eeta'am ca petegaxat da llaxa, nache 'anamarec na 'arqaic qataq ana 'arqa' laue. Ime nache 'auacona aca naloqnaxanaxaqui, nache 'aucolaxatapigui ca 'araue, tres 'anqa'en caua 'aqtal.