Jeremías 18:9 - La'aqtaqa Ñim Lo'onatac 'Enauacna 2013

⁹ Qataq huo'o ñaqa'en ca laloqo' da ño'oxoosheguem qataq nquictauec ñaqa'en ca ỹotta'a't shiỹaxauapi, huo'otaq ca no'onataxanaxac.

Jeremías 18:9 Referans Kwoze

Jeremías 31:28

Qaq dam 'eetec co'ollaxa da Aỹem lhuotta da ñapogosheguem, sa'axasoxooñi qataq huetaiya' ñaqa'en, selaxachigui qataq so'otec da qauem, qaq nache 'eetec nagui da Aỹem lhuotta da yaqto' ño'oxoosheguem qataq saañi. Qaq 'era da ỹa'aqtac Aỹem Nataxala'.

Jeremías 11:17

Ñim Nataxala' maye Qaica ca Ỹaqalanapec ñim 'am ỹaañi co'ollaxa, 'am namaxa so qauem, da 'am talec souaxat nam qauem maye ỹo'ot na Israel qataq ye Judá, cha'aye inogoqche't souaxat da ỹaatracot na lchenaxanaxat so Baal.

Jeremías 1:10

«Aỹem sanaigui na 'ap naua ỹa'aqtaqa. Nagui 'am sanem da huo'o da qonec, da 'aulo'ogue na nta'alpi qataq na ỹotta'a't shiỹaxauapi, da yaqto' ishet da 'anqat qataq 'auamaxañi, qataq da 'anlaxaañi qataq 'aulaxachigui, qataq nataqa'en ishet da 'ano'oxoosheguem qataq 'aỹa'aañi.»

Eclesiastés 3:2

Huo'o ye laloqo' da huo'o na ñiguiñi, qataq huo'o ye laloqo' da huo'o na ileu. Huo'o ye laloqo' da qoỹaañi na nañiguishec, qataq huo'o ye laloqo' da qanqat na ala na nañiguishec.

Jeremías 32:41

Qaq Aỹem samachiguiñi qome da so'otec da no'on namayepi, qataq ỹataqta imauec da iquiyaqteỹaxac qataq da huesota iuennataxac da so'ot da nache netalec ne'ena 'alhua.»

Jeremías 31:38

Ñim Nataxala', 'enapec: «Anacta ca na'a'q da na ỹalamaxat huaqta'a't nỹecpi qaltaq qano'oxooshegueem qome, chegoqchiguiña ara nalloxolate maye naña ye Jananel, nache ivira'a ñi Lasom maye le'enaxat da Lallemaqhuo.

Jeremías 31:4

Aỹem qaltaq 'am ñe'eguelaxatsheguem qome 'am Israel. Nache qaltaq 'añe'eguelaq qome 'auauota'a na 'arasaquiaxanatacpi, da 'auasottac souaxat da 'antonaxac.

Jeremías 30:18

Ñim Nataxala', 'enapec: Ñaralaxat qome da na'achecỹaxac na chegoxoguet so Jacob, nache sasaxalec qome da ichoxonnataxanaxa na na'alhua, na huaqta'a't nỹecpi qalaq qaỹo'oxootelec nam nlaguiñi co'ollaxa, qataq na lta'araic nỹecpi qalaq qoỹaatelec na maiche lma' co'ollaxa.