Jeremías 18:7 - La'aqtaqa Ñim Lo'onatac 'Enauacna 2013

⁷ Aỹem huo'o ñaqa'en ca laloqo' da ñapogosheguem qataq seqalagoxooñi, qataq selaxachigui ca ỹotta'a't shiỹaxauapi huo'otaq ca no'onataxanaxac.

Jeremías 18:7 Referans Kwoze

Jeremías 1:10

«Aỹem sanaigui na 'ap naua ỹa'aqtaqa. Nagui 'am sanem da huo'o da qonec, da 'aulo'ogue na nta'alpi qataq na ỹotta'a't shiỹaxauapi, da yaqto' ishet da 'anqat qataq 'auamaxañi, qataq da 'anlaxaañi qataq 'aulaxachigui, qataq nataqa'en ishet da 'ano'oxoosheguem qataq 'aỹa'aañi.»

Jeremías 45:4

Qalaxaye Aỹem maye Aỹem Nataxala', 'am sa'aqtaxanem da seshet da selagaxachigui nam ño'oxoosheguem co'ollaxa, qataq nataqa'en seshet da ñapoc nam saañi co'ollaxa. Qaq damaye naigui da 'enauac ne'ena 'alhua.

Jonás 3:4

Nache so Jonás, inoxoneua'a se'eso huaqta'a't nỹecpi, nache imauec so 'oonolec na'a'q da queuotapigui da da'aqtaxaatac, 'eeta': «Qom ivildec naua cuarenta na'axa'te, nache nam Nínive qailaxachigui qome.»

Amós 9:8

Qaq Ñim Nataxala' imeteetac da qauem lo'onataxanaxac ne'ena shiỹaxauapi, ỹoqo'oye 'eeta': Ỹataqta pal ñaqa'en qome ne'ena shiỹaxauapi da huetalec ana 'alhua, qalaxaye saishet da imauec da pal ñaqa'en nam chegoxoguetpi so Jacob. Qaq 'era da ỹa'aqtac, Aỹem Nataxala'.

Génesis 6:6

nache ỹataqta huo'o da nqui'ic souaxat da ỹo'ot co'ollaxa so shiỹaxaua.

Jeremías 31:28

Qaq dam 'eetec co'ollaxa da Aỹem lhuotta da ñapogosheguem, sa'axasoxooñi qataq huetaiya' ñaqa'en, selaxachigui qataq so'otec da qauem, qaq nache 'eetec nagui da Aỹem lhuotta da yaqto' ño'oxoosheguem qataq saañi. Qaq 'era da ỹa'aqtac Aỹem Nataxala'.

Jeremías 42:10

‹Da qami' qarhuennataqai da qoviỹa'a ne'ena 'alhua, nache Aỹem qami' sanema da qaica ca qaviñiitaique, qaq saishet qome da qami' selaxachiguilo nacherata da qami' saayiñi nache saishet da qami' ñapogoyeshegue'm, cha'aye huo'o da ñetogotaxac da qami' ñamaxalo co'ollaxa se'eso qauem.

Ezequiel 33:14

Qaq da saneguet ca l-leuaxa cam qauemaic, qaq camaye da ỹaxaañi cam qauem, nache ỹo'ot cam ỹaỹamaqchiguiñi qataq cam nalochiguiñi lataxac,

Daniel 11:4

Qalaxaye qom mashe ỹaỹamaxañi ca lo'onataxanaxac camaye, nache ca lo'onataxanaxac colaxagui qome cuatro caua lpa'axaco. Qaq da la'añaxac que'eca nta'a, saishet qome da talec ca llalaqpi, qataq nataqa'en que'eca no'onataxanaxac qaica qome ca la'añaxac, saishet da 'eeta'am cam hua'auchiguiñi, cha'aye mashe colaxagui, nache anac qome ca laỹepi nta'alpi da talec que'eca no'onataxanaxac.

Jeremías 26:3

Shapegueto' da ishet da 'am ỹalaxaguet da ỹaxaañi da qauem lataxac, yaqto' Aỹem saishet da sepaguelec dam seuennatega co'ollaxa da sauo'o ca nhuaxanaguec, souaxat nam qauem maye ỹo'otpi.

Jonás 3:10

Qaq Ñim Lo'onatac 'Enauacna, co'ollaq ila'a da so netaña ye Nínive ỹaxanec nam qauem maye ỹo'ottacpi, nache Ñimaye saishet da ipaca'a da ilaxachigui.