Jeremías 18:6 - La'aqtaqa Ñim Lo'onatac 'Enauacna 2013

⁶ «¿Saishet peta'a nataqa'en da sañoxot da nache sheeteque qami' Israel le'ecpi, dam 'eetec ñim nshaxa lo'o da ỹo'ot se'eso nshaxa? Qami' qoñiitaiguilo naua ihua'q, qoñiita'am som nshaxa maye netaiguilo naua lhua'q so nshaxa lo'o. Qaq 'era da ỹa'aqtac Aỹem Nataxala'.

Jeremías 18:6 Referans Kwoze

Isaías 64:8

Qalaxaye 'am Nataxala', nache 'am maye 'Am qarta'a, qomi' qalaq shenaqta'am ca nshaxa, qaq 'Am qalaq nache 'Am maye 'auo'ot da qarataxac, qaq 'enauac da shenaqta, qomi' lo'onataqa naua 'arhuaxaye.

Isaías 45:9

Aca naco'oña 'alhua qalaq 'eeta'am camachaqaca lỹa, da saishet da ncotaỹapegue' cam ỹo'ot co'ollaxa acamaye. Qataq ca nshaxa saishet da 'enapega cam ỹo'ottac camaye da, 'eeta': «Negue't nam 'auo'ottac?» qataq cam mashe ime no'onatac saishet da 'enapega cam ỹo'ot camaye da, 'eeta': «'am sa 'auaỹaten da 'aro'onataxanaxac.»

Jeremías 18:4

Qaq naxa da saỹaỹamaxañi nam lo'onatac, nache qaltaq ỹe'eguelaxalec da ỹo'ot, nache do'onataxana se'eso nshaxa, nache ivitta'a da ỹataqta ipacchigui dam huotaique lataxac naqa'en.

Mateo 20:15

Cha'aye aỹem maiche soiqueetac ana aỹom cam sataxaateuga. ¿Ta'ainco' ye aỹem 'anquiỹatega souaxat da aỹem choxonnataxanaxaic?»

Daniel 4:23

'Am nta'a nataqa'en 'aula'a co'ollaxa so qui'itta namaxashec maye nauanaxanaxanec da chegoqo'ot na piguem, nache somaye, 'eeta': Qaua'axasoxoñiiñi 'ara'ara qo'oipaq qataq qaulaxachiigui, qalaxaye qano'onaxachiỹañi qome ara lamo, qataq na lpa'a'pi, qataq qaucoñiyiỹagui ca ncoñetaxanaxat lcat qataq ca bronce, nache qauachiỹaigui ana huoue maye huetauga na no'onaxa. Qataq talec qome acamaye na 'aỹa, nache ỹalectaigui qome na shiguiỹacpi qataq ana huouepi maye huetauga na no'onaxa, choche ivittrec caua siete vi'iye.

Romanos 11:34

Cha'aye ana nere maye huetalec na la'aqtacpi Ñim Lo'onatac 'Enauacna 'eeta': «¿Huo'o peta'a ca ỹaỹate'n naua lhuennataxaco Ñim Lo'onatac 'Enauacna? Qataq ¿ishet peta'a da huo'o ca ỹapaxaguen Ñimaye?

Jeremías 18:5

Huaña nache Ñim Nataxala', aỹem 'enapega, 'eeta':