Jeremías 18:21 - La'aqtaqa Ñim Lo'onatac 'Enauacna 2013

²¹ ¡Qalaxaye nagui, 'auo'ot qome da nam llalaqpi namayepi ilem na lqouaxa, huo'otaq da ilem ca ỹeelonec, qataq 'auo'ot da pa'aipi qataq qaica ca llalaqpi ana lhuapi namayepi! ¡Qataq na ỹalleppi maye lhuapi anamayepi ỹalauat qome ca napiina, qataq na nsoxoppiolec ileuaigui qome ca alaataxac!

Jeremías 18:21 Referans Kwoze

Amós 4:10

Qataq qami' ñamaxalo da qanhuaxanaguiiqui maye 'eeta'am so ñamaxa co'ollaxa ye Egipto, qataq serolec na ỹeelonec da qaỹalauat so nsoxoppi nache qaiuotaxanec so lalo caipi, qataq qauaviquiitañi ñaqa'en na laita so leuaxaicpi. Qalaq ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Lamentaciones 5:3

Qomi' mashe qaica ca qarta'a nache qomi' saploqpi, ana qarate'elpi qalaq 'eeta'am ana pa'aipi.

Jeremías 15:8

Qataq so'ot qome da qalota ana pa'aipi napacalec na delec maye hueto'ot na loigue aso auaxai. Qataq huaigui ñaqa'en ca na'a'q laiñi da talec ca nleuaxa ana nate'elpi qataq na llalaqpi nsoxoppi, qataq nque'elaxatta qome da talec ca laquicoxo qataq ca lcolanaxa.

Jeremías 9:21

«Da nleuaxa nvitalo naua qarma'ate, qataq taigui na qarma' lta'araicpi, qataq huangui naqa'en na nqa'aic da ỹalauat na ñaqpiolec qataq huaña naqa'en na nlagaqa'pi da ỹalauat na nsoxoppiolec.

Deuteronómio 32:25

Qataq huangui qanqa'en ca nqa'aic da qaỹalauat na llalaqpi qairolec ca ỹeelonec, qataq da hueta'a ca lma' qalaq ỹe'elaqtapigui', qaq na nsoxoppi qataq na qa'ampi qalaq ileu, qataq na ñaq lleptacpi qataq na mashe ỹa'axaiquipi.

Éxodo 22:24

nache ỹataqta lta'araic da ỹalemataic. Nache qami' seroleguete ca ỹeelonec da qami' salaua't, nache ishet da pa'aipi aca qaramoxouaipi, qataq ca qaỹa'alquipi nache saploqpi.

2 Timoteo 4:14

So lcat lo'o, le'enaxat Alejandro, ỹataqta qalota na aỹem ỹo'otec qauem. Qalaxaye So Qarataxala' isheeteneguet qome 'enauac nam aỹem ỹo'otecpi.

Jeremías 12:3

¿Qalaxaye 'am Nataxala', aỹem 'auauatton, qataq aỹem 'aulotagui qataq 'auaỹaten dam iuennataxac da qoneta. ¡Ñaq 'auauec yi'iye shiỹaxauapi, 'eeta'am 'anqa'en aca qaguetapi da qaỹauega ca nalaataqa', 'aua'an qome yaqto' taỹa'a cam na'a'q maye huaigui da qaỹalauat!

2 Crónicas 36:17

Qaq huaña nache Ñim Nataxala', ỹamaq so lta'a so caldeopi da iloquiaxan somayepi, nache irolec so ỹeelonec so nsoxoppi, huaigui naqa'en aso atamnaxaqui, nache saishet da ichoxoreetac se'eso nsoxoppi, qataq so qa'ampiolec, qataq so ỹa'axaiquipi, qataq som sara'añeeguelo naua lchel, qaq 'enauac somayepi da Ñim Nataxala' ỹaneguet da lhuaqỹaxac somaye.

1 Samuel 15:33

Qalaxaye so Samuel 'enapego' somaye, 'eeta': 'Am, 'auauota'a co'ollaxa so 'ainec da 'aualauat so qalota Israel le'ecpi, qaq so 'alpi qalaq 'auauota'a da qaica so llalaqpi. Qaq nache 'ena'am da 'eetec nagui aca 'arate'e. Nache so Samuel huaña naqa'en ye Gilgal qataq ỹauaachigui naqa'en Ñim Nataxala' da ipelcapigui somaye.

Salmos 63:10

Namayepi qaỹalauat qome qairolec ca ỹeelonec, nache na qa'alaqpi chec na lapat namayepi.

Isaías 9:17

Qaq ỹoqo'oye Ñim Nataxala' saishet co'ollaxa da ỹauotec na nsoxoppi, qataq saishet da ichoxoreetac na saploqpi qataq ana pa'aipi. Cha'aye imauec ne'ena nhuo' le'ecpi da qauemaicpi, qataq qauema naua la'aqtaqa 'enauac namayepi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Isaías 13:18

Namayepi irolec qome aca lchecnapi da huañi naqa'en na nsoxoppi, qataq saishet da ichoxonnai' natai' ñaq cheta'ague da ñiguiñipi, qataq sa ichoxoreetac na laỹepi ñaqpiolec.

Jeremías 14:16

Qaq na shiỹaxauapi maye ỹa'axattapeguem de'era, nataqa'en ileuaigui qome ca alaataxac qataq ca nqouaxa, l-llañe' ana lhuapi, qataq na llalaqpi ỹalleppi qataq ana llalepi. Nache da lo'ocỹaxac qaỹasaxauga qome na nqa'aicpi ye Jerusalén, nache qaica qome ca ilayiñi. Qaq 'era da 'eetec da isheeten ñaqa'en nam qauem maye ỹo'otpi.

Jeremías 15:7

Selagaxattac na 'arhuo' le'ecpi, 'eeta'am ñaqa'en ca 'auaqpi ltoxoic ñeqateeguesop na huaqta'a't nỹecpi maye hueta'a ne'ena 'alhua, nache qaica ñaqa'en ca llalaqpi na ỹalamaxat nhuo' le'ecpi, namayepi selaxachigui, souaxat da saishet da ỹalat da qauem lataxac.

Jeremías 50:30

Qaq ỹoqo'oye nam lalamaxatpi nsoxoppiolec huetangui qome na nqa'aicpi da ileu, qataq 'enauac na nalleppi alaataxaicpi ileu qome que'eca na'a'q. Qaq 'era da ỹa'aqtac Aỹem Nataxala'.

Lamentaciones 1:15

Ñim Nataxala', ỹataqta iỹotaxateueegue da ỹasaxauec som 'añaxaicpi maye aỹem iuetteguelec co'ollaxa. Nache namaq so alleppi da yaqto' aỹem iloquiaxan, qataq da nmatchiguiñi som ñalleppi maye 'añaxaicpi. ¡Ñim Nataxala' petapigui anam napogoshepi llalpi na Judá, 'eeta'am naqa'en da 'eetec da qaỹapetapigui ana uva da qaỹo'ot na lataxa!

Ezequiel 16:38

Aỹem 'am ñemit qome souaxat da 'arquisheguetaxac, qataq da 'aralaataxanaxac, qaq souaxat da inogoxonaxac qataq da ica'alaxanaxac nache 'am saneguet da nleuaxa.

Ezequiel 22:25

na nta'alpi maye hueta'a ne'ena 'alhua, qalaq 'eeta'am na llonpi da desoqtai', qataq icolaxattac ca loxonec, qataq chec nam shiỹaxauapi da huaña na na'alhua, qataq decachiỹa na no'on logoxoshetpi, qataq da lsallaxa, qataq ỹo'ot da nquiguec ye lcata ana pa'aipi.

Salmos 63:11

Qalaxaye ñi nta'a machiguiñi da hueta'aguet Ñim Lo'onatac 'Enauacna, qataq 'enauac na ỹanot da la'aqtac Ñim Lo'onatac 'Enauacna nataqa'en ỹo'oxoren qome ñimaye. Qaq na tenataxanaxaicpi qalaq qaỹapoguilo naua ala'api.

Isaías 9:16

Cha'aye nam lataxala'pi ne'ena nhuo' le'ecpi nachena na isomaxanaqchet, qaq nam ca'attague' namayepi nache deqat.