Jeremías 18:19 - La'aqtaqa Ñim Lo'onatac 'Enauacna 2013

¹⁹ ¡'Am Nataxala', ñaq aỹem 'ana'axaỹaxana! ¡Qataq 'ana'axaỹaxana da la'aqtac nam ñepa'aguenaxauapi!

Jeremías 18:19 Referans Kwoze

Nehemías 6:9

Cha'aye namayepi ỹauotaique da choche qomi' icolanaqche't, da yaqto' saxanaxañi da qaro'onataxanaxac, qalaxaye aỹem seỹaxanot Ñim Lo'onatac 'Enauacna, da aỹem ỹa'añaqchet da yaqto' nache shecto'ot da ỹo'onataxanaxac.

Miqueas 7:8

Qaq 'am ñepa'aguenaxaua, saishet qome da aỹem 'antootalec, cha'aye na'aictaxa da souañe co'ollaxa qalaxaye qaltaq ñachaañi qome, qataq na'aictaxa da sootaigui ca napalaxa, qalaxaye Ñim Nataxala' nacheñi ñim aỹem icoỹattalec.

Jeremías 20:12

'Am Nataxala' maye Qaica ca 'Auqalanapec, 'Am maye 'auo'onataxana da nalochiguiñi lataxac da huo'o 'anmit, qataq 'am maye 'auaỹaten ye ỹataqta pa'auo lhuennataxac ca shiỹaxaua, ñaq sauaachigui qome 'anqa'en da 'auauo'o ca nhuaxanaguec ne'ena shiỹaxauapi, cha'aye nache 'Am da 'Am sepe'etega.

Salmos 109:28

Ỹoqo'oye na'aictoxo' namayepi da aỹem isheueetac, qalaxaye 'am aỹem 'auchoxoren qome. Namayepi ishet da aỹem iloquiaxan, qalaxaye huo'o qome da la'aloxo, cha'aye ne'ena 'aramaxashec huo'o qome da ntonaxac.

Salmos 109:4

Da ỹauotaxanaqtaic namayepi qalaq nmeneguet naqa'en da lsheunaxanaxac, qalaxaye aỹem ñatameetac.

2 Reyes 19:16

Ñaq 'auqochapigui', qataq 'ana'axaỹaxaañi 'Am Nataxala', ñaq 'anlouec, 'Am Nataxala', qataq 'aumeten de'era. Ñaq 'ana'axaỹaxana nam la'aqtacpi maye aỹem namaxa cam Senaquerib, da 'am isheueetac, 'Am Atamnaxala' maye 'anca'altauec.

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Jeremías 18:20

¿Peta'a iuen da qaisheetenaxana ca qauem da qaisheeten ca no'on? ¡Namayepi co'ollaxa nshe' añi ñeuachiqui! Ña 'auennata'a da 'am sataỹa'aguet co'ollaxa da setaqteguelec namayepi da yaqto' 'anqateeguesop namayepi da 'aralemataic.

Lamentaciones 3:59

'Am Nataxala', 'Am maye 'aumeteetac, dam qauem maye aỹem qaỹo'otec, ¡ñaq aỹem 'aueelec!