Jeremías 18:18 - La'aqtaqa Ñim Lo'onatac 'Enauacna 2013

¹⁸ So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Jeremías 18:18 Referans Kwoze

Salmos 52:2

Qaq 'am nda'a't da 'auo'ottac na qauemsat, na 'arachaxat qalaq 'eeta'am da llaxa ca ỹeelonec,

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Jeremías 11:19

Qaq aỹem sheeta'am ca qagueta llalec da ỹe'emaqtom da qaỹauecta'a ca nalaataqa', qaq saishet da saỹaten da huo'o dam qaỹauotaique da aỹem qaỹo'otec. Qaq namayepi, 'eeta': «Sechegaq ara qo'oipaq nache cañe' ñeqa'enaq ana ala, ñapogaxasheguem nache ñeqataxasop nam nca'altauecpi ana 'alhua, yaqto' qaica ca qaltaq iuennatega aramaye.»

Jeremías 18:11

Qaq nagui 'aua'aqtaxanem na shiỹaxauapi na Judá, qataq na lma' na Jerusalén, da aỹem Nataxala', shenapega namayepi, sheeta': ‹Mashe huo'o dam llapaqtegueñi da yaqto' qami' sataỹa'agueta, Aỹem mashe iuennataxa da qami' seuaxa'n. Ñaq qoquiỹa'ai qome som qauem nqa'aic, nache qano'onaxache da qarataxaqui qataq da qaro'onataxanaxaqui.›»

Salmos 21:11

Qaq ỹoqo'oye na'aictaxa da huotaique da 'am na'aqchet, qataq da huotaique da huo'o ca 'am ỹo'otec, qalaxaye saishet da ỹañoxot,

Jeremías 43:2

nache so Azarías som llalec so Osaías, Johanán, som llalec so Careaj, qataq som laỹepi ỹalleppi maye qaica ca iren, 'enapega so Jeremías, 'eeta': «¡Dam 'aua'axattac damaye saq'en! Ñim Nataxala' maye Qanatamnaxala' saishet da 'am ỹamaxalec da qomi' 'aua'aqtaxanema da saishet da saxague da Egipto.

Proverbios 18:21

Da nca'alaxa qataq da nleuaxa qalaq chegaqaiguilo ca 'enapec ñi nachaxat, qaq ca qalota da ltaxaỹaxac nache maiche nque'etaxaachigui ca naigui naua la'aqtaqa.

Salmos 64:3

maye ỹaxaraic naqa'en ñi lachaxat 'eeta'am ca ỹeelonec, qataq da nasaxarec naua la'aqtaqa qalaq 'eeta'ama aca checna maye huo'o na lshenataxanaxa.

Salmos 57:4

Aỹem sootangui na llonpi, aỹem coleesop na shiỹaxauapi maye chec na lỹa, naua lhue namayepi qalaq 'eeta'am ana taquiaxai qataq ana checna, qaq na lachaxat 'eeta'am na ỹeelonec maye qaiqueuocta.

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

Isaías 32:7

Qaq cam tenataxanaxaic qalaq lo'ogoxonaxat na qauempi, qataq ỹo'ot nam qauem latenataxanaxacpi, nache da latenataxanaxac na'aqchet nam choxoraqpi, qataq nam huo'o da lhuenaxanaxa da qaỹo'otec ca nalochiguiñi lataxac.

Da na'aqtaguec so Job 5:13

Ñimaye que'emaxam naqa'en ca ỹo'ot cam sanqalaate' da ỹo'ot na qauemsat, qataq ỹo'otec da saishet da ipaiguilo naua qauema maye huotaique da ỹo'o't.

1 Reyes 22:24

Huaña, nache so Sedequías, som llalec so Quenaná, ca'ata so Micaía, nache iuaxanoigui na lashec, nache 'eeta': Che ¿hua'ago' ca tateuga se'eso lamaxashec Ñim Nataxala', co'ollaq aỹem ca'ai da yaqto' 'am detaxaỹot?

2 Samuel 17:14

Nache so Absalón qataq 'enauac so Israel le'ecpi, ỹaỹamaxareeta de'era la'aqtac so Jusay, cha'aye ỹoqta ỹaỹamaqchiguiñi naqa'en, saq 'ena'am da lapaxañi la'aqtac so Ajitofel. Cha'aye Ñim Nataxala', nache 'ena'ac co'ollaxa da yaqto' saipac naqa'en da laỹaanataxanaxac so Ajitofel, qataq taỹa'a naqa'en da l-leuaxa so Absalón.

2 Samuel 15:31

Qaq co'ollaq qaỹa'aqtaxanem so David, da so Ajitofel ỹalegoigui so laỹepi so Absalón maye mpa'agueetac, nache so David nqouagaxaunot co'ollaxa Ñim Nataxala', 'eeta': «Saishet qome da ipacchigui 'anqa'en, 'enauac na lapaxañipi da ỹo'ot ca Ajitofel.»

Levítico 10:11

qataq qauapaxaguiñic na Israel le'ecpi 'enauac da lataxac na nqataxacpi maye Ñim Nataxala' ỹan co'ollaxa ỹachegoxotchigui so Moisés.»

Juan 9:40

Qaq huo'oi soua chegoqraigui na fariseopi maye hueta'a yi'iye hua'aqchigui de'era, nache inattac So Jesús, 'eeta': –¿Damaye peta'a naigui nataqa'en da saishet da ñauanaxañi?

Jeremías 26:11

Huaña nache so ntaxaỹaxanaxanecpi qataq so na'aqtaxanaxanecpi, da'aqtaxanem so nataxala'pi qataq so nhuo' le'ecpi, 'eeta': «De'era ỹale iuen da qaỹalauat, cha'aye ỹa'axatta'a da qailaxachigui qome ne'ena huaqta'a't nỹecpi. Qaq qami' qaua'aqaichigui damaye.»

Lucas 11:45

Nache huo'o som 'oonolec nam dapaxaguenataxaatapeguec na namaxasoxonaxacpi 'enapega So Jesús, 'eeta': –'Am Napaxaguenataxanaq, 'enauac na 'anasaxauec maye talec 'anqa'en na fariseopi, nataqa'en ivira'alo qomi' da qomi' inogoqche't.

Jeremías 44:17

Nacherata da nache qolaqto'ot da so'otaqtac dam mashe qarhuennataxac co'ollaxa da so'otaq. Nache qolaqto'ot da sanaqtacot na qarchenaxanaxat maye ama na laita, qataq na qarachetaqtaxanaxat lataxa añi atamnaxalate maye le'enaxat Nate'e na Piguem, dam ñanaguenaqto'ot da so'otaqtac choche ivitta'a nagui, qataq ỹo'ottac co'ollaxa nataqa'en so qarta'alpi, qataq so nta'alpi qataq so nataxala'pi, ye huaqta'a't nỹecpi maye ỹotta'a't naua nañalo ye Judá, qataq da huaña na nqa'aicpi ye Jerusalén. Cha'aye co'ollaq so'otaqtac de'era, nache qaica ca seuenaqtaique nam qonoq, qataq qaica camachaqca, qataq saishet da qomi' taleguete ca qauem,

Jeremías 8:8

Qalaq ¿ta'ainco' da qoñiitega qami' ỹaanaxanaxaicpi qataq da qami' hueto'oto nam lqataxacpi Ñim Nataxala'? ¡Ye nam neraxanaqpi maye deraxaatega na maỹo laue saq 'en nam ỹereñipi!

Jeremías 18:19

¡'Am Nataxala', ñaq aỹem 'ana'axaỹaxana! ¡Qataq 'ana'axaỹaxana da la'aqtac nam ñepa'aguenaxauapi!

Jeremías 20:10

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

Jeremías 37:13

Qalaxaye co'ollaq ivireua'a so Nasom so Benjamín, nache huo'o sa ỹale maye le'enaxat Irías som llalec so Selemías qataq laual so Jananías maye lataxala' na nauanaxanaxanecpi, somaye nllañi so Jeremías, nache 'enapega 'eeta': ¡'Am qache huotaique da 'auauaxaiguet na caldeopi!

Ezequiel 7:26

Qaq nacalec lỹa qome cam qauem, qataq nacalec lỹa ca qauem na'axaỹaxac. Nache qaica ca naigui qome da nmittaique ca na'aqtaxanaxanec da yaqto' ỹachegoxoto'ot ca la'axaỹaxac, qataq qaica ca ntaxaỹaxanaxanec da ỹapaxaguen, huo'otaq ca ỹa'axaiquipi da ỹanem namayepi ca lqataxac.

2 Crónicas 24:21

Qalaxaye somayepi dataỹa'aguet co'ollaxa so Zacarías, qaq cha'aye so nta'a damaxasoxoolec, nache somayepi ỹalauat somaye irota'a so coma', huaña ye nqasoxoc aso atamnaxaqui maye lalamaqte Ñim Nataxala'.

Jeremías 1:19

Namayepi 'am delogui' qome, qalaxaye saishet qome da 'am loxonec, cha'aye aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

Jeremías 44:16

Qomi', saishet da salaxasoxoguet de'era qomi' 'andota'alo, maye qonetega la'aqtaxanaxac Ñim Nataxala'.

Lamentaciones 3:62

qataq 'Am 'auaỹaten na ltaxaỹaxacpi nam ñepa'aguenaxauapi, da ỹataqta imauec ye na'a'q da qauema naua la'aqtaqa da aỹem detaqtega.

Miqueas 3:6

Qaq ỹoqo'oye nache tachiguiña da saishet da huo'o ca qarauanaqchiqui ye pe, qataq da qaua'axachiỹa'a cam ñaq natauo da huaigui ca napalaxa. Qaq añi nala' qalaq 'eeta'am qome da inoxooñi nache sa icoỹarelec namayepi, nache ye na'a'q qalaq 'eeta'am da huetaigui ca napalaxa namayepi.

Miqueas 3:7

Huaña nache ne'ena na'aqtaxanaxanecpi qataq nam huo'oi naua l-loxoco, ỹataqta huo'o qome da la'aloxo nache 'enauac namayepi da ỹe'emaqtom qome, souaxat da Ñim Lo'onatac 'Enauacna saishet da huo'o ca ỹanem da ỹa'axat namayepi.