Jeremías 18:16 - La'aqtaqa Ñim Lo'onatac 'Enauacna 2013

¹⁶ Qaq 'era da 'eetec da toolec naqa'en na na'alhua namayepi, nache ỹo'ot da chochaq tatec da na'aalaxa. Qaq 'enauac nam taalec namaye, nache iconnaxaatac na lqaic souaxat da la'aalaxa.

Jeremías 18:16 Referans Kwoze

Salmos 22:7

Qaq na aỹem ilota'a qalaq aỹem ỹe'eetac, qataq iqapiaxattac ana lqa' da aỹem isheueetac, qataq iraxaatac na lqaic,

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.

Jeremías 19:8

Nache she'eguelaxata qome da toolec ñaqa'en ne'ena huaqta'a't nỹecpi, qataq da ỹo'ot da ncolanaxa. Qaq 'enauac qome nam taalec namaye, huo'o da lcolanaxa qataq da la'aalaxa souaxat da ila'a da ỹataqta imauec nlachiguiñi.

Mateo 27:39

Nache so shiỹaxauapi maye nlectrecot soomaye isheueetac So Jesús qataq ỹe'eetac, ỹataqta iconnaxaatac na lqaic.

Miqueas 6:16

Cha'aye qoguegue nam lamaxasoxonaxacpi so Omri, qataq nam ỹo'otpi co'ollaxa som llalaqpi so Ahab, nache qoquetelec da lataxac somayepi, qaq ỹoqo'oye 'am saneguet qome da 'am qailaxachigui qataq qane'eetapigui nam shiỹaxauapi maye 'am netaigui, huaña nache 'am huetalec qome da lta'araic la'agaxa na ỹalamaxat nhuo' le'ecpi.

Jeremías 50:13

Cha'aye salemata qome, nache so'ot da qaica ca hueta'a namaye, nache ỹataqta imauec qome da toolec ñaqa'en. Nache 'enauac nam nateuga yemaye, ỹataqta huo'o qome da lcolanaxa, qom ila'a da nhuaxanaguec maye talec yemaye.

Jeremías 49:13

Aỹem Nataxala', maiche san da ỹa'aqtac, 'eeta': Ye huaqta'a't nỹecpi ye Bosra, ỹe'eguelaxa da toolec qome qataq nlachiguiñi, nache naloqnaxanaxat da huo'o ca qaica 'enec qataq huetalec da qauem, qaq na laỹepi huaqta'a't nỹecpi maye ỹotta'a't naua nañalo, namayepi qome tatec da nlachiguiñi.»

1 Reyes 9:8

Qaq ana'ana atamnaxaqui nlachiguiñi qome, nache choche lapootasheguem, qaq da huo'o ca nlectot nache huo'o da la'aalaxa qome, nache denataxaatac, 'eeta': ¿Chaq ta'ainco' Ñim Nataxala' da 'eetec de'era ne'ena 'alhua, qataq aso atamnaxaqui?

Marcos 15:29

Nache nam shiỹaxauapi maye quetague' se'eso nqa'aic maye saqaỹapeque ye hueta'a Somaye, namayepi isheueetac So Jesús qataq ỹe'eetac qataq iconnaxaatac na lqaic. Nache 'eetega Somaye, 'eeta': «¡'Ah! 'Am maye qonapec da ishet da 'aulaxachigui añi no'onaxanaxaqui late'erai, qaq da 'ano'oxoosheguem, nache tres caua na'axa'te, nache qaltaq 'aumat.

Isaías 37:22

Qaq 'enaua naua la'aqtaqa Ñim Nataxala', da ỹa'axata'a da 'eetec qome ñim nta'a ye Asiria: «Na huaqta'a't nỹecpi na Sión, 'eeta'am qome aca qa'añole da 'am ỹe'eetac 'am Senaquirib. Qataq na Jerusalén iconnaxaatac qome na lqaic, qom qoca'ai namaye.

Ezequiel 12:19

Nache qonapega na shiỹaxauapi maye lma' ne'ena 'alhua qataq na Jerusalén qataq 'enauac na Israel le'ecpi, qoneta': ‹'Era da la'aqtac Ñim Nataxala': Da qollequiitac qome ca qo'oqoi qalaq qami' nlaqchiguilo da qaraquicoqoi, qataq da qanỹomiigui ca qaraquipi qalaq qami' nlaqchiguilo qome da qarcolanqai, cha'aye ne'ena 'alhua dolagui qome qataq toolec, souaxat dam qauem maye ỹo'ottac nam netalec namaye.

Ezequiel 6:14

Aỹem ñauaxaỹaxaasheguem qome na ihuaq, da sauo'o ca qanhuaxanaguiqui, qaq nache chegoqchiguiña qome ye toolec 'alhua maye pa'aigue da taguiñi, nache ivira'a ye Ribla maye pa'aigue da sheu', da she'eguelaxata qome da toolec qataq chaqaic na qana'alhuai, qataq 'enauac nam nma'pi maye qoñiitaña. Qaq huaña qome nache qauaỹachiñi, da nachaỹem maye Aỹem Nataxala'.»

Jeremías 9:11

Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

Salmos 44:14

Qataq 'auo'ot da qomi' ỹe'eeta'ape na ỹotta'a't shiỹaxauapi, nache da qomi' ilota'alo qalaq ỹayogot na lqaic da le'enaxanaxac.

Deuteronómio 29:23

Nache ỹauaachigui qome que'eca 'alhua da nda'a't da nlaqtelec na quiquiaxaraic, qataq na toue, qataq ỹataqta ỹavicta, nache saishet da qoỹanaxaalec, cha'aye qaica ca ñaxaalec camaye. Qaq nache 'eeta'am qome som huaqta'a't nỹecpi ye Sodoma, Gomorra, Admá qataq ye Seboim maye ilaxachigui co'ollaxa Ñim Nataxala', irolec da ỹataqta lta'araic layeloxo.

Deuteronómio 28:59

nache Ñimaye 'am talec naqa'en qataq ca 'am chegoxoguetpi ca napiina, qataq cam qauem nalolaxa maye qaica ca lata'.

Levítico 26:43

yem 'alhua maye taỹa'a da qoquiỹa'ai qome, da yaqto' ỹataqta nmatec, nachichiigui da qami' saishet da qoñiỹalec. Qalaxaye qauaỹachiñiita qome da qami' huo'o da qanpe'enaxaqui, souaxat da sa qaualaqailec na ỹamaxasoxonaxacpi qataq na iqataxacpi.

Levítico 26:32

Nache ỹataqta 'enauac ñelaxatchiguiñi qome ca qana'alhuai, nache ca qampa'aguenaxauaipi maye anac da nalec camaye, ỹataqta huo'o qome da la'aalaxa.

Salmos 109:25

Nache namayepi aỹem ne'eetapigui, qataq da aỹem ila'a qalaq iconnaxaatac na lqaic.

Jeremías 42:18

Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': ‹Cha'aye dam 'eetec co'ollaq 'eroigui da inogoxonaxac qataq da ỹalemataic da sataỹa'aguet nam lma' ye Jerusalén, qaq nache 'eetec qome da 'eroigui da ỹalemataic da qami' sataỹa'agueta qom qanqo'oñiỹa ye Egipto. Nache qami' naloqnaxanaqa'ate qome dam qauem, qataq cam ỹo'ot ca ncolanaxa, qaq nache saishet qome da ỹe'eguelaxa da qaltaq qauloỹa'a ne'ena 'alhua.›

Jeremías 44:12

Aỹem so'ot qome da na lca'alaxaicpi ye Judá, maye lhuennataxac da taỹa ye Egipto da nalec, namayepi huaña qome yemaye da 'enauac da qailaxachigui. 'Enauac qome da qailaxachigui na ñaqpiolec qataq na ỹepi ileuaigui qome ca alaataxac, huo'otaq ca nqouaxa, nache nmeneguet qome da naloqnaxanaxat dam qauem, qataq ca qaica ca la'amaqchec, qataq cam ỹo'ot da ncolanaxa da qailota'a.

Jeremías 48:27

'Am Moab, ¿peta'a saq 'avi'iitac naxa na le'ecpi Israel, qataq da 'autaqtega qalaq ỹataqta sa 'auaỹamaxatapec, 'eeta'am 'anqa'en ca cachaxaic?

Jeremías 49:17

Qom qailaxachigui ye Edóm, nache ỹataqta lta'araic da ncolanaxa, qaq 'enauac cam nlectot qome yemaye nache ỹataqta ỹe'elaq qom ila'a da nhuaxanaguec yemaye,

Lamentaciones 1:12

¡Qami' maye qoquiitague' na nqa'aic, ña qavia'axañeeguet da qarqueuoxoqui nache qauenntaxañeelec, da huo'otaq huo'o ca qui'ic da 'eeta'am dam ñequi'ic, maye ỹauo'o da ỹataqta lta'araic ñeque'eenaxac! ¡Ñim Nataxala' co'ollaq 'eroigui da nnogoxonaxac nache aỹem namaxa de'era ñeque'eenaxac!

Ezequiel 27:36

Na nmenaxaicpi maye lma' na laỹepi 'alhuapi, qalaq ñi'i co'ollaq 'am ỹauaachigui. 'Am mashe 'avira ye 'oga't nache saishet da qaltaq 'am yo'oq.»

Ezequiel 36:3

Qaq ỹoqo'oye 'aua'axata'a qome dam talec yemayepi, qoneta': Da la'aqtac Ñim Nataxala', 'eeta': Chegoqteugalo nam qami' iloquiaxa'n, qataq qami' ilaxachiguilo, qataq 'enauac na chegaqauec shiỹaxauapi, da qami' loxonqa, qataq na shiỹaxauapi qami' ỹe'e'n, qataq qami' deqaigalo.

2 Crónicas 29:8

Qaq ỹoqo'oye Ñim Nataxala', dalemataỹa so lma' ye Judá, qataq ye Jerusalén, nache talec naqa'en da lchec qataq da ñi'iỹaxa qataq da ne'enaguec, dam qauauañiichigui nagui.

Jeremías 29:18

Aỹem qami' secana'ape qome qami' seroleguete ca alaataxac, nqouaxa qataq ca napiina. Nache qami' so'oteque da 'enauac na ỹotta'a't shiỹaxauapi da qami' deqaigalo da qami' ilota'alo, qataq qami' so'oteque da qami' naloqnaxanaqa'ate da qauem qataq da na'agaxa qataq cam qaiqaiga qataq ca ỹo'ot da ne'elaxa maye huetalec 'enauac nam ỹotta'a't shiỹaxauapi maye qami' selagaxaaleguete co'ollaxa.

Jeremías 51:37

nache yemaye ỹe'eguelaxa qome da lapoosheguem na coma'pi, qataq nache lma' qome ana huaxaỹaxapi, qataq qaica qome ca ishet da hueta'a yemaye, nacherata da ỹo'ot da ncolanaxa qataq da nqaigaxa.

Jeremías 51:43

Nam lalamaxat huaqta'a't nỹecpi maye ỹotta'a't naua nañalo qalaq ỹe'eguelaxa da tooleguete, nache na 'alhua ỹataqta deqaqta, qataq nlachiguiñi, nache qaica ca ishet da nalec, huo'otaq da choche nlectelec.