Jeremías 18:11 - La'aqtaqa Ñim Lo'onatac 'Enauacna 2013

¹¹ Qaq nagui 'aua'aqtaxanem na shiỹaxauapi na Judá, qataq na lma' na Jerusalén, da aỹem Nataxala', shenapega namayepi, sheeta': ‹Mashe huo'o dam llapaqtegueñi da yaqto' qami' sataỹa'agueta, Aỹem mashe iuennataxa da qami' seuaxa'n. Ñaq qoquiỹa'ai qome som qauem nqa'aic, nache qano'onaxache da qarataxaqui qataq da qaro'onataxanaxaqui.›»

Jeremías 18:11 Referans Kwoze

2 Reyes 17:13

Qataq Ñim Nataxala', mashe ime co'ollaxa da 'enapega so Israel le'ecpi, qataq so Judá le'ecpi, ỹachegoxotchigui so la'aqtaxanaxanecpi qataq som huo'oi naua l-loxoco, co'ollaq 'eeta': «Qoquiỹa'ai qome na qauem maye qauo'ocheetac, nache qaupaquiichiguilo naua ỹamaxasoxonaxaco, iqataxaco, qataq naua ỹapaxaguenataxanaxaco, maye samaxalec co'ollaxa so hua'au qarta'ailpi, maye sachegoxotchigui co'ollaxa som ỹa'aqtaxanaxanecpi maye ỹamaxashecpi.»

Jeremías 35:15

Qataq she'eguelaxattalec da qami' ñamaxalo so ỹamaxashecpi maye ỹa'aqtaxanaxanecpi, da yaqto' qami' 'enapegalo, 'eeta': Qaỹa'axañiiuec da qauem qarataxaqui qataq nam qauem maye qauo'ocheetacpi. Qataq saishet da qaca'acheetague' na ỹaqa'a atamnaxala'pi, qataq saishet da qavio'oxoyiñiitac, yaqto' nache queta da qoñeetalec na 'alhua maye qami' sanema co'ollaxa qataq so hua'au qarta'ailpi. Qalaxaye qami' saishet da Aỹem qauqocheetega, qataq saishet da Aỹem qaualaqaiguet.

Jeremías 7:3

Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi maye, 'eeta': Qano'onaxache da qarataxaqui qataq dam qaro'onataxanaxaqui, nache Aỹem qami' sa'aqta'alo qome da qoñiitalec ne'ena 'alhua.

Jeremías 25:5

Somayepi qami' 'enapegalo co'ollaxa, 'eeta': ‹Qaỹa'axañiiuec da qauem qarataxaqui qataq nam qauem maye qauo'ocheetac, yaqto' nache 'eetai' da qoñiitalec ne'ena 'alhua maye Ñim Nataxala' qami' ỹanema co'ollaxa qataq som hua'au qarta'ailpi.

Santiago 5:1

Qaq nagui aỹem qana'axaỹaxañiỹa qami' sallaxanecpi: Qanỹeñi, qataq qana'alaqaitapiguiñi, souaxat da qanque'eenaxaqui maye mashe saqaỹaloq da qami' taleguete.

Hechos 26:20

Ỹoqo'oye aỹem sa'auaxaachiguiñi da sa'axatem da na'aqtac nam netaña ye Damasco. Ime, qataq jec nam netaña ye Jerusalén qataq 'enauac nam netaña ye 'alhua Judea qataq nataqa'en nam saishet da judiopi. Shenapega da iỹaxanot Ñim Lo'onatac 'Enauacna da yaqto' ichoxoren qataq ỹalaxaguet, nache ỹo'ot cam no'on maye ỹachaxan da 'eesa da naralaxat da lhuennataxac.

Zacarías 1:3

Qaq ỹoqo'oye nagui, 'aua'aqtaxanem qome nam ỹalamaxat nhuo' le'ecpi da ỹa'aqtac, 'eeta': Aỹem qañe'eguelaqaỹa qome, nache Aỹem qami' she'eguelaxagueta. Qaq 'era da ỹa'aqtac Aỹem Nataxala'.

Miqueas 2:3

Qaq ỹoqo'oye da la'aqtac Ñim Nataxala', 'eeta': Aỹem nataqa'en mashe huo'o da llapaxañi da sataỹa'agueta qami', qami' ñamaxalo qome ca qauem maye saishet da qami' ỹetrauec, huaña nache saishet da qana'amaqchiñiitac cha'aye ỹataqta qauem qome que'eca na'a'q.

Isaías 5:5

Qaq nagui qami' sa'aqtaxanema da iuennataxac da so'otec na ỹanaxanaqa' uva lma': Ñeqat qome na lpaqtaxat yaqto' qailaxachigui, qataq samaxañi qome so lpaqtaxanaxat coma' yaqto' qaỹapetapigui.

Santiago 4:13

Aỹem qana'axaỹaxañiỹa, qami' maye qoñiỹapec naxa da qara'aqtaqui: «Na na'a'q, huo'otaq qoyo'oxoñi, ñeqo'onaxaua'a ye nỹecpi; nache souaqa'a yemaye ivittec ca 'oonolec vi'i, nache sauoqo'o na qarmenec, yaqto' ñauegaq aca late'erai qorom.»

Ezequiel 18:23

Aỹem saishet da saỹamaxaren da ileu ca qauemaic, maye nacherata da camaye naralaxat da lataxac, nache nca'alec. Qaq 'era da ỹa'aqtac Aỹem Nataxala'.

Ezequiel 13:22

Qami' qauroilec da qaratenataxanaxaqui, da qaucolanaqchichi na no'on da lataxac, dam saishet da sauotaique da so'ot co'ollaxa, qataq qaua'añaqchichi nam qauemaicpi da queto'ot dam qauem lataxac da yaqto' saishet da sanem da lca'alaxa.

Jeremías 51:11

Ñim Nataxala' huotaique da ilaxachigui ye Babilonia, nache nquetoxon na nta'alpi ye Media nache ỹanem de'era lhuennataxac. Qaq 'era da lvi' Ñim Nataxala' souaxat dam qaỹo'otec co'ollaxa aso lalamaqte atamnaxaqui. ¡Qauaỹamaxachiiñi ana checnapi! ¡Qataq qauaỹamaxachiiñi ana mpaqtaxanaqtepi!

Jeremías 36:7

Saiuena'a da ỹanem ca nachoxonnaxac Ñim Nataxala', qataq ỹaxaañi dam qauem lataxac, cha'aye da layeloxo qataq da nnogoxonaxac Ñim Nataxala' maye do'ogoxona da ỹareetalec ne'ena shiỹaxauapi, damaye ỹataqta chaqaic.»

Jeremías 36:3

Saiuena'a na Judá le'ecpi da huo'otaq ỹaỹaten 'enauac nam qauempi maye huotaique da ñamaxa namayepi, nache ishet da ỹaxanec dam qauem lataxac, nache Aỹem sechoxoren qome namayepi qataq sapalaxat nam lasouaxashetpi.»

Jeremías 26:13

Qaq ỹoqo'oye qano'onaxache da qarataxaqui qataq da qaro'onataxanaxaqui, nache qaualaqaiguet Ñim Nataxala' maye Qanatamnaxala'ai, yaqto' Ñimaye saishet qome da qami' namaxalo cam qauem maye ỹa'axatta'a.

Jeremías 26:3

Shapegueto' da ishet da 'am ỹalaxaguet da ỹaxaañi da qauem lataxac, yaqto' Aỹem saishet da sepaguelec dam seuennatega co'ollaxa da sauo'o ca nhuaxanaguec, souaxat nam qauem maye ỹo'otpi.

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Jeremías 11:19

Qaq aỹem sheeta'am ca qagueta llalec da ỹe'emaqtom da qaỹauecta'a ca nalaataqa', qaq saishet da saỹaten da huo'o dam qaỹauotaique da aỹem qaỹo'otec. Qaq namayepi, 'eeta': «Sechegaq ara qo'oipaq nache cañe' ñeqa'enaq ana ala, ñapogaxasheguem nache ñeqataxasop nam nca'altauecpi ana 'alhua, yaqto' qaica ca qaltaq iuennatega aramaye.»

Jeremías 4:23

Aỹem samatalec ana 'alhua, nache qaica ca laỹamaqa' qataq toolec. Qataq samato'ot na piguem, nache ỹataqta napalñi.

Jeremías 4:6

Qauachaxañiisheguem aca qara'anaxanaqchi qaloxonaxañiitegue da pa'aỹa'ague ye Sión, ime nache qauataiuec, saishet da huo'o ca qauacheeta'a, da qanmichiỹaique ca qaye'eguenaqa'ai. Cha'aye Aỹem sachegoxota'ague qome da sheu' da ñanacot ca ỹataqta qauem qataq cam lta'araic maye ishet da delaqtaxan.

Jeremías 3:22

Ñaq Aỹem qañe'eguelaqaỹa qami' ñalaqpi maye saqaualaqai, nache Aỹem ñataren da qarataxaqui maye saỹalaq.» «Qomi' souaqtaina'a, 'am she'eguenaqot, cha'aye nache 'am Nataxala' maye Qanatamnaxala'.

Jeremías 3:1

Ñim Nataxala', 'enapec: «Ca 'oonolec ỹale da nalate' aca lhua, qaq acamaye da mashe nalate' camaye, qaq huaroneguet ca lỹa ỹale, nache ca hua'auchiguiñi lhua, saishet da ỹe'eguelaxa acamaye. ¡Cha'aye damaye ỹo'ot da lta'araic nayeloxo cam hueta'a 'alhua! Qalaxaye 'am Israel, qalota na 'ancachetague' shiỹaxauapi, ¡qaq nagui qalaq 'auauotaique da aỹem 'añe'eguelaxa! Qaq 'era da ỹa'aqtac, Aỹem Nataxala'.

2 Reyes 22:13

Ñaq qaunache taxa Ñim Nataxala', da aỹem qauchemaqtaxañiilec, qataq nam nhuo' le'ecpi, qataq 'enauac na Judá le'ecpi, qataq nam na'aqtacpi maye huetalec ana'ana nere maye qailalec. Cha'aye Ñim Nataxala', yo'oqta da ỹataqta qomi' dalemataỹalo, souaxat da so hua'au qarta'alpi saishet da ỹalaxaguet nam na'aqtacpi maye nanettalec ana'ana nere, qataq saishet da ỹo'ot na nanettalec anamaye.

2 Reyes 5:5

Nache so nta'a ye Siria, 'enapeco': Aja', ỹaỹamaqchiguiñi, nache qojec qome, qaq aỹem sauo'o qome aca ỹere, da taỹa'a ca nta'a ye Israel. Nache so Namán, jec co'ollaxa, Nache ỹache aso treinta mil lcatpiole ana plata, qataq aso seis mil lcatpiole ana oro, qataq soua diez anogo,

Génesis 11:7

Qaq no'on da senotaxauec, nache ỹotta'a't ñaqa'enaq na la'aqtacpi, yaqto' ñi 'oonolec saishet hua'axaiguet ca lỹa.»

Isaías 57:1

Nam shiỹaxauapi maye no'on da lataxac da ileu qalaq qaica ca qochetegue', qataq na shiỹaxauapi soxoraicpi imeuo, qalaq qaica ca ỹaỹateeta da namayepi ileu souaxat na qauemsat ana 'alhua,

Jeremías 4:1

Ñim Nataxala' 'eeta' da la'aqtac: «Da 'auauotaique da 'añe'eguelaq 'am Israel, qaq iuen da nachaỹem da aỹem 'añe'eguelaxa. Da qoca'ai nam nqaigaxat 'anatamnaxala'pi qataq saishet da Ayem qoca'ai,

Jeremías 11:11

Qaq ỹoqo'oye Aỹem ñamaxa qome namayepi cam qauem nache saishet qome da huo'o ca ỹet. Qaq na'aictaxa da ỹa'alaqtagui da Aỹem iỹaxaatacot da setauan, qalaxaye saishet qome da sa'axaỹa namayepi. Qaq 'era da ỹa'aqtac, Aỹem Nataxala'.

Jeremías 25:2

Nache so na'aqtaxanaxanec Jeremías ỹa'axatem de'era na'aqtaxanaxac 'enauac so nhuo' le'ecpi ye Judá qataq som hueta'a ye Jerusalén nache, 'eeta':

Jonás 3:8

Nacherata da 'enauac na shiguiỹacpi da qaỹauo'o ca lapo', qaq na shiỹaxauapi qalaq ỹaayiñi qome caua sansatte' alogo, maye naigui da huo'o da nqui'ic, nache iỹaxanot Ñim Lo'onatac 'Enauacna, qataq ñi 'oonolec ỹaxanec qome ca qauem lataxac, qataq da layeloxo.

1 Reyes 22:23

Qaq nagui mashe 'auaỹaten da Ñim Nataxala', ỹachaiguilo naua ala'api 'enauac na 'ara'aqtaxanaxanecpi so saqcha'a tenataxanaxaic, qaq Ñimaye mashe ỹa'axat da nache qouaigui qome que'eca alaataxac da 'avireguet ca qauem.

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Jeremías 19:3

Nache qoneta': ‹Qami' nta'alpi na Judá, qataq qami' maye qoviita'a na Jerusalén, qana'axaỹaxañiỹa de'era la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': Aỹem ñamaxa qome ca ỹataqta lta'araic lchec ne'ena nma', qaq 'enauac qome cam hua'axaỹa da qaỹa'axat camaye, nache dauaxanguilo naua ltela lauaco.

Jeremías 19:15

«Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'enapec: ‹Aỹem ñamaxa qome ne'ena huaqta'a't nỹecpi, qataq 'enauac nam netalec ne'ena 'alhua, cam nhuaxanaguec maye sa'axatta'a co'ollaxa, cha'aye namayepi ỹacona da qaramchigui da yaqto' saỹalaxagueta naua ỹa'aqtaqa.›»