Jeremías 17:8 - La'aqtaqa Ñim Lo'onatac 'Enauacna 2013

⁸ Qaq camaye, 'eeta'am qome aca qo'oipaq maye neto'ot na loigue ca tala, maye naua lpa'aye qalaq iviraugalo ca la'auaxac, qaq saishet da ñe'etac da nvi' naua nta'api, cha'aye ana lcouepi nache 'eetai' da ỹataqta napal. Da ivita da deqaqa ana 'alhua qalaq saishet da leetapigui ye lauel qataq saishet da vi'iiguet da alaỹaxac.

Jeremías 17:8 Referans Kwoze

Salmos 1:3

Qaq camaye 'eeta'am aca qo'oipaq maye ñaxattalec na loigue ca tala, da ipacchiguilo naua laloqo'ote da huo'o ana ala, qataq saishet da deqaqa ana laue. ¡Nache 'enauac na ỹo'otpi camaye ỹataqta ỹaỹamaqchiguiñi!

Isaías 58:11

Qaq Aỹem, nache shecto'ot qome da 'am selotague', qataq qalota ñaqa'en na 'oq qom qoueta'a ye toolec 'alhua, qataq sanem da la'añaxac da 'aro'ocỹaxac, nache qoneta'am ca nanaxanaqa' maye qaicottalec, qataq qoneta'am aca mpa'axaatasheguem 'etaxat laỹe' maye saimeuo na 'etaxat.

Ezequiel 47:12

Qaq naua dos loiguiye so tala qalaq ñaxaalec qome ana ỹotta'a't qo'oipaqpi maye huo'o ana ala. Qaq ana laue qalaq saishet qome da naañi, qataq saishet da vi'iiguet ana ala. Qataq nacheye ye 'oonolec ca'agoxoic da huo'o ana ala, cha'aye icottalec qome na 'etaxat maye chegoqtegueua'a añi atamnaxaqui. Qaq ana ala qalaq ishet qome da qanallec, qaq ana laue qalaq natannaxanaqte.

Da na'aqtaguec so Job 8:16

Cha'aye namayepi 'eeta'am ana qo'oipaq darala da hueta'aguet na le'eraxa añi nala', nache nquictauec ana llaxataxapi da ñaxaalec ca nañiguishe lma',

Da na'aqtaguec so Job 29:19

Aỹem sheeta'am ana qo'oipaq da neto'ot na loigue na 'etaxat, qataq ana lcouepi anamaye tatapeguelec na sheue ye pe.

Proverbios 11:28

Qaq ca pe'etega da maiche lsallaxa qalaq naañi 'eeta'am ana deqaqta laue ana qo'oipaq. Qaq ca no'on da lataxac qalaq ñaxatec 'eeta'am ana lcoue ana qo'oipaq.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Jeremías 39:18

Aỹem 'am ñeca'alaxateeguesop qome da 'analaataguec. Nache 'am 'aushet qome da 'ananeltaxan, cha'aye Aỹem 'aupi'iỹa'a. Qaq 'era da ỹa'aqtac Aỹem Nataxala'.»

Ezequiel 31:3

'Am qoneta'am ana ciprés huo'otaq ana cedro maye naña ye Líbano, maye no'on ana lcouepi maye ipelteetalec ye aviaq qataq ỹataqta logorai nache iviro'ot na lo'oc na piguem.