Jeremías 17:6 - La'aqtaqa Ñim Lo'onatac 'Enauacna 2013

⁶ Qaq camaye, 'eeta'am aca qo'oipaqole ỹaxataxarai maye huetalec ca toolec 'alhua, da saỹauano' da qailo'ogue, qataq ñaxattaigui na coma', qataq na 'alhua maye 'euaxaic maye qaica ca netalec.

Jeremías 17:6 Referans Kwoze

Da na'aqtaguec so Job 20:17

Nache saishet qome da nque'etaxaachigui da chec, na huaca lche' qataq na te'esaq lli'i, maye sa qoue 'eeta'am na la'auaxac.

Salmos 1:4

Qaq na qauemaicpi qalaq saishet da nache 'eetec de'era, cha'aye namayepi 'eeta'am na 'auaqpi deqaqta da ỹaỹoxonaqchet na la'at.

Deuteronómio 29:23

Nache ỹauaachigui qome que'eca 'alhua da nda'a't da nlaqtelec na quiquiaxaraic, qataq na toue, qataq ỹataqta ỹavicta, nache saishet da qoỹanaxaalec, cha'aye qaica ca ñaxaalec camaye. Qaq nache 'eeta'am qome som huaqta'a't nỹecpi ye Sodoma, Gomorra, Admá qataq ye Seboim maye ilaxachigui co'ollaxa Ñim Nataxala', irolec da ỹataqta lta'araic layeloxo.

Jeremías 48:6

¡Ñaq qauataiuec qome! ¡Maicheye cam ishet da nca'alec! ¡Qaue'enaxache aca qo'oipaqole huo'o ana le netalec ca toolec 'alhua!

Da na'aqtaguec so Job 39:6

Qaq aỹem maye sanalec namaye na toolec 'alhua da yaqto' lma', qataq ye nalochiguiñi 'alhua maye huo'o na toue.

Sofonías 2:9

Qaq Aỹem maye ñeca'altauec, 'enapec Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi; na Moab le'ecpi 'eeta'am qome ye Sodoma, qaq nam llalaqpi so Amón qalaq 'eeta'am qome ye Gomorra, nache yemaye ñaxaalec qome ana huoue le'enaxat poqo, qataq hualec qome na toue, qataq yemaye nache 'eetai' qome da toolec. Qaq cam no'onañi qome nam ỹalamaxat nhuo' le'ecpi, deuotaxanec qome yemaye, qataq nache nalec qome yi'iye 'alhua.»

Jueces 9:45

Qaq nache imauec se'eso na'a'q da so Abimelec iloquiaxaatac so lma' ye Siquén, ivitta'a da 'enauac ỹalauat, qataq ilaxachigui se'eso huaqta'a't nỹecpi. Ime, nache ỹasaxalec so toue.

Ezequiel 47:11

Qalaxaye na qa'aimpi qataq na lacalecpi, qalaq saishet qome da ama na 'etaxat, nacherata da ñi'iua na 'etaxat, qataq taiguet da qaỹachegoxotangui na toue.

Isaías 1:30

Nache qoñeeta'am qome aca encina maye deqaqa ana laue, qataq qoñeeta'am ca nanaxanaqa' da saq talec ca 'etaxat.

Salmos 92:7

Qaq na'aictoxo' da 'eeta'am na 'auaqpi da ñaxat na qauemaicpi, qataq da ñaxatec 'enauac na 'etaxaloxoicpi, qalaxaye namayepi taỹa'a da qailaxachigui.

2 Reyes 7:2

Nache so ltaua so nta'a, ỹasategueto' so la'aqtaxanaxanec Ñim Lo'onatac 'Enauacna, 'eeta': Qaq na'aictaxa taxa da Ñim Nataxala' ỹauatoigui ca lasom na piguem, qaq nache 'ena'am saishet da huo'o de'era qonapec. Nache so Eliseo, 'enapeco': 'Am, 'auauaachigui qome de'era, qalaxaye saishet da 'avira'a da qollec.

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

Jeremías 29:32

Qaq Aỹem Nataxala', shenapec, sauo'o qome ca nhuaxanaguec ñi Semaías, qataq cam chegoxoguetpi ñimaye. Ñimaye qaica qome ca llalaqpi da ỹalectaigui nam ỹalamaxat nhuo' le'ecpi, qataq saishet qome da ỹaconeguet ca namaicỹaxac maye so'otec qome nam ỹalamaxat nhuo' le'ecpi, cha'aye naua la'aqtaqa ñimaye ỹaueegueta da Aỹem dataỹa'aguet. Qaq 'era da ỹa'aqtac Aỹem Nataxala' 'era da ỹa'aqtac.»