Jeremías 17:5 - La'aqtaqa Ñim Lo'onatac 'Enauacna 2013

⁵ Ñim Nataxala', 'eeta': «Ỹataqta qauem da talec cam ỹaxanec da lquiyaqteỹaxac aỹem, ime nache ỹaalec da naquitaxac na ỹalleppi qataq nache ipa'axaatacot ca ntaunaguec namayepi.

Jeremías 17:5 Referans Kwoze

Isaías 2:22

Qaỹa'axañiiñi qome da qaua'amaqchiñiitac cam shiỹaxaua maye qaica ca naigui, cha'aye da nachaalataxac cam shiỹaxaua 'eeta'am da 'oonolec da qanaue'c naua na'a'che.

2 Crónicas 32:8

Namaye nteetacot da la'añaxac nam ỹalleppi, qomi' qalaxaye ñetenaqtacot Ñim Nataxala' maye Qanatamnaxala', Ñim qomi' itaua'n da seloquiaxai' namayepi.» Qaq co'ollaq qaỹa'axaỹa da la'aqtac so nta'a Ezequías, nache so shiỹaxauapi nomteguet da la'añaxac.

Isaías 36:6

¡Aỹem sela'a da 'ape'etega ye Egipto da 'am itauan! Qalaxaye ye Egipto 'eeta'am aca coqta poxoỹaxai da huo'o ca ỹashel-lec, nache icolaxat qataq ỹapacaviigui na lhuaq. Qaq 'era da lataxac ñim Faraón, maye nta'a ye Egipto, da ique'emaqchet 'enauac nam pe'etega ñimaye.

Salmos 62:9

Qaq ỹataqta 'eesa da ca shiỹaxaua qaica ca naigui, ca choxoraq qataq ca sallaxanec da qaỹacherangui, aca naloqnaxanaxaqui da qanaloqte'n, nache qaica ca lsallaqa'.

Salmos 18:21

cha'aye aỹem ỹataqta shectegue da nqa'aicỹaxac Ñim Nataxala', qataq saỹauanago' da sheca'ai Ñim Lo'onatac 'Enauacna.

Ezequiel 6:9

Nache ca lca'alaxaicpi iuennate qome Aỹem da ỹalectaigui que'eca ỹotta'a't shiỹaxauapi, iuennate qome da 'eetec da so'ot da nque'eenaxac souaxat da Aỹem sa ỹalaxaguet qataq souaxat da Aỹem ca'ai da yaqto' ỹo'oxoren na nqolacpi. Namayepi deqaiga qome da maiche lataxac, souaxat nam qauem maye ỹo'otpi, qataq 'enauac nam qaiqaiga maye ỹo'ot co'ollaxa namayepi.

Oseas 1:2

Qaq 'ena na chegoqchiguiña da la'aqtac Ñim Nataxala' maye chegoqchigui naqa'en so Oseas, 'eeta': «'Aue qojec, nache 'auaroneguet qome aca 'alo quisheguetaxai, nache huo'oi qome caua 'aỹa'alqa, qaq caamaye nache chegaqaiguilo qome da quisheguetaxac, cha'aye nam netalecpi ne'ena 'alhua Israel ỹataqta nquisheshigui da la'amqaanataxanaxac, nache namayepi ỹataqta ca'ai Ñim Nataxala'.»

Isaías 59:15

Mashe qaica ca huetaña da 'eesa lataxac, qaq cam ca'ai da qauem qalaq qaicachiỹa cam hueto'ot lalamaxat. Qaq Ñim Nataxala' ỹataqta saỹaỹamaxaren co'ollaq ila'a da qaica dam nalochiguiñi lataxac.

2 Crónicas 16:12

Qaq co'ollaq mashe ivi' treinta y nueve vi'iye da lo'onataxanaxac so Asa, nache tatoiguilo naua lchel da lhuetaxanaxa, qaq na'aictaxa co'ollaxa da ỹataqta lta'araic de'era lhuetaxanaxa, qalaxaye saishet da nmitaique Ñim Nataxala', nacherata da nqarena som datannataxaatacpi.

Isaías 20:5

Qaq nam shiỹaxauapi nlaxagui qome da lli'iỹaxa qataq da lcoxo souaxat ye Etiopía maye naquittalec co'ollaxa, qataq ye Egipto maye llo'oxonnatac co'ollaxa.

Jeremías 11:3

nache 'aua'aqtaxanem da Aỹem Nataxala' maye Natamnaxala' na Israel le'ecpi, sa'axatta da talec qome ca qauem cam shiỹaxaua maye sa ỹalaxagueta naua na'aqtaqa maye chegaqaiguilo de'era aỹamaxataxac.