Jeremías 17:3 - La'aqtaqa Ñim Lo'onatac 'Enauacna 2013

³ qataq ana qasoxonaxapi maye huetalec na no'onaxa. Qaq souaxat na 'arasouaxashetpi, nache so'ot qome da qaicachiỹa da 'arsallaxa qataq na no'on 'ogoxotpi qataq qaỹacona nam hueta'a anam qaỹoqotcheguemecpi 'alhuapi maye saq qaishetapec maye hueta'a 'enauac yem 'ana'alhua.

Jeremías 17:3 Referans Kwoze

Jeremías 15:13

Qaq souaxat nam 'arasouaxashetpi, 'am Israel, nache 'am saneguet qome na 'ampa'aguenaxauapi, qataq da 'arsallaxa qataq nam 'ogoxoshetpi qataq 'enauac na hueta'a na 'ana'alhua, da yaqto' choche qaỹacoolec da qaỹache.

Jeremías 26:18

«So na'a'q maye huetoigui da lo'onataxanaxac so Ezequías, maye nta'a na Judá, nache so Miqueas maye lma' ye Moreset ỹachegoxotchigui da le'enaxat Ñim Nataxala' da da'aqtaxanem 'enauac na nhuo' le'ecpi na Judá, 'eeta': ‹Ñim Nataxala' maye Qaica ca Ỹaqalanapec, 'eeta': Na Sión ỹe'eguelaxa qome da 'eeta'am ca 'alhua maye qana'ayesheguem, na Jerusalén qalaq qailaxachigui qome nache lapoosheguem qaq yem qaỹoqotcheguec 'alhua maye netaña añi atamnaxaqui qalaq ndotec qome na nloche ñaxaalec.›

2 Reyes 24:13

Qaq ime co'ollaxa, nache so Nabucodonosor ỹacona 'enauac so nogoxoshetpi maye huetaigui aso atamnaxaqui maye lalamaqte Ñim Nataxala', qataq so netaiguipi so nma' lta'araic maye lo'onataxanaqa' so nta'a. Qaq nache ipacchigui da la'aqtac co'ollaxa Ñim Nataxala', da somaye ilaxachigui 'enauac som nogoxoshetpi oro, maye lo'onatacpi co'ollaxa so Salomón, maye nta'a ye Israel, da yaqto' ỹanaigui aso atamnaxaqui maye lalamaqte Ñim Nataxala'.

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

Ezequiel 16:39

Qataq 'am saneguet da lhuaqỹaxac namayepi, da yaqto' nlaxaañi nam huaña naxa da 'anquishestague' namayepi, qataq nam huaña naxa da 'avio'oxoreetac na nqolacpi. Nache namayepi naỹoqnec qome ana 'arpoto, qataq ana 'onaxai 'ano'otaqtepi, nache ỹataqta imauec da qouetauec naqa'en.

Ezequiel 6:3

qoneta': Ñaq qana'axaỹaxañiỹa da la'aqtac Ñim Nataxala' qami' qasoxonaxapi na Israel, qami' lcomaraxalatepi, qami' talapi qataq qami' ca'ameguepi, Aỹem qami' ñamaxalo qome ca alaataxac, da yaqto' ilaxachigui nam qaỹoqotcheguemec atamnaqa'pi maye huaña da qaỹo'oxoren na ỹaqa'a atamnaxala'pi.

Lamentaciones 1:10

Nam depa'aguenataxaatacpi qalaq ỹauo'o lalamaxat da lsallaxa ye Jerusalén. Qaq yemaye ỹauaachigui co'ollaxa nam chegaqauec shiỹaxauapi da inoxonoigui aso atamnaxaqui, nam shiỹaxauapi maye saishet da 'auashenem co'ollaxa da inoxonoigui asom 'aralamaqte naponaxaqui.

Jeremías 12:12

Qaq 'enauac ana lcomaraxalatepi yem toolec 'alhua, da naỹa da nalec na qauemaicpi shiỹaxauapi, qalaxaye Aỹem Nataxala', huo'o na ỹainec maye ivira'alo qome naua loga'te ana 'alhua da ilaxachigui, qaq huaña nache qaica qome ca hueto'ot ca nlagaxayec.

Isaías 27:9

Qalaxaye ỹapalaxat qome na lasouaxashetpi so Jacob, qaq da lataxac da ỹapalaxat na lasouaxashetpi, damaye 'eeta': Iuen da ilaxachigui iviraxata'a da nda'a't naqa'en na lsoche ana saq'en lca'atoxonaxalatepi, 'eeta'am da qailaxachigui na coma' nache nda'a't lsoche, qataq saishet da huo'o aca no'onañi naqa'en anam huetalec na lqui'ipi aso Asera, qataq anam nca'atoxonaxalatepi da qaỹavigaxat na nchenaxanaxat da qaỹo'oxoren nam atamnaxala'pi.

Levítico 26:30

Qataq Aỹem selaxachigui ca qanatamnaqa'aipi maye netaña ca ne'enaqtacpi, qataq dolagui ñaqa'en aca lca'atoxolate ca nchenaxanaxat ama na laita, qaq da qaro'ocỹaxaqui maye mashe leuaxaic, nache llapoolec qome ca ne'enaqtacpi maye qanatamnaxala'aipi, cha'aye ỹataqta qami' saỹemeque.

Salmos 78:58

Qataq inogoqchet Ñimaye, souaxat ana lca'atoxonaxalate na ỹotta'a't shiỹaxauapi, da natameetacot na ỹaqa'a atamnaxala'pi, nache ỹo'otteua'a da dalemata Ñimaye.

Jeremías 20:5

Qataq nataqa'en sanem nam mpa'aguenaxauapi, 'enauac da nsallaxa maye hueta'a ne'ena huaqta'a't nỹecpi, qataq 'enauac nam lalamaxatpi qataq na nogoxoshetpi maye lta'araic da lashiichiỹaxac, qataq 'enauac nam laỹamaqtacpi na nta'alpi na Judá, da yaqto' iro'ogue da Babilonia.

Sofonías 1:13

Qaq ỹoqo'oye, qaiuotaxanec qome na lalamaxatpi, qataq qailaxachigui na lma'pi. No'oxoosheguem qome na lma'pi, qalaxaye saishet da naigui, qataq ỹo'ot ana lañiguishe uva, qalaxaye saishet da nỹomigui na lataxa, maye chegaqaigui anamaye.»

Jeremías 21:13

Aỹem 'am sataỹa'aguet 'am Jerusalén, 'am maye 'amattalec na ca'amegue qataq qoneta'am ca coma' maye netalec na nalochiguiñi 'alhua. Qaq 'era da ỹa'aqtac, Aỹem Nataxala'. Qami' maye qoñeeta' naxa: ¿Negue't ca ishet da qomi' iloquiaxa'n? ¿Negue't cam ishet da nvira'a nam qanqañoxotaqa'?

Ezequiel 23:46

Qaq 'era da la'aqtac Ñim Nataxala': «Ñaq laỹona't qome na nhuo' le'ecpi da dataỹa'agueta soomaye, qataq ỹo'otec da lcolanaxa qataq decachiỹoto,