Jeremías 17:25 - La'aqtaqa Ñim Lo'onatac 'Enauacna 2013

²⁵ Qaq da qoñiitec de'era, qalaq nache 'eetai' qome da huo'o ca nta'alpi da nso'ongui añi nso'onaxaqui so David, qataq da tatoigui ne'ena lasompi ne'ena huaqta'a't nỹecpi, huota'a ana naigonapi, qataq na caipi, nnaictague' na lataxala'pi, qataq na shiỹaxauapi lma' ye Judá, qataq ye Jerusalén. Qaq ye Jerusalén nache 'eetai' qome da huo'o na hueta'a shiỹaxauapi.

Jeremías 17:25 Referans Kwoze

Jeremías 22:4

Qaq da qauo'oche de'era maye qami' samaxaleguete, nache queta qome da huo'o ca nta'alpi da nso'ongui añi nso'onaxaqui so David, nache camayepi ỹauota'a qome ana nnaigonapi qataq na caipi da tateua'a na lasompi ne'ena nma' lta'araic, nnaictague' na ltauapi qataq na nhuo' le'ecpi.

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Hebreos 12:22

Qami' qalaxaye mashe qanquiquiiua'a añi saqaỹoqotcheguemec 'alhua maye le'enaxat da Sión, añim netalec ye nỹecpi maye lalamaxat Ñim Lo'onatac 'Enauacna maye nache 'eetai' da nca'altauec. Yi'iye nỹecpi nacheye ye Jerusalén maye neta'ague da piguem, yem hueta'a nam ỹataqta qalota namaxashec piguem le'ecpi da ỹo'oxoreetac Ñim Lo'onatac 'Enauacna,

Jeremías 33:21

Qaq nache 'eetec nataqa'en, da saishet da saipaigui dam ñaỹamaxataxac maye so'ot co'ollaq ñaỹamaxate' so ỹamaxashec David, qataq nam chegoxoguetpi qaica ca sa nso'ongui añi nso'onaxaqui somaye, huo'otaq da saipaigui da ñaỹamaxataxac co'ollaq ñaỹamaxate' nam ỹo'onataxanaxanecpi ntaxaỹaxanaxanecpi maye chegoxoguetpi so Leví.

Jeremías 33:17

Aỹem Nataxala', shenapec: nam chegoxoguetpi so David, qaica qome ca sa nso'ongui añi nso'onaxaqui somaye,

Jeremías 33:15

Qom ivita que'eca laloxoqui, qataq que'eca na'a'q, nache so'ot qome da so David huo'o ca chegoxoguet maye ỹataqta lalamaxat llalec, camaye nacheca qome ca lapaxañi da nalochiguiñi, qataq da ỹataqta no'on lataxac ne'ena 'alhua.

2 Samuel 7:16

Na 'aỹa'alaqpi, qataq da 'aro'onataxanaxac da 'am nta'a, damaye nache 'eetai' qome. Qataq aca 'anso'onaxaqui da 'am nta'a, qaica ca iraxanapigui'.›»

Jeremías 22:30

Ñim Nataxala', 'enapec: «Qa'eyeeua'a qome da le'enaxat ne'ena ỹale aca naneraxalate na shiỹaxauapi, da 'eeta'am ca ỹale maye qaica ca llalaqpi, 'eeta'am ca ỹale maye huo'o da lletaxanaxac da nachaalataxac. Cha'aye cam chegoxoguetpi qome namaye, saishet da huo'o ca nso'ongui añi nso'onaxaqui so David da yaqto' qaltaq ilo'ogue na Judá.»

Jeremías 13:13

Qaq 'am 'auasateguet qome namayepi, qoneta': ‹Ñim Nataxala', 'enapec: Aỹem so'otec qome da taxaicpi 'enauac nam hueta'a ne'ena 'alhua, nam nta'alpi maye nso'ootangui añi nso'onaxaqui so David, qataq na ntaxaỹaxanaxanecpi, na na'aqtaxanaxanecpi qataq 'enauac nam hueta'a ye Jerusalén.

2 Samuel 8:4

Nache so David, loxonec co'ollaxa so mil setecientos alleppi maye netalec so caipi, qataq veinte mil so petañepi, qataq ỹacagaxat co'ollaxa na lapia'pi so caipi maye ỹauecta'aguet aso alaataxaquipi laigonapi, qalaxaye qalota so no'onaxatañipi da yaqto' ỹaueca'aguet aso cien laigonapi.

1 Samuel 8:11

Nache 'enapega somayepi, 'eeta': «'Era qome da qami' ỹo'oteque ca nta'a maye qami' ilo'oguelo, camaye laỹona't qome ca qaỹa'alquipi, nache huo'o ca ipataxaguet aca naigonapi maye alaataxaquipi, qataq huo'o ca ipataxaguet da nelec ca caipi qataq huo'o ca ỹanagui da nhuataxauapi.

Deuteronómio 17:16

Qataq que'eca nta'a saishet qome da qalota ca lalo caipi, qataq saishet da ỹamaxa ye Egipto ca shiỹaxauapi da yaqto' nquiguec ca lalo caipi, cha'aye Ñim Nataxala' qami' 'enapegalo co'ollaxa, 'eeta': ‹Saishet qome da qaltaq qavi'iguelaqaigue ne'ena qoyiqui›

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Jeremías 22:2

qom 'auatato'ot ñi nta'a ye Judá maye nso'ootangui añi nso'onaxaqui so David qataq nam 'amaqtaqaicpi ltauapi qataq shiỹaxauapi maye hueta'a ye huaqta'a't nỹecpi, nache qoneta': ‹Ña qana'axaỹaxañiỹa da la'aqtac Ñim Nataxala'.

Jeremías 25:5

Somayepi qami' 'enapegalo co'ollaxa, 'eeta': ‹Qaỹa'axañiiuec da qauem qarataxaqui qataq nam qauem maye qauo'ocheetac, yaqto' nache 'eetai' da qoñiitalec ne'ena 'alhua maye Ñim Nataxala' qami' ỹanema co'ollaxa qataq som hua'au qarta'ailpi.

Jeremías 7:3

Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi maye, 'eeta': Qano'onaxache da qarataxaqui qataq dam qaro'onataxanaxaqui, nache Aỹem qami' sa'aqta'alo qome da qoñiitalec ne'ena 'alhua.

Jeremías 7:7

qaq huaña nache, Aỹem qami' sa'aqta'alo da qoñiitalec ne'ena 'alhua, nam 'alhua maye sanem co'ollaxa som hua'au qarta'ailpi da yaqto' nache 'eetai' da lalamaxat.