Jeremías 17:23 - La'aqtaqa Ñim Lo'onatac 'Enauacna 2013

²³ Qalaxaye somayepi saishet co'ollaxa da Aỹem qocha'a qataq saishet da Aỹem ỹalaxaguet, nacherata da queto'ot da sana'axaỹaxan, qataq saishet da ỹalaq da qanqanaxattac.

Jeremías 17:23 Referans Kwoze

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

Jeremías 19:15

«Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'enapec: ‹Aỹem ñamaxa qome ne'ena huaqta'a't nỹecpi, qataq 'enauac nam netalec ne'ena 'alhua, cam nhuaxanaguec maye sa'axatta'a co'ollaxa, cha'aye namayepi ỹacona da qaramchigui da yaqto' saỹalaxagueta naua ỹa'aqtaqa.›»

Jeremías 11:10

Nache ỹe'eguelaxa da ỹo'ot nam nasouaxashetpi maye ỹo'ot co'ollaxa som hua'au lta'alpi, som saishet co'ollaxa da aỹem ỹalaxaguet, nacherata da quegue nam ỹaqa'a atamnaxala'pi nache ỹo'oxoreetac. Qaq yem Israel qataq ye Judá saipaguelec dam ñaỹamaxataxac maye so'ot co'ollaq ñaỹamaxate' som hua'au lta'alpi.

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Sofonías 3:7

Nache da iuennataxac, 'eeta': ‹Da sheetec de'era nache ye Jerusalén Aỹem ñi'iỹa qome, nache ỹaconeguet qome da sapaxaguen; yaqto' saishet da dolagui na lma'pi, cha'aye souaxat da Aỹem sauo'o da nhuaxanaguec.› Qalaxaye namayepi ỹataqta iỹala'a co'ollaxa da ỹo'ot na ỹotta'a't qauemsat.

Ezequiel 20:21

Qalaxaye nataqa'en som llalaqpi somayepi Aỹem saỹalaxaguet co'ollaxa. Saishet da ỹalaxaguet na iqataxacpi, qataq saishet da ipaguelec, qataq saishet da ỹo'ot na ỹamaxasoxonaxacpi, maye ỹo'ot da lca'alaxa cam ỹo'ot namayepi, qataq ishepaxanaqchet ye na'a'q mataxaqui maye ỹalamaxat. Qaq huaña nache huo'o da iuennataxac da sematalec da ỹayeloxo somayepi, qataq da ñematchiguiñi da huaña ye toolec 'alhua, da yaqto' vi'iiguet da ỹayeloxo,

Jeremías 32:33

Aỹem iro'oguet na l-laq, nache saishet da Aỹem datateguet. Qaq na'aictaxa da saishet da saxanec da sapaxagueetac, namayepi saishet da Aỹem ỹalaxaguet qataq saishet da ỹaconeguet da ihuogoqtaxanaxac.

Isaías 48:4

Qaq Aỹem ye saỹaten da ỹataqta qaramchigui na 'arqaic, ỹataqta 'am qaramta qoneta'am ca lcat qataq na 'aratap 'eeta'am ca lcat bronce,

Ezequiel 20:16

cha'aye saỹaconeguet co'ollaxa na ỹamaxasoxonaxacpi, qataq saishet da ỹalaxaguet na iqataxacpi, qataq ishepaxanaqchet ye na'a'q mataxaqui maye ỹalamaxat, cha'aye da lquiyaqteỹaxac ca'attague' nam lqolacpi.

Ezequiel 20:13

Qalaxaye namayepi Aỹem dataỹa'aguet co'ollaq huaña ye toolec 'alhua, nache sa ỹalaxaguet na iqataxacpi, qataq saỹaconeguet nam ỹamaxasoxonaxacpi maye sanem co'ollaxa, da yaqto' da ipaqueelec namayepi nache huo'o da lca'alaxa, qataq ishepaxanaqchet co'ollaxa ye na'a'q mataxaqui maye ỹalamaxat. Qaq huaña co'ollaxa nache huo'o da iuennataxac da sematalec namayepi da ỹayeloxo, qataq da ñematchiguiñi da huaña ye toolec 'alhua,

Jeremías 35:15

Qataq she'eguelaxattalec da qami' ñamaxalo so ỹamaxashecpi maye ỹa'aqtaxanaxanecpi, da yaqto' qami' 'enapegalo, 'eeta': Qaỹa'axañiiuec da qauem qarataxaqui qataq nam qauem maye qauo'ocheetacpi. Qataq saishet da qaca'acheetague' na ỹaqa'a atamnaxala'pi, qataq saishet da qavio'oxoyiñiitac, yaqto' nache queta da qoñeetalec na 'alhua maye qami' sanema co'ollaxa qataq so hua'au qarta'ailpi. Qalaxaye qami' saishet da Aỹem qauqocheetega, qataq saishet da Aỹem qaualaqaiguet.

Jeremías 7:28

Qonapega namayepi, qoneta': ‹'Ena na shiỹaxauapi maye saishet da ỹalaxaguet Ñim Nataxala' maye Natamnaxala', qataq sa ỹaỹamaxaren da qaỹaỹamaxaañi da lataxac. So huesota lataxac mashe imauec da qaica saishet da huetaigui na alap.›»

Jeremías 6:8

'Anaralaxat da 'arataxac 'am Jerusalén, cha'aye da saishet da qonetec de'era, nache salemata nache 'am sheca'ai, Qataq so'ot da 'am toolec, nache qaica ñaqa'en ca netalec 'am.»

Proverbios 8:10

Ỹataqta qauacoñeeguet qome da ỹapaxaguenataxanaxac saishet da 'eeta'am qanqa'eñi ca plata, qataq na nauattonaxanaxaco saq 'ena'ama qanqa'eñi ca oro.»

Proverbios 5:12

Qaq qoneta' qome: «¡Che'eeto' co'ollaxa da sa saconeguet so nhuogoqtaxanaxac! Qataq ¡che'eeto' co'ollaxa da sa saconegueta naua ñeviraqtagueeco!

Proverbios 1:5

Ca ỹaanaxanaxaic da na'axaỹaxanalo naamaye nache nquictec da laỹaanec, qataq ca ỹaanataxanaxaic, nquictec da laỹaanataxanaxac,

Proverbios 1:3

yaqto' qaỹaconeguet da napaxaguenataxanaxac, naỹaanataxanaxac, no'on nataxac, no'oitegue nataxac, qataq da nalochiguiñi ñecỹaxac,

Salmos 50:17

Ye 'am sa 'auaỹamaxaren da 'am sachaxana ca 'arsomaxac qataq qaica ca 'aỹa'anaiguilo naua ỹa'aqtaqa.

Jueces 6:10

Qataq Aỹem, qami' sa'aqtaxanema co'ollaxa da Aỹem, nachaỹem Nataxala' maye Qanatamnaxala'ai, qataq da saishet da qayi'iitega so natamnaxala'pi so amorreopi, maye na'alhua co'ollaxa ne'ena qoñiitalec nagui, qalaxaye saishet co'ollaxa da Aỹem qaualaqaiguet.›»

Jeremías 5:3

'Am Nataxala', 'Am 'anmittaique cam shiỹaxaua maye huesota da lataxac. 'Auauo'o co'ollaxa da nhuaxanaguec namayepi, qalaxaye saishet da iuet, qataq 'auachoxoren co'ollaxa, qalaxaye saỹaỹamaxaren da qaỹapaxaguen. Namayepi ỹataqta qaramchigui, napacalec ca coma', nache saishet da 'Am ỹe'eguelaxa.