Jeremías 17:22 - La'aqtaqa Ñim Lo'onatac 'Enauacna 2013

²² Qataq saishet da qauachegoxochiỹaigui ca qarmaye da qanqachiiuec ca qaya'aqui ye na'a'q mataxaqui, qataq saishet da huetoigui qanqa'eñi yemaye da qauo'oche ca qaro'onataqui. Qauỹochiỹauga qome da ỹalamaxat ye na'a'q mataxaqui, ipacchigui qome dam samaxalec co'ollaxa so hua'au qarta'ailpi.

Jeremías 17:22 Referans Kwoze

Ezequiel 20:12

Qataq nataqa'en sanem co'ollaxa da ỹauatton ye na'a'q mataxaqui da yaqto' la'anaxat da qanaỹamaxataxac somayepi qataq Aỹem, qataq yaqto' ỹaỹateeta da nachaỹem da seỹotauga co'ollaxa da yaqto' ỹalamaxat.

Isaías 58:13

Huo'o naq 'enec 'anqa'en ye na'a'q mataxaqui, saishet da 'aume'eguet da 'anmenaxac da huaigui ye ỹalamaxat na'a'q maye qui'itta. Yi'iye na'a'q ỹataqta laloxoqui 'anqa'en da namaicỹaxac, qataq nacheye yem qui'itta na'a'q maye lalamaxat Ñim Nataxala' qataq taiguet da ño'oxonnataxanaxac, ỹataqta huo'o naq naigui 'anqa'en, nache saishet da 'auo'ottac nam 'aro'onatacpi qataq da 'anmittaique nam 'aralamaxatpi qataq da 'auo'ottac da 'anmenaxac.

Éxodo 23:12

Da huo'o ca 'auo'ot, qalaq 'aviraxattrec 'enauaque caua seis na'axa'te, qalaxaye ca na'a'q siete, nache 'anmatec, yaqto' nataqa'en ishet da nmatec ca 'arauegaxanaxala'pi huacapi, qataq ca 'arelopi 'ashenapi, nataqa'en ca 'arlatac, qataq cam chegaqauec.

Apocalipsis 1:10

Qaq huetoigui so na'a'q maye laloxoqui da qaỹo'oxoren So Qarataxala', co'ollaq aỹem souaigui da la'añaxac So Saqcha'a Na'añaxac Qui'itta. Nache sa'axaỹa co'ollaxa so lta'araic nvilỹaxac, chemaxague na ilaq, 'eeta'am da l-lamaxa ana nasheere.

Lucas 23:56

Nache co'ollaq ỹe'eguelaxareua'a ca lma't, nache iqataxaarai' som coraxat da ỹauotaique da lcoraxat so lo'ocỹaxac So Jesús. Ime, nache nmatre'c se'eso na'a'q mataxaqui, qaipactelec da lamaxasoxonaxac so Moisés.

Lucas 6:5

Aỹem Shiỹaxaua Llalec, Aỹem maiche Aỹem chegoqtot da huo'o ca so'ot, qataq ca saishet da so'ot ye na'a'q mataxaqui.

Ezequiel 22:8

Qataq qaica ca naigui naqa'en nam ỹalamaxat atamnaqa'pi, qataq ye na'a'q mataxaqui maye ỹalamaxat.

Levítico 23:3

Qami' qauo'onataxañi qome caua seis na'axa'te, qalaxaye da ivireuga ca na'a'q siete, nache saishet qome da qauo'oche ca camachaqca no'onatac. Cha'aye que'eca na'a'q mataxaqui qauo'oche ca naponaxac da yaqto' Aỹem qavio'oxoyiñi. Nache na'aictaxa cam qoñiita'ague ana 'alhua, qalaq qauỹochiỹauga que'eca na'a'q mataxaqui, da Aỹem qavio'oxoyiñi.

Levítico 19:3

Ñi 'oonolec ỹataqta huo'o da 'enec naqa'en ca lta'a, qataq aca late'e. Qataq ỹataqta huo'o naq 'enec qanqa'eñi ye na'a'q mataxaqui, cha'aye Nachaỹem Nataxala' maye Qanatamnaxala'ai.

Nehemías 13:15

Nache se'esoua na'axa'te sauaachigui so netaña ye Judá, da huo'o so nlomtac na lli'i aso uva, qataq dachoxooteguelec so 'ashena da ndotapegueuo so laqtac so trigo qataq so lataxa, uvapi, hiigopi qataq so ỹotta'a't laỹepi da irotapegueua'a ye Jerusalén. Nache seviraxattacot souaxat da imeetac so ỹotta'a't lmenecpi se'eso na'a'q mataxaqui.

Jeremías 17:24

Qaq Aỹem Nataxala', 'eeta' da ỹa'aqtac: Ỹataqta aỹem qaualaqaiguet qome, saishet da qauachiitac ca qaya'aqui da qa'aitoigui na lasompi na huaqta'a't nỹecpi ye na'a'q mataxaqui, qauỹochiỹauga qome da ỹalamaxat ye na'a'q mataxaqui, qataq saishet da huetoigui qanqa'eñi yemaye da qauo'oche ca qaro'onataqui.

Zacarías 1:4

Qaq saishet qome, da qaue'enaxache da lataxac so hua'au qarta'ailpi, maye so hua'au na'aqtaxanaxanecpi da'aqtaxanem co'ollaxa da ỹa'aqtac, da yaqto' ỹaxanec da qauem lataxac, qataq nam qauem maye ỹo'ottacpi, qalaxaye somayepi saishet co'ollaxa da Aỹem na'axaỹaxana, qataq saishet da Aỹem ỹalaxaguet. Qaq 'era da ỹa'aqtac Aỹem Nataxala'.