Jeremías 17:21 - La'aqtaqa Ñim Lo'onatac 'Enauacna 2013

²¹ Ñim Nataxala' 'enapec: Qanchilỹañi qome da saishet da qauachiitac ca qaya'aqui ye na'a'q mataxaqui, qataq saishet da tateua'a qanqa'eñi na lasompi na Jerusalén ca qaya'aqui.

Jeremías 17:21 Referans Kwoze

Deuteronómio 11:16

Qalaxaye maxatchaxa qome, saishet da qanashiñi da qami' qaỹatenache't, qataq saishet da qoquiỹa'ai Ñim Nataxala' da yaqto' qaua'ayiỹoto naua qarllectelli' da qanatamñiỹot ca laỹepi atamnaxala'pi,

Deuteronómio 4:23

Qalaxaye maxatchaxa qome, saishet da qaucouaỹa'ai da aỹamaxataxac maye qami' ỹo'oteque Ñim Nataxala' maye Qanatamnaxala'ai. Qataq saishet da qauo'oche ca qare'enaqtaqui qanatamnaxala'ai, cha'aye Ñim Nataxala' maye Qanatamnaxala'ai qami' illapeguema co'ollaxa namaye,

Deuteronómio 4:15

Qaq se'eso na'a'q co'ollaq qami' detaqtegueto Ñim Nataxala' huetaigui so norec huaña añi qasoxonaxa Horeb, nache saishet da qauauañiichigui da lataxac. Ỹoqo'oye qanchilliỹa'a qome da qanachaalataxaqui,

Deuteronómio 4:9

Qaq ỹoqo'oye saishet qome da qaucouaỹa'ai 'enauac na qauauañiichigui, qataq saishet da qaỹa'axañiiuec qom ña qanca'alliitauec, nacherata da qaua'aqtaxañim qome ca qaỹa'alquipi qataq ca qarhuallipi.

Lucas 8:18

Qaq ỹoqo'oye ỹataqta qana'axaỹaxañiichiguiñi, cha'aye da huo'o ca ỹaỹaten dam saqcha'a lataxac da lo'onataxanaxac Ñim Lo'onatac 'Enauacna, nache camaye qaỹa'aqtaxanem na qalota laỹepi lataxac. Qalaxaye nam saishet da ỹaỹaten dam saqcha'a lataxac de'era no'onataxanaxac, nache Ñim Lo'onatac 'Enauacna, ỹo'otec namayepi da icoua'ai 'enauac nam ipi'itaxaatega da ỹaỹaten.

Marcos 4:24

So Jesús nataqa'en 'enapeco': «¡Ỹataqta qana'axaỹaxañiichiguiñi! Ñim Lo'onatac 'Enauacna ipagaqchiichigui cam lcata ca qaỹa'añim ca qarỹai, qataq ishet da ỹactec naqa'en ca qami' ỹanema.

Proverbios 4:23

Qataq ỹataqta 'antela'a da 'antoonaxac, cha'aye damaye qaica ca lỹa 'eeta'am, damaye nache chegaqaigui da achaalataxac.

Josué 23:11

Qalaxaye ñi 'oonolec da qoñiita ntela'a qome da maiche nachaalataxac, qataq ỹataqta imauec da qarquiyaqteỹaxaqui da qauauochec Ñim Nataxala' maye Qanatamnaxala'.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Isaías 56:2

Qaq ỹataqta machiguiñi qome ca ỹale maye ỹo'ot ne'ena namaxasoxonaxacpi, qataq da ỹalaxalec da ipaqueelec, qataq huo'o naq 'enec naqa'en ye na'a'q mataxaqui, qataq ỹataqta ntelañi da ỹo'ot ca qauem.»

Isaías 58:13

Huo'o naq 'enec 'anqa'en ye na'a'q mataxaqui, saishet da 'aume'eguet da 'anmenaxac da huaigui ye ỹalamaxat na'a'q maye qui'itta. Yi'iye na'a'q ỹataqta laloxoqui 'anqa'en da namaicỹaxac, qataq nacheye yem qui'itta na'a'q maye lalamaxat Ñim Nataxala' qataq taiguet da ño'oxonnataxanaxac, ỹataqta huo'o naq naigui 'anqa'en, nache saishet da 'auo'ottac nam 'aro'onatacpi qataq da 'anmittaique nam 'aralamaxatpi qataq da 'auo'ottac da 'anmenaxac.

Éxodo 20:8

Qantooñita'ac qome ye na'a'q mataxaqui, da qauỹochiỹauga da ỹataqta ỹalamaxat.