Jeremías 17:2 - La'aqtaqa Ñim Lo'onatac 'Enauacna 2013

² Na 'aỹa'alaqpi qalaq tachigui lauel naxa ana nca'atoxonaxalatepi qataq ana sa qaishetapec qo'oipaq lamopi, maye hueto'ot na la'a' ana qalochiguiñi ana lcouepi qo'oipaqpi, qataq ana qaỹoqotcheguemec lcomaraxalatepi,

Jeremías 17:2 Referans Kwoze

2 Crónicas 24:18

Qalaxaye somayepi ca'ai aso atamnaxaqui maye lalamaqte Ñim Nataxala' maye Natamnaxala' so hua'au lta'alpi, nache taỹa da natameetacot so lqui'ipi aso Aserá, qataq so laỹepi atamnaxala'pi. Qaq souaxat de'era lasouaxashet somayepi, nache Ñim Nataxala' dalemataỹa so lma' ye Judá qataq ye Jerusalén.

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Isaías 17:8

Huaña qome nache saishet da qaltaq ỹe'eguelaxa da naquittega aca lca'atoxonaxalatepi, huo'otaq ca lỹa ne'enaqtac maye maiche lo'onatac ca shiỹaxaua, maye huota'aisalo naua lhua'q da ỹo'ot. Qataq saishet qome da ỹamata'a na lqui'ipi aso Aserá, huo'otaq ana lca'atoxonaxalatepi maye ỹachalec naxa da ỹavigaxat na lchenaxanaxat da ỹanot na atamnaxala'pi

Isaías 1:29

Qaq huaña qome nache qaua'aquiilec ana enciinapi, qataq nam nanaxanaqa'piolec maye ỹataqta qanqopichiỹa, nam huaña naxa da qavio'oxoreñi nam ne'enaqtac atamnaxala'pi.

2 Crónicas 33:3

qataq ỹe'eguelaxa da no'oxoosheguem som qaỹoqotcheguemec atamnaqa'pi maye so lta'a Ezequías ilaxachigui co'ollaxa, nache no'oxoosheguem aso nca'atoxonaxalatepi da ỹo'oxoren so lqui'ipi so Baal, qataq ỹo'ot so lqui'ipi aso Asera, qataq nataqa'en natamnot qataq ỹo'oxoren 'enauac ana huaqaañipi maye neto'ot na piguem,

Jueces 3:7

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', nache icoua'ai Ñimaye nache natameetacot so ỹotta'a't ne'enaqtac lqui'ipi so Baal qataq aso Aserá.

Ezequiel 20:28

Co'ollaq inoxoneua'a ñaqa'en yem 'alhua maye sachaxanapeguem co'ollaxa da sanem, nache naxa da choche ila'a ana lcomaraxalatepi, ana qo'oipaq maye qalochiguiñi ana lcouepi, nache huaña naxa da ỹauo'o ana lachetaqtaxanaqtepi maye qaỹavigaxatta, qataq ana laỹepi lachetaqtaxanaqtepi maye ỹataqta Aỹem inogoqchet, qataq ỹauo'o na lchenaxanaxat maye ama na laita, qataq icorec na lachetaqtaxanaxat lataxa.

Jeremías 7:18

Na ñalaqpi qalaq laỹona't na 'epaq maye nle' lashec, qaq na lta'alpi qalaq ỹe'eraxatoigui na norec, qaq na 'alpi qalaq ỹo'ot na ldaqnec da yaqto' ỹo'ot ana lauole, nache ỹanot añi atamnaxalate, maye le'enaxat Nate'e maye neto'ot na Piguem. Nache aỹem inogoqchet namayepi, cha'aye nataqa'en ỹanot na lataxa nam atamnaxala'pi maye ỹaqa'a.

Salmos 78:58

Qataq inogoqchet Ñimaye, souaxat ana lca'atoxonaxalate na ỹotta'a't shiỹaxauapi, da natameetacot na ỹaqa'a atamnaxala'pi, nache ỹo'otteua'a da dalemata Ñimaye.

2 Crónicas 33:19

Da natamnaxac qataq co'ollaq qaỹasateguet, qataq 'enauac nam lasouaxashetpi, qataq da sa ỹalaq qataq nam huañapi da no'oxoosheguem so atamnaqa'pi maye naña so qaỹoqotcheguemapi, qataq som ỹanaña co'ollaxa so lqui'ipi aso Asera, qataq som nqolacpi co'ollaq saxanaxa da nmanot Ñim Lo'onatac 'Enauacna, nache nanettalec aso nere maye huetalec da na'aqtaguec som na'aqtaxanaxanecpi.

Éxodo 34:13

Nacherata da qanlaxachiiñi qome 'enauac aca lca'atoxonaxalatepi, qataq ca ne'enaqtac coma'pi maye atamnaxala'pi qataq ca lqui'ipi aso Aserá.

Jeremías 3:6

Qaq huetoiguilo soua na'axa'te co'ollaq nta'a so Josías, da Ñim Nataxala' aỹem 'enapega, 'eeta': «¿'Auauaachigui peta'a dam ỹo'ot yem Israel maye saỹalaq? Jec, da tasheguema ayem qaỹoqotcheguemec lcomaraxalatepi, nache huaña da ỹo'ot da lquisheguetaxac hueto'ot ana qo'oipaqpi maye qalochiguiñi ana lcouepi.

Jeremías 3:23

Qaica ca naigui da saxasheguema naxa ana lcomaraxalatepi huo'otaq da sa'alaxasoqtai' da sonaqtasheguema ana qasoxonaxapi, cha'aye nachaqñita Ñim Nataxala' maye Qanatamnaxala' da hueto'ot da lca'alaxa na Israel le'ecpi.

Deuteronómio 12:2

Qaq qanlaxachiiñi qome 'enauac na natamnaqa'pi da natamnot na natamnaxala'pi yi'iye ỹotta'a't shiỹaxauapi, maye qauacoñiỹa qome ye na'alhua: Namayepi huo'o na huaña aye qasoxonaxapi, qataq ye ca'amapega't 'alhuapi, qataq huo'o na neto'ot na la'a't ana qo'oipaqpi maye qalochiguiñi ana lcouepi.