Jeremías 17:19 - La'aqtaqa Ñim Lo'onatac 'Enauacna 2013

¹⁹ Ñim Nataxala' aỹem 'enapega, 'eeta': «qojec qome, nache 'anachattañi qome qoueta'a ñi lasom lta'araic yem huaqta'a't nỹecpi maye tateua'a da pa'auo qataq inoxonec na nta'alpi ye Judá, qaq qom ime nache nataqa'en qonetec de'era da huaña na laỹepi lasompi ye Jerusalén.

Jeremías 17:19 Referans Kwoze

Jeremías 26:2

nache 'eeta': «'Anachaañi qome, qoua'a ye nqasoxoc añi atamnaxaqui nache 'aua'axat 'enauac nam 'am samaxalecpi da 'aua'aqtaxanem na shiỹaxauapi maye chegaqa'a nam huaqta'a't nỹecpi maye ỹotta'a't naua nañalo ye Judá, da naỹa añi atamnaxaqui da yo'oxonnataxan, nache qaica qome ca sa 'aua'axat.

Jeremías 7:2

«Qonaña qome ye ñegueuo añi atamnaxaqui maye lalamaqte Ñim Nataxala', qaq nache huaña yemaye da 'aua'axat de'era na'aqtac, qoneta': 'Enauac qami' maye qoviita'a na Judá maye qananaiteua'a naxa ne'ena lasom da qavio'oxoyeñi Ñim Nataxala', ñaq qana'axaỹaxañiỹa dam la'aqtac

Hechos 5:20

–Qanqo'oñiỹa añi no'onaxanaxaqui late'erai. Huaña, nache qaua'aqtaxañim 'enauac na shiỹaxauapi dam na'aqtaxanaxac maye chegaqaigui da nca'alaxa.

Jeremías 36:10

Nache so Baruc nqo'oneua'a so nqasoxoc lta'araic aso atamnaxaqui, nache ñichiguiña so Dalaxaic Lasom, qataq naloteuga so lo'onataxanaxaqui so Gemarías som llalec so Safán, nache so Baruc itaxaỹaxan aso nere maye huetalec na la'aqtacpi so Jeremías, hua'aqchigui naqa'en 'enauac so shiỹaxauapi.

Jeremías 36:6

Qaq ỹoqo'oye 'am 'anqo'oneua'a qome añi atamnaxaqui qom nvireuo cam na'a'q maye huaigui ca qouaqchetaxac, nache 'autaxaỹaxan qome ana'ana nere maye huetalec nam 'ereguishecpi maye 'am saxatem, yaqto' na nhuo' le'ecpi qataq 'enauac nam hueta'a na huaqta'a't nỹecpi maye ỹotta'a't naua nañalo na Judá maye nvita ne'ena, na'axaỹaxana qome da la'aqtaxanaxac Ñim Nataxala'.

Jeremías 19:2

Qaq ime, nache 'anqo'oneuga so ca'amegue ye Ben Jinón, maye datateguet ñim lasom maye pa'aigue da nala' lliguisheguem, qaq huaña qome yemaye, nache 'aua'axat da ỹa'aqtac maye 'am sa'axatem qome.

Proverbios 9:3

nache ỹamaq aso lamaxashepi, da tasheguema so qaỹoqotcheguemec so huaqta'a't nỹecpi da deỹaxan, 'eeta':

Proverbios 8:1

Da naỹaanec ỹataqta nlamaxaren da deỹaxaatac, da naỹaanataxanaxac qaỹa'axaỹa naqa'en da lavilỹaxac.

Jeremías 17:18

'Auauo'o qome la'aloxo nam aỹem icaatacpi, qalaxaye saishet da aỹem da 'auauo'o da ỹa'aloxo. Namayepi 'auauo'o qome da lli'iỹaxa qalaxaye saishet da aỹem da 'auo'ot ca ỹi'iỹaxa. Ñaq 'auanacot qome ca naquicoxo da talec 'anqa'en namayepi, nache ỹataqta imauec qome da 'anlaxaañi namayepi.

Jeremías 17:20

Nache qonapega na shiỹaxauapi, qoneta': ‹Qami' nta'alpi qataq 'enauac qami' nhuo' le'ecpi qoviita'a na Judá, qataq 'enauac qami' maye qoviita'a na Jerusalén maye qa'aiteua'a naxa ne'ena lasompi, ñaq qana'axaỹaxañiỹa da la'aqtac Ñim Nataxala'.