Jeremías 17:18 - La'aqtaqa Ñim Lo'onatac 'Enauacna 2013

¹⁸ 'Auauo'o qome la'aloxo nam aỹem icaatacpi, qalaxaye saishet da aỹem da 'auauo'o da ỹa'aloxo. Namayepi 'auauo'o qome da lli'iỹaxa qalaxaye saishet da aỹem da 'auo'ot ca ỹi'iỹaxa. Ñaq 'auanacot qome ca naquicoxo da talec 'anqa'en namayepi, nache ỹataqta imauec qome da 'anlaxaañi namayepi.

Jeremías 17:18 Referans Kwoze

Salmos 35:4

Nache 'auo'otec da la'aloxo qataq saỹaỹaten ca 'eetec na huotaique da aỹem ỹalauat, nam huotaique da ỹauo'o ca aỹem ỹo'otec qauem,

Jeremías 20:11

Qalaxaye 'am Nataxala', aỹem qoueta'aguet qoneta'am ca alaataxaic maye saqanauec, nam aỹem icaatacpi qalaq huañi qome, nache saishet da aỹem loxonec, namayepi saipac qome cam 'eetapeguec, nache huo'o da la'aloxo, nache chochaq tatec qome da ne'enaguec qataq saishet da qaicoua'ai.

Jeremías 11:20

Qalaxaye 'am Nataxala' maye Qaica ca 'auqalanapec 'am maye no'on da 'aro'onataxanaxac da huo'o ca 'anmit, 'Am 'auauatton da lquiyaqteỹaxac qataq cam 'eetapeguec ca shiỹaxaua. Ñaq sauaachigui 'anqa'en ca 'eetec qom 'auaxan yi'iye shiỹaxauapi, cha'aye aỹem huo'o da ipi'iỹaxac 'Am.

Salmos 40:14

Ỹataqta huo'o qome da la'aloxo qataq sa ỹaỹaten ca 'eetec, na ỹauotaique da aỹem ỹalauat. Qataq dataueeguesop qome da la'aloxo na huotaique da aỹem ỹo'otec ca qauem.

Salmos 35:8

Qaq ñaq ique'elaxat qome namayepi da qaica ca na'achecỹaxac, qataq maiche tangui qome aca maiche lqoina namayepi, qataq aca lshere maye ỹo'ot co'ollaxa namayepi.

Apocalipsis 18:6

Qauo'ochec ayemaye 'enauac nam qauem maye ỹo'otec co'ollaxa nataqa'en na laỹepi shiỹaxauapi; ỹataqta ỹactec qanqa'eñi cam lsheetenaxanaxat ayemaye, da isheeten 'enauac na qauem maye ỹo'ot. Qauo'ochec ayemaye da dos da ỹe'eguelaxalec da talec dam lta'araic nqui'ic maye talec co'ollaxa na laỹepi shiỹaxauapi souaxat ayemaye.

Jeremías 17:16

Qalaxaye aỹem saishet da 'am sequicto'ot da 'anamaxa namayepi ca qauem, qataq saishet da sayeetaique da 'anamaxa namayepi ca qauem, qaq 'am 'auaỹateeta dam ỹa'aqtac co'ollaxa, cha'aye damaye ñasaxauec co'ollaq 'am satato'ot.

Jeremías 16:18

Qaq hua'auñi qome da dos ñaqa'en da ỹe'eguelaxalec da isheeten na qauem maye ỹo'otpi, cha'aye nshepaxanaqchet na ña'alhua, souaxat nam nqaigaxat leuaxaicpi natamnaxala'pi, qataq 'enauac nam 'alhua maye sanem co'ollaxa da lalamaxat, huaña naqa'en da ỹo'ot nam ỹataqta seqaiga.»

Salmos 71:1

'Am Nataxala', 'am she'eguenot da yaqto' aỹem 'ampaxattalec, saishet qome da 'auo'ot da ỹa'aloxo.

Salmos 70:2

Ñaq 'auauo'o qome da la'aloxo na nshetaique da aỹem ỹalauat, qataq datauec souaxat da la'aloxo na nshetaique da huo'o ca aỹem ỹo'otec saỹaỹamaxañi.

Da na'aqtaguec so Job 16:14

Qataq nacalec lỹa naqa'en na ique'emaxapi, ỹataqta aỹem nqalgoqo'ot 'eeta'am na loquiaxaic.

Jeremías 14:17

'Aua'aqtaxanem qome na nhuo' le'ecpi de'era, 'eeta': ‹Naayiñi qome naua ỹache' chegaqaiguilo naua ỹa'ai'te, nache saishet da vi'iigueta ye na'a'q qataq ye pe, souaxat dam chaqaic qataq qauem maye huaigui na ihuo' le'ecpi, qataq dam lta'araic lque'emaxa.

Jeremías 1:17

Qaq 'am, 'anaỹamaxat qome. Nache qojec da 'aua'aqtaxanem namayepi 'enauac nam 'am samaxalec. Qaq saishet da 'aye'etega qome namayepi, cha'aye da 'añi'i, nache so'ot da 'aviloxol qom 'auataỹa'aguet namayepi.

Jeremías 12:3

¿Qalaxaye 'am Nataxala', aỹem 'auauatton, qataq aỹem 'aulotagui qataq 'auaỹaten dam iuennataxac da qoneta. ¡Ñaq 'auauec yi'iye shiỹaxauapi, 'eeta'am 'anqa'en aca qaguetapi da qaỹauega ca nalaataqa', 'aua'an qome yaqto' taỹa'a cam na'a'q maye huaigui da qaỹalauat!

Jeremías 17:13

'Am Nataxala', nache 'am da 'am hueto'ot da naquitaxac na Israel le'ecpi. Qaq 'enauac qome nam 'am ca'ai huo'o da la'agaxa. 'Enauac qome nam 'am ca'ai, namayepi deqat qome 'eeta'am ca nerec maye qoỹettalec ca namoxoỹaxa, souaxat da 'am ỹalat, 'Am maye qoneta'am ca atom mpa'axaatasheguem 'etaxat.

Jeremías 17:19

Ñim Nataxala' aỹem 'enapega, 'eeta': «qojec qome, nache 'anachattañi qome qoueta'a ñi lasom lta'araic yem huaqta'a't nỹecpi maye tateua'a da pa'auo qataq inoxonec na nta'alpi ye Judá, qaq qom ime nache nataqa'en qonetec de'era da huaña na laỹepi lasompi ye Jerusalén.

Deuteronómio 33:11

'Am Nataxala', ñaq 'aỹa'anem qome da ỹaỹamaqchiguiñi 'enauac na ỹo'otpi, qataq 'auamaateguet qome da 'auaconeguet cam chegaqaigui da lo'onataxanaxac. Qataq 'auo'ot da nhuaxanaguec ca mpa'aguenaxauapi, yaqto' saishet da qaltaq ñe'eguelaxasheguem ca nquiỹategapi namayepi.»