Jeremías 17:14 - La'aqtaqa Ñim Lo'onatac 'Enauacna 2013

¹⁴ Aỹem 'anataren, 'Am Nataxala', nache aỹem no'oita qome, aỹem 'anca'alaxatec, nache aỹem ñeca'alec qome, cha'aye nache 'amta da 'am sho'oxoreetac.

Jeremías 17:14 Referans Kwoze

Salmos 6:2

'Am Nataxala', aỹem 'auchoxoren qome cha'aye qaica ca ỹa'añaxac. 'Am Nataxala', aỹem 'anataren qome cha'aye mashe iviloxol da ỹo'ocỹaxac.

Deuteronómio 32:39

Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.

Salmos 106:47

'Am Nataxala' maye 'Am Qanatamnaxala', ñaq qomi' 'anca'alaxatrec qome, qataq qomi' 'anqateua'alo da salegaqta'aguet na ỹotta'a't shiỹaxauapi na souaqta'alo, yaqto' sanaqot da qana'achecỹaxac da qui'itta 'are'enaxat, qataq so'otaq da qayo'oxonnataxanaxac.

Lucas 4:18

«So Saqcha'a La'añaxac Ñim Lo'onatac 'Enauacna Aỹem netanguit, cha'aye Aỹem Lca'aguishec qataq Aỹem namaq da sa'axatem da no'on la'axaỹaxac nam choxoraqpi, qataq da sa'axatem da qaisouec na ncoñeteguishecpi, qataq she'eguelaxatem da nauaañi na sa nauaañipi, qataq da yaqto' ñeca'alaxatec nam sa qaiyacnapec,

Deuteronómio 10:21

Cha'aye Ñimaye nacheñi ñi ỹalamaqchigui da qayo'oxonnataxanaxaqui, Ñim Qanatamnaxala'ai maye qami' ỹo'oteque na ỹataqta lta'araic ỹo'ot da na'aalaxa maye qauauañiichigui.

Salmos 109:1

'Am 'Aro'onatac 'Enauacna, maye 'am sho'oxoreetac naxa, saishet da sa 'auasateguet da ñatamnaxac.

Salmos 6:4

Ña 'añe'eguelaq 'Am Nataxala', 'anca'alaxatec da ñachaalataxac, ñaq aỹem 'anca'alaxatec cha'aye lta'araic da 'arsoxoyec.

Jeremías 15:20

Aỹem so'ot qome da qoneta'am ca mpaqtaxanaxat bronce maye huo'o da lqalaic da qanlaxaañi da 'aualectaigui ne'ena nhuo' le'ecpi. 'Am qailoquiaxan qome qalaq saishet da 'am noxonec, cha'aye Aỹem 'am soota'aguet qome da 'am ñepaxattalec qataq 'am ñeca'alaxatec. Qaq 'era da ỹa'aqtac, Aỹem Nataxala'.

Mateo 14:30

Qalaxaye co'ollaq nomteguet da la'añaxac so la'at, nache ỹataqta huo'o da lcolanaxa. Nache somaye iyiiñi, nache ỹa'alaq, 'eeta': –¡'Am Ỹataxala', aỹem 'anca'alaxatec!

Jeremías 31:18

Aỹem sa'aqtega na nhuo' le'ecpi maye chegoxoguet so Efraín, da ỹataqta lta'araic da nachoxonnaxac nache, 'eeta': ‹Aỹem sheeta'am co'ollaxa ca huaca llalec maye saishet da qanayeelec, qalaxaye 'am aỹem qonelec co'ollaxa, 'auo'ot qome da 'Am ñe'eguelaxa, cha'aye nache 'Am Nataxala', maye Ñatamnaxala'.

Isaías 6:10

Qataq 'auo'otec qome da qaramta da lquiyaqteỹaxac ne'ena shiỹaxauapi, qataq 'auapoguilo naua la'ai'te qataq naua ltela lauaco, da yaqto' saishet da hua'aqa qataq saishet da nauaañi, qataq saishet da huo'o ca ỹaỹaten, yaqto' saishet da aỹem ñe'eguelaxa, nache aỹem saishet da ñataren.»

Mateo 8:25

Nache soua lapaxaguenataqa nqo'onalo Somaye da nquetoxo'n, 'eetra': –¡'Am Qarataxala', ña qomi' 'anca'alaxatre'c! ¡Ten, huotaique da qomi' iyiiyiñi!

Salmos 148:14

Ñimaye ỹanem co'ollaxa da la'añaxac na lalamaxat nhuo' le'ecpi. Qaq ñaq ỹo'oxoren qome 'enauac na pe'etegapi Ñimaye, na Israel le'ecpi maye sa iỹotaique Ñimaye. ¡Qaỹo'oxoren qome Ñim Nataxala'!

Salmos 60:5

Qataq 'auo'ogoxona qome na 'arhuaq 'oiguishec da qomi' 'anca'alaxatrec, ñaq qomi' 'auasategueta, yaqto' na 'arauotaxat nhuo' le'ecpi nca'alec.

Salmos 12:4

nam 'eeta' naxa da la'aqtac: «'Eeso' ya' ye huo'o na qorap da yaqto' huo'o ca sañoxotaq, cha'aye na qara'aqtaqa maye qomi' mpaxaaleguete, qaq ¿negue't ca ishet da qomi' ỹamaqta'ape?»

Números 12:13

Nache so Moisés nachoxonnot Ñim Nataxala', 'eeta': «'Am Ỹataxala', 'Am ñachoxonnot da 'anataren aramaye nagui.»

Salmos 54:1

Aỹem 'anca'alaxatec, 'Am Ñatamnaxala', souaxat da 'are'enaxat, ñaq aỹem 'aueelec 'auo'onataxana da 'ara'añaxac.

Jeremías 3:23

Qaica ca naigui da saxasheguema naxa ana lcomaraxalatepi huo'otaq da sa'alaxasoqtai' da sonaqtasheguema ana qasoxonaxapi, cha'aye nachaqñita Ñim Nataxala' maye Qanatamnaxala' da hueto'ot da lca'alaxa na Israel le'ecpi.

Jeremías 30:17

'Am she'eguelaxatem qome da 'arca'alaxa, qataq ñataren na 'arque'emaxapi, qaq na'aictaxa na 'ampa'aguenaxauapi da 'enapec: ‹Na Sión ỹataqta qaỹalat qaica ca qochetega namaye.› Qaq 'era da ỹa'aqtac Aỹem Nataxala'.

Jeremías 33:6

Qalaxaye ñataren qome qataq sanem da no'oita, nache so'otec da huetaigui da nlagaxayec qataq da qaica ca ndaqtaique.

Salmos 6:3

Ỹataqta aỹem iviloxolaqchet da icolanaxa, qaq 'Am Nataxala', ¿chaq laguio' da 'auanac da aỹem 'autauan?

Salmos 119:94

Ñaq aỹem 'anca'alaxatec qome cha'aye aỹem 'aralamaxat, qataq ỹataqta shectelec da ñapaxaguenalo naua 'aramaxasoxonaxaco.