Jeremías 17:13 - La'aqtaqa Ñim Lo'onatac 'Enauacna 2013

¹³ 'Am Nataxala', nache 'am da 'am hueto'ot da naquitaxac na Israel le'ecpi. Qaq 'enauac qome nam 'am ca'ai huo'o da la'agaxa. 'Enauac qome nam 'am ca'ai, namayepi deqat qome 'eeta'am ca nerec maye qoỹettalec ca namoxoỹaxa, souaxat da 'am ỹalat, 'Am maye qoneta'am ca atom mpa'axaatasheguem 'etaxat.

Jeremías 17:13 Referans Kwoze

Apocalipsis 7:17

Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Juan 4:10

Nache So Jesús 'enapeco': –'Am saishet da 'auaỹaten dam huotaique 'am ỹanem Ñim Lo'onatac 'Enauacna, qataq nataqa'en saishet da Aỹem 'auauatton. Cha'ayectaxa da 'auaỹaten, nache 'am Aỹem 'auỹaxanot taxa ca 'etaxat, nache Aỹem 'am sanem ca 'etaxat maye chegaqaigui da nca'alaxa.

Apocalipsis 21:6

Ime qaq aỹem 'enapega, 'eeta': «¡Mashe sogote da ime! Aỹem maye Nachaỹem la'atchiguiñi qataq sepa'atec. Qaq cam ilem na laquip, nache Aỹem sanem ca 'etaxat maye npaxaatasheguem qataq chegaqaigui da nca'alaxa chochaq tatec. Qaq camaye qaca aca lasheue.

Isaías 1:28

Qalaxaye aỹem selaxachigui qome na qauemaicpi qataq na 'etaxaloxoicpi, qaq nam aỹem ca'ai namayepi ileu qome.

Lucas 10:20

Qalaxaye saishet da qantoñiitapeguec da mashe qami' ỹalaxagueta na saqcha'a na'añaxac leguemaxaicpi, nachaqrata qome da qantoñiitapeguec da mashe qoỹettauo da qare'enaxache da piguem.

Jeremías 14:8

'Am maye 'am ỹacheto'ot naxa da naquitaxac, qataq 'am lca'alaxaqui na israel le'ecpi da huaigui da lqalaic, ¿ta'ainco' da 'avi'inaxat da lataxac cam ỹaqa'a ca chegaqa'ague da qoueta'a ne'ena 'alhua, qoneta'am ca queuoxoic da 'oonolec pe da hueta'a ca lanataqa'?

Apocalipsis 20:15

Qaq nacheye nataqa'en ye qaỹasaxangui 'enauac nam saishet da nanettalec ca le'enaxat aso naneraxalate nam chochaq tatec da nachaalataxac.

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»

Salmos 73:27

Qaq na 'am ca'ai qalaq taỹa'a da ileu, cha'aye 'am 'aulaxachigui qome na saishet da 'am ỹalaxaguet.

Jeremías 2:13

Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.

Joel 3:16

Nache qom ivita da qaỹa'axaỹa ca lavilỹaxac Ñim Nataxala', da chemaqteguisheguema añi qasoxonaxa Sión, qataq da dellimigui da lavilỹaxac da huaña ye Jerusalén, nache na piguem qataq ana 'alhua cholaxa'n qome. Qalaxaye Ñim Nataxala', nacheñi ñim lle'eguenaxala' qataq npaxattalec nam Israel le'ecpi maye maiche lalamaxatpi.

Jeremías 2:17

Qaq de'era, 'am talec souaxat da aỹem qoca'ai, aỹem Nataxala' maye Aỹem 'Anatamnaxala' maye 'am sauecta'aguet co'ollaq qoquetague' so nqa'aic.

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

1 Timoteo 1:1

'Am ỹauotaxat Timoteo: 'Am samaxa da iquinaxanaxac. Aỹem Pablo, aỹem lamaxashec So Jesucristo, cha'aye Ñim Lo'onatac 'Enauacna maye Qarca'alaxaqui, qataq So Cristo Jesús maye hueto'ot da qanaquitaxac aỹem ỹamaxalec da sa'axat de'era la'aqtac. 'Am 'ena'am da ỹoqta 'am ỹalamaxat ỹalec. Ỹoqo'oye seỹaxaatacot Ñim Lo'onatac 'Enauacna maye Qarta'a qataq So Jesucristo maye Qarataxala' da ỹataqta 'am ỹauotec qataq 'am itauaatac 'enauac nam 'auo'otpi, qataq 'am ỹami' da 'arlagaxayec.

Hechos 28:20

Qaq nachera da huo'omshe qami' seỹaxaneugalo, da yaqto' qami' ñauaneto, qataq qami' setaxaỹapegueto. Cha'aye nachera dam 'enauac qanaquitaxac qomi' Israel le'ecpi, da huo'omshe aỹem qaicoñetta'aque ne'enaua ique'ete.

Daniel 12:2

Qalota qome cam do'ochetapi maye huetangui aca nhuachiqui, qalaq nlouec qome: qaq huo'o qome ca chochaq tatec da nca'altauec qataq huo'o qome ca nca'alec qalaxaye nque'etaxangui ca chochaq tatec la'agaxa qataq ca qauem.

Ezequiel 36:32

Aỹem Nataxala', shenapec: Qami' Israel le'ecpi, qauaỹaañita da saishet da so'ot de'era souaxat qami', nacherata da so'ot damaye yaqto' qami' ishet da huo'o da qara'agaqai, souaxat da qauem qarataxaqui.

Ezequiel 16:63

Qaq qom sapalaxat 'enauac nam 'auo'otpi, nache 'am 'auennate qome nam qauempi maye 'auo'otpi co'ollaxa, nache ỹataqta huo'o da 'ara'agaxa, qataq souaxat da qaica ca qonec, nache saishet qome da qaltaq 'avi'eguelaxa da 'autaqtac. Qaq 'era da ỹa'aqtac, Aỹem Nataxala'.»

Jeremías 17:17

Saishet qome da aỹem 'anlaxatchigui da icolanaxa, cha'aye nache 'am maye 'am ỹe'eguenaxala' naxa da huo'o ye lchec.

Jeremías 17:5

Ñim Nataxala', 'eeta': «Ỹataqta qauem da talec cam ỹaxanec da lquiyaqteỹaxac aỹem, ime nache ỹaalec da naquitaxac na ỹalleppi qataq nache ipa'axaatacot ca ntaunaguec namayepi.

Proverbios 14:14

Ca qaica ca ỹaỹaanapec qalaq ỹaỹamaxareeta da maiche lataxac, qaq ca no'on da lataxac qalaq machiguiñi naqa'en nam ỹo'otpi.

Proverbios 10:7

Ca ỹale no'on da lataxac da qaiuennate qalaq huo'o da nchoxonnataguec, ca qauemaic qalaq saqaỹaloq da qaicoua'ai.

Salmos 97:7

Nache 'enauac na atamnaxala'pi natamnot Ñimaye. Qaq huaña nache huo'o da la'aloxo 'enauac nam natameetacot na ne'enaqtac atamnaxala'pi nam ỹo'oxoreetac na atamnaxala'pi maye qaica ca naigui.

Salmos 22:4

So qarta'alpi 'am pe'etega co'ollaxa, 'am pe'etega co'ollaxa ỹoqo'oye 'ausouec somayepi.

Salmos 71:5

Cha'aye 'Am Nataxala', nache chegoqchiguiña, co'ollaq ñaq aỹem nsoqolec da ỹataqta 'am ipe'et qataq aỹem 'antela'a.

Jeremías 17:18

'Auauo'o qome la'aloxo nam aỹem icaatacpi, qalaxaye saishet da aỹem da 'auauo'o da ỹa'aloxo. Namayepi 'auauo'o qome da lli'iỹaxa qalaxaye saishet da aỹem da 'auo'ot ca ỹi'iỹaxa. Ñaq 'auanacot qome ca naquicoxo da talec 'anqa'en namayepi, nache ỹataqta imauec qome da 'anlaxaañi namayepi.

Jeremías 19:4

Cha'aye na Israel le'ecpi aỹem ca'ai, nache ỹo'ot da 'eco' ỹaqa'a ne'ena 'alhua, nache huaña naqa'en namaye da ỹanot na lchenaxanaxat maye ama na laita nam ỹaqa'a atamnaxala'pi, maye namayepi qataq so hua'au lta'alpi, qataq so nta'alpi na Judá, saỹauatton, qataq nlaxattelec namaye na ltago'q som shiỹaxauapi maye qaica ca ỹasouaxat.

Jeremías 50:7

Na mpa'aguenaxauapi naxa da ilalec, nache chec nache, 'eeta': ‹Saishet da qarasouaxashet damaye, cha'aye namayepi huo'o da lasouaxashet hueto'ot Ñim Nataxala', maye qaica ca iueetaique naqa'en namayepi, qataq hueto'ot da naquitaxac som hua'au lta'alpi.›

Ezequiel 13:9

Aỹem ñauaxaỹaxaasheguem qome na ihuaq da sauo'o ca nhuaxanaguec nam na'aqtaxanaxanecpi maye saq'e'n naua l-loxoco, qataq naua la'aqtaxanaxaco choche ashepegaxanaxaco. Qaq namayepi qome saishet da ỹalegueua'a na laponaxacpi na ỹalamaxat nhuo' Israel le'ecpi, qataq nam le'enaxatpi saishet qome da nanettaua'a aca le'enaxat lmalate na Israel le'ecpi, qataq saishet da inoxoneua'a ye na'alhua na Israel le'ecpi. Qaq huaña qome nache qami' qauaỹachiñi da nachaỹem maye Aỹem Nataxala'.

Zacarías 9:12

¡Qami' ncoñeteguishecpi maye ñaqauo'o da qanaquitaxaqui, qavi'eguelaqaỹa qome ye maiche qarpaqtaxanaxache! Cha'aye nagui qami' sa'axatema da qami' sanema qome ca qana'achecỹaxaqui, napacalec ñaqa'en som qoviỹaigui co'ollaxa qanque'eenaxaqui.

Zacarías 13:1

Qaq que'eca na'a'q, qalaq huo'o qome, ca npaxaatasheguem 'etaxat, da yaqto' nỹoxoqui da iỹouec na lasouaxashet qataq na lshepaxanaxa nam chegoxoguetpi so David qataq nam netaña na Jerusalén.

Salmos 69:29

Qaq aỹem maye salola qataq huo'o da ñeque'eenaxac, ñaq aỹem 'anachalataxaañi 'Am Ñatamnaxala', qataq aỹem 'anca'alaxatec.