Jeremías 17:12 - La'aqtaqa Ñim Lo'onatac 'Enauacna 2013

¹² Nache aỹem Jeremías sheeta': Añi qanatamnaxaqui añimaye ỹataqta huo'o da llo'oxoyec, añimaye nache 'eetai' co'ollaxa da qaỹoqotcheguemec.

Jeremías 17:12 Referans Kwoze

Salmos 96:6

Qaq da lta'araic ño'oxoyec qataq da na'amaqchec hueto'ot Ñimaye. Qataq huo'o da la'añaxac qataq da lyacỹaxac yem lanataqa' Ñimaye.

Ezequiel 43:7

nache, 'eeta': «'Ena na lma' añi ñeso'onaxaqui, qataq nachena na ỹapiaqa', nachena na huaña da chochaq tatec da soota'aguet na Israel le'ecpi. Qaq namayepi qataq ca lta'alpi, qalaq saishet qome da ỹe'eguelaxalec da ishepaxanaqchet da ỹe'enaxat souaxat da saỹalaq: qataq saishet qome da ỹe'eguelaxalec da no'oxoosheguem ca le'enaqtac maye lqui'ipi so lta'alpi maye mashe ileu,

Jeremías 3:17

Qaq qom ivita que'eca na'a'q, nache ye Jerusalén qaỹamata'ac qome nso'onaxaqui Ñim Nataxala', qaq 'enauac qome nam ỹotta'a't shiỹaxauapi da naỹa yemaye da yaqto' ỹo'oxoren da le'enaxat Ñim Nataxala', qaq huaña nache saishet da ỹe'eguelaxa da quetague' nam qauem maye huetaigui añi lquiyaqte.

Ezequiel 1:26

Qaq na pa'asheguem se'eso 'eeta'am ca lapoxot, qalaq sela'a aso 'eeta'am aca so'onaxaqui maye chegaqaigui na coma' zafiro, qaq na pa'asheguem asa'aso 'eeta'am aca so'onaxaqui, qalaq huo'o so hueta'a 'eeta'am na shiỹaxaua.

Jeremías 14:21

¡Qaq souaxat da la'amaqchec da 'are'enaxat, nache saishet qome da qomi' sa 'auaconegueta, saishet qome da 'auo'otan nam huaqta'a't nỹecpi maye netaña añim huo'o da llo'oxoyec 'anso'onaxaqui! ¡Ñaq 'auennata'a qome so 'anaỹamaxataxac co'ollaq qomi' 'anaỹamaxateto, qaq no'on da 'aupaqueelec qome somaye!

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Hebreos 4:16

Qaq ỹoqo'oye da huo'o ca qarhuenaxanaxa, nache no'on da maiche sauoqo'o da qanaquitaxac da ñequigaxaua'a ca hueta'a Ñim Lo'onatac 'Enauacna. Qaq Ñimaye qomi' itaua'n, cha'aye ỹataqta soxoraic, qataq qomi' lauotaqa'ate.

Isaías 6:1

Qaq huetoigui so vi'i maye huaigui da ileu so nta'a Uzías, da aỹem sela'a Ñim Nataxala' da nso'ootangui aso ỹataqta qaỹoqotcheguemec nso'onaxaqui, qaq naua laỹel so lapo' qalaq imattaigui aso atamnaxaqui.

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Isaías 66:1

Ñim Nataxala', 'eeta': «Na piguem nachena na ñeso'ootalec, qaq ana 'alhua qalaq nachana ana ỹapiaxalate. Qaq ¿hua'ague ca qaỹa'añiỹa'ague ca ima' da qano'oxoñiisheguem? Qataq ¿hua'ague ca qaỹa'añiỹaña cam ima' maye ishet da ñemataqa'?

Salmos 103:19

Ñim Nataxala' ỹanaña na piguem añi nso'onaxaqui, qataq da lo'onataxanaxac ilo'ogue 'enauacna.