Jeremías 17:10 - La'aqtaqa Ñim Lo'onatac 'Enauacna 2013

¹⁰ Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Jeremías 17:10 Referans Kwoze

1 Samuel 16:7

Qalaxaye Ñim Nataxala' 'enapega somaye, 'eeta': «Saishet qome da 'aulotagui da yo'oqchigui lataxac, qataq da lalogaxa, cha'aye saishet da nachera da selotagui. Cam shiỹaxaua ilotagui da yo'oqchigui nataxac, qalaxaye Aỹem saishet da selotagui da yo'oqchigui lataxac ca shiỹaxaua, nda'a't da selotagui da lquiyaqteỹaxac.»

Romanos 8:27

Qaq Ñim Lo'onatac 'Enauacna maye ỹaỹaten 'enauac nam qarhuennataxacpi, Ñimaye ỹaỹaten cam 'eetapeguec So Saqcha'a Na'añaxac Qui'itta. Cha'aye Somaye nachoxonnot Ñim Lo'onatac 'Enauacna da nachoxoreelec nam ỹataqta lalamaxatpi Ñimaye, qaq naua nachoxonnaxaco ỹataqta ỹaỹamaxareete' Ñim Lo'onatac 'Enauacna.

Jeremías 11:20

Qalaxaye 'am Nataxala' maye Qaica ca 'auqalanapec 'am maye no'on da 'aro'onataxanaxac da huo'o ca 'anmit, 'Am 'auauatton da lquiyaqteỹaxac qataq cam 'eetapeguec ca shiỹaxaua. Ñaq sauaachigui 'anqa'en ca 'eetec qom 'auaxan yi'iye shiỹaxauapi, cha'aye aỹem huo'o da ipi'iỹaxac 'Am.

Jeremías 32:19

'Am ỹataqta huo'o da llo'oxoyec nam 'alapaxañipi, qataq 'Am 'añaxaic da huo'o na 'auo'ot. 'Am 'aumeteetac 'enauac nam ỹo'ottacpi na shiỹaxauapi, qataq 'aỹa'anem ñi 'oonolec namayepi cam naigui nam ỹo'otacpi.

Jeremías 20:12

'Am Nataxala' maye Qaica ca 'Auqalanapec, 'Am maye 'auo'onataxana da nalochiguiñi lataxac da huo'o 'anmit, qataq 'am maye 'auaỹaten ye ỹataqta pa'auo lhuennataxac ca shiỹaxaua, ñaq sauaachigui qome 'anqa'en da 'auauo'o ca nhuaxanaguec ne'ena shiỹaxauapi, cha'aye nache 'Am da 'Am sepe'etega.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

Apocalipsis 22:12

«¡Ỹataqta qana'axaỹaxañiichiguiñi qome! ¡Aỹem saqaỹaloq da ñanac! Nache ñachetac ca nsheetenaxat ñi 'oonolec shiỹaxaua, ipacchigui cam ỹo'ot co'ollaxa.

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Salmos 62:12

qataq Ñimaye lalamaxat da nsoxoyec, qataq da isheeten ñi 'oonolec, qalaq ipacchigui naqa'en ca lo'onataxanaxac.»

Proverbios 17:3

Na oro qataq na plata qalaq qaỹauota'a na norec na qaỹe'eguen da ỹoqta 'eesa, qaq na nhuennataxacpi qalaq nacheñi Ñim Nataxala' ñi ỹe'eguen.

Apocalipsis 20:12

Nache sela'a 'enauac nam ileu co'ollaxa nam qaica ca la'amaqchec qataq na 'añaxaicpi, nachattaua'a aso so'onaxaqui. Huaña, nache qaỹauachigui aso nerepi maye nanettalec nam ỹo'ot ñim 'oonolec shiỹaxaua. Nataqa'en qaỹauachigui aso lỹa nere maye naneraxalate nam qanca'alaxatec qataq chochaq tatec da hueta'aguet Ñim Lo'onatac 'Enauacna. Qaq nam leuaxaicpi qanmit ñi 'oonolec qaipagaqchiichigui nam ỹo'otpi maye nanettalec asa'aso nerepi.

2 Crónicas 6:30

qaq ña 'aua'axaỹa qome da qoueta'a na piguem maye 'arma', qataq 'auchoxoren qome, nache ipacchigui 'anqa'en da talec ñi 'oonolec ca maiche llecỹaxac maye 'auaỹaten, cha'aye nache 'amta da 'auauattoota da lquiyaqteỹaxac na shiỹaxauapi.

Juan 2:25

Qaq saishet da iuen da huo'otaq huo'o ca da'aqtaxanem Somaye da lataxac so shiỹaxauapi, cha'aye Somaye maiche ỹaỹateetac da lquiyaqteỹaxac so shiỹaxauapi.

Jeremías 21:14

Aỹem sauo'o qome ca qanhuaxanaguiqui maye taiguet nam qauo'oche, qataq savigaxat na qaralamaxache aviaq, qaq que'eca norec ỹavigaxat qome 'enauaque naua loiguiye. Qaq 'era da ỹa'aqtac, Aỹem Nataxala'.›»

Salmos 7:9

'Am maye 'Aro'onatac 'Enauacna maye nalochiguiñi da 'arataxac, maye 'aumeteeta'ape naua nhuennataxaco qataq añi nquiyaqte, ñaq imeuo 'anqa'en da lle'etaxaloxo na qauemaicpi, qalaxaye saishet qome da 'auraxanai' ca no'on da lataxac.

Romanos 6:21

Qaq ¿negue't cam qauachegoxochiỹaigui damaye? Nachaqrata da qauachegoxochiỹaigui da qara'aloqoi qataq da nache 'eetai' da qami' qaỹoqtalo Ñim Lo'onatac 'Enauacna.

1 Crónicas 29:17

'Am Ñatamnaxala', aỹem saỹaten da 'am 'auauatto'n naua nhuennataxaco, qataq 'auaỹamaxareeta da nalochiguiñi lataxac. Ỹoqo'oye aỹem, nachera da ỹaỹamaqchiguiñi iquiyaqteỹaxac da huo'omshe maiche aỹem chegoqchigui da 'am sanot 'enauac ne'ena ỹogoxoshetpi. Qaq nagui, sa'amaqchiguiñi da sauaachigui ne'ena lapoota'a't 'aralamaxat nhuo' le'ecpi, da maiche chegoqchigui da 'am ỹanot na lachetaqtaxanaxatpi.

Miqueas 7:13

Qaq na 'alhuapi taỹa'a da toolec qome, souaxat nam qauem maye ỹo'ottac nam netalecpi namaye.

Mateo 6:4

Yaqto' de'era ltaunaxanaxac saishet da qaỹaỹaten, qaq Ñim Lo'onatac 'Enauacna maye Nta'a, Ñim ỹaỹaten de'era saqcha'a, Ñimaye ỹauo'o ca nsheetenaguec.

Hechos 1:24

Nache qanqouagaxaueeleguete soomaye, qoỹeeta': «'Am Qarataxala', 'am maye 'auauatton 'enauac da lquiyaqteỹaxac 'enauac na shiỹaxauapi, ña 'auachaxan ca 'oonolec ne'enaua dos cam 'arca'aguishec,

1 Reyes 8:39

qaq 'am ye qoneto'ot na piguem, 'aua'axaỹa qome camaye, qataq 'auapalaxat ca lasouaxashet, qaq 'am maicheye ca 'aỹa'anem ñi 'oonolec, cha'aye 'am maye 'auauatton da lataxac, qataq nache 'amta da 'auaỹaten da lquiyaqteỹaxac na shiỹaxauapi,

Salmos 44:21

Nache 'am, sogote taxa da qomi' 'auanomalo, cha'aye 'am mashe 'auaỹateetac na ỹataqta ỹapoguiñi nhuennataxacpi.

Eclesiastés 9:3

Qaq huo'o dam ỹactec da qauem maye huetaigui 'enauac nam qaỹo'otpi ana'ana 'alhua: da 'enauac 'eeta'a't da 'oonolec ye taỹa'a loga't. Qataq dam lquiyaqteỹaxac ca shiỹaxaua nlaqchigui na qauem, qataq dam 'oopashaxac nache huetaigui ye lhuennataxa 'enauaque naua na'axa'te da nachaalataxac, qaq da ivita ye loga't, nache tauga ye huetaña na leuaxaicpi.

Isaías 59:18

Ñim Nataxala' ỹanem qome ñi 'oonolec cam naigui nam ỹo'ottacpi, qataq ỹauo'o ca nhuaxanaguec nam mpa'aguenaxauapi. Qataq nam nquiỹatega Ñimaye, ỹanem qome ca nsheetenaguec, ivira'a nam shiỹaxauapi maye netalec ana ỹaqauga 'alhuapiolec aso auaxai.

Jeremías 12:13

Namayepi ỹaañi na trigo, qalaxaye da deqataxan nache nqat ana ỹaxat; 'enauac da lo'onatacpi da qaica ca naigui. Da lqataxanaxac qalaq qaica ca naigui, souaxat dam 'ettaigui ỹayeloxo.»

Ezequiel 11:5

Nache so Saqcha'a La'añaxac Ñim Nataxala' aỹem nvita, ime nache aỹem ỹamaxalec da, sheeta': «'Era da la'aqtac Ñim Nataxala': ‹Qaq 'era da qarhuennataqai qami' Israel le'ecpi. Qaq Aỹem saỹaten da qarhuennataqai.

Ezequiel 14:5

Qalaxaye Aỹem sepoteua'a qome ana lquiyaqtepi 'enauac na Israel le'ecpi maye Aỹem ca'ai co'ollaxa, souaxat na lqolacpi.

Da na'aqtaguec so Job 34:11

Ñimaye isheeten ca naigui da lo'onataxanaxac ñi 'oonolec, qataq ipacchigui da ỹanem ca chegaqaigui da no'on lataxac.

Salmos 7:10

Ñim ipaqtaxanaxat nacheñi Ñim Lo'onatac 'Enauacna, Ñim nca'alaxatec cam ỹaỹamaqchiguiñi da lquiyaqteỹaxac.

Salmos 44:22

Qalaxaye souaxat da qoneta nache qomi' qaỹauecta'alo da qarleuaxa, shenaqta'am aca qagueta da qaỹauecta'a ca nalaataqa'.

Proverbios 12:14

Ñi 'oonolec ỹaconeguet ca alaỹaxac na maiche la'aqtacpi, qataq ỹaconeguet da lashiichiỹaxac cam ỹo'ottac.

Jeremías 23:2

Ñim Nataxala', maye Natamnaxala' na Israel le'ecpi, 'enapega na nataxala'pi maye ilotague' nam lalamaxat Ñimaye nhuo' le'ecpi, 'eeta': «Qami' qaulagaxacheetac ana ilopi qaguetapi, qataq datauec qanqa'eñi, nache saishet da qanchelỹa'a. Qaq ỹoqo'oye Aỹem nagui maiche qami' sepa'aigueta da sauo'o ca qanhuaxanaguiiqui souaxat nam qauem maye qauo'ocheetac. Qaq 'era da ỹa'aqtac Aỹem Nataxala'.