Jeremías 17:1 - La'aqtaqa Ñim Lo'onatac 'Enauacna 2013

¹ «'Am Judá, da 'arasouaxashet nanettañi qoỹeraxana so neraxanaxat lcat qataq qoỹeraxana so shetteguet coma' le'enaxat diamante da qoỹerelec añi qaramchigui 'arquiyaqte, qataq naua lcoue añi 'arca'atoxonaxalate.

Jeremías 17:1 Referans Kwoze

Proverbios 3:3

Saisheto' qome da 'aỹa'axanec da nsoxoyec, qataq da 'eesa lataxac, qataq 'auachetac qome 'eeta'am 'anqa'en aca 'arqola. Qataq 'oxotoigui da 'antoonaxac.

Proverbios 7:3

Ỹataqta 'aỹa'axatchiguilo naua 'aya'axaatal, qataq 'auachaiguilo da 'antoonaxac.

Levítico 4:25

Ime, nache ca ntaxaỹaxanaxanec ỹa'ayingui ana llaxaata ca ltago'q ca quetaq maye nachetaqtaxanaxat maye sa imauaq da qaỹavigaxat, nache ỹa'ame'n naua lsheeneqa ñeua lcoue añi nca'atoxonaxalate da huo'o na qaỹavigaxat. Qaq que'eca no'onañi ntago'q, nache icorot na pa'aguiñi añi nca'atoxonaxalate.

Oseas 12:11

Ye Galaad, hueta'a na ỹaqa'a atamnaxala'pi, qalaxaye namayepi nda'a't na saq 'en. Qaq ye Gilgal huaña na qoỹaategueuo nachetaqtaxanaxat huaca, ỹoqo'oye ana lca'atoxonaxalatepi dolagui qome, 'eeta'am ca logosheguem coma'pi, maye huetalec ca qanqalagoxotsheguem 'alhua.»

Isaías 49:16

Aỹem, shettalec da 'are'enaxat na ihuaq lauel, qataq nache 'eetai' da saishet da secoua'ai nam 'arpaqtaxanaxatpi.

Jeremías 2:22

Qaq na'aictaxa da 'anỹo da 'auỹoxona ca no'on nỹoxonaxat, qataq da 'auỹoxona ca qalota nỹoxonaxatpi, qalaxaye nache 'eetai' qome da Aỹem hueto'ot na 'arasouaxashetpi. Qaq 'era da ỹa'aqtac, Aỹem Nataxala'.

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Oseas 7:2

Nache saishet da tagui lauel da Aỹem ñetoueeta'ac 'enauac nam qauem maye ỹo'otpi. Qaq nagui qalaq coleesop nam maiche ỹo'ottacpi maye qauem, nam nache 'eetai' naxa da semeteetac.

Zacarías 7:12

Qataq ỹa'añaxachigui añi lquiyaqte, 'eeta'am naqa'en ca coma' maye le'enaxat diamante, da yaqto' saishet da na'axaỹaxana da napaxaguenataxanaxac, qataq nam namaxasoxonaxacpi, maye Ñim Nataxala' maye Qaica ca Ỹaqalanapec ỹachegoxotchigui so Saqcha'a La'añaxac, da ỹa'aqtaxanaxan co'ollaxa so hua'au la'aqtaxanaxanecpi. Qaq ỹoqo'oye Ñim Nataxala' ỹataqta dalemata,

Jeremías 11:13

Ye Judá, ỹataqta qalota na natamnaxala'pi, 'eeta'am nam huaqta'a't nỹecpi maye ỹotta'a't naua nañalo, qataq na netaña ye Jerusalén qalota ana nauaxaỹaxaasheguem lca'atoxonaxalatepi maye 'eeta'am ye lcata na nqa'aicpi, da yaqto' ỹanot na lchenaxanaxat so Baal.

Jeremías 31:33

Qaq 'era da ñaỹamaxataxac que'eca na'a'q qom ñaỹamaxate' na Israel le'ecpi, 'eeta': Sanaigui qome añi lquiyaqte naua iqataxaco qataq serelec da ntoonaxac. Nache namayepi Aỹem Natamnaxala' qome, qataq nache ỹalamaxatpi namayepi. Qaq 'era da ỹa'aqtac Aỹem Nataxala'.

Oseas 8:11

Cha'aye na Efraín, qalota ana no'oxoosheguem nca'atoxonaxalatepi, maye ỹo'ot da huo'o naqa'en nam lasouaxashetpi namayepi.