Jeremías 16:7 - La'aqtaqa Ñim Lo'onatac 'Enauacna 2013

⁷ Qataq qaica qome ca ỹo'ot ca lquia'axac da deque'elec cam leuaxaicpi da yaqto' ỹa'añaqchet ca lauo' le'ecpi camayepi qaq na'aictaxa da huo'otaq l-leuaxa ca nta'a huo'otaq aca nate'e.

Jeremías 16:7 Referans Kwoze

Oseas 9:4

Huaña nache qaica ca lataxa da ỹanot Ñim Nataxala', qataq ana lachetaqtaxanaqtepi saishet da ỹaỹamaxaren Ñimaye. Qaq aca nauole maye chectac, qalaq 'eeta'am aca nauole da huo'o da nasouaxac, qaq cam chec acamaye nache saishet da qui'itta. Qaq namayepi ishet qome da chec aca'aca nauole, qalaxaye saishet qome da iroua'a añi atamnaxaqui maye lalamaqte Ñim Nataxala'.

Ezequiel 24:17

Choche 'añe'emaxatte' qome da 'anqui'ic, qataq saishet da 'auachaxan da 'arasouaxac souaxat asomaye. Qataq saishet qome da 'auauattalec na 'arqaic, qataq da qaicaua caua 'arapela'ate, qataq saishet da 'auapotagui na 'arashec da la'anaxat 'anqa'en da 'anqui'ic, qataq saishet da qollec aca nauole maye qanallec naxa da huo'o da nasouaxac.»

Deuteronómio 26:14

Qataq saishet da huo'otaq 'oonole aca sacona da sachec ana mashe seỹotaugapi, na'aictaxa co'ollaxa da sootapoigui da ỹasouaxac, qataq co'ollaq saishet da aỹem qui'itta, huo'otaq da sanem na leuaxaicpi. 'Am Ỹataxala', maye 'Am Ñatamnaxala', aỹem ỹataqta salaxaguet qataq sepacchigui da so'ot 'enauac nam aỹem 'auamaxalecpi.

Da na'aqtaguec so Job 42:11

Nache 'enauac so lqaỹañecpi ỹalleppi, 'alpi, nauochaxauapi qataq 'enauac som togoshec nauattonaxauapi, nqo'ona somaye nache qaỹauaxaiguet somaye da qaỹo'ot so nquia'axac huaña so lma'. Nache ỹataqta qaỹa'añaqchettac somaye, souaxat so nque'eenaxac maye namaxa co'ollaxa Ñim Nataxala', nache ñi 'oonolec somayepi huo'o na ỹanem ana qalota alom plata qataq ana nchiguishaqte oro.

Eclesiastés 4:1

Qaq ime, nache qaltaq semeteetac da saqaiyacnapec na shiỹaxauapi maye huetalec ana 'alhua, nache selota'a nam saqaiyaqnapecpi da nỹeetac qalaq qaica ca ishet da ỹa'añaqchet namayepi, nam saiyacnapec namayepi qalaq ỹataqta sairen, qalaxaye qaica ca chochaq ỹa'añaqchet namayepi.

Jeremías 22:10

Saishet da qanỹeñiilec ye nta'a Josías; qataq saishet da qanỹeñiilec da l-leuaxa, maye nacherata da qanỹeñiilec som llalec Salún, cha'aye jec qaq saishet qome da qaltaq da ñe'eguelaq, nache saishet qome da nauane' yem 'alhua maye lañoqo'.

Lamentaciones 1:9

Naua alogo qalaq nlaqchiguilo na qauem, qaq saishet da iuennatega co'ollaxa dam taỹa'aguet. Qaq ỹataqta nque'elaxatta co'ollaxa da huañi, nache qaica ca ỹa'añaqchet. ¡'Am Nataxala', ñaq 'aulogui nagui da ỹaquicoxo, qataq 'aumeten da na'amqaanaxac nam aỹem ipa'agueetacpi.