Jeremías 16:3 - La'aqtaqa Ñim Lo'onatac 'Enauacna 2013

³ Cha'aye Aỹem Nataxala', 'am sa'aqtaxanem cam talec qome cam ñalaqpi maye ñeguiñi ne'ena 'alhua, qataq nam lta'alpi camayepi.

Jeremías 16:3 Referans Kwoze

Jeremías 16:9

Cha'aye Aỹem Nataxala', maye Qaica ca Seqalanapec qataq Aỹem Natamnaxala' na Israel le'ecpi, sa'axatta da 'eeta': Aỹem so'ot qome da imeuo na no'onecpi da huo'o na na'ashaxac ne'ena 'alhua qataq da namaicỹaxac qataq da qaỹo'onaxaalec ca naronaxac. Qaq de'era nache huaiguilo qome caua maiche lalamaqa'ate na'axa'te, qaq qami' nache qauauañiichigui qome.

Jeremías 16:5

Ñim Nataxala', nataqa'en aỹem 'enapega, 'eeta': «Saishet qome da 'aupa'aigui ca nỹec maye hueta'a da naquicoxo souaxat da huo'o ca ileu, qataq saishet da 'anỹen qome qataq saishet da 'auachaxan da huo'o da 'anqui'ic souaxat camaye, cha'aye ne'ena nhuo' le'ecpi ñeqateeguesop da nlagaxayec maye sanem co'ollaxa, qataq da ỹauotaxanaqtaic qataq da ichoxonnataxanaxa. Qaq 'era da ỹa'aqtac Aỹem Nataxala'.

Jeremías 6:21

Qaq ỹoqo'oye Ñim Nataxala' 'enapec: «Aỹem so'otec qome ne'ena nhuo' le'ecpi da depoxolaxaañi qataq huañi. Na nta'alpi, na ñalaqpi, na nhuoreuapi qataq nam auochaxauapi 'enauac qome da ileu.»

Jeremías 15:8

Qataq so'ot qome da qalota ana pa'aipi napacalec na delec maye hueto'ot na loigue aso auaxai. Qataq huaigui ñaqa'en ca na'a'q laiñi da talec ca nleuaxa ana nate'elpi qataq na llalaqpi nsoxoppi, qataq nque'elaxatta qome da talec ca laquicoxo qataq ca lcolanaxa.

Jeremías 16:2

«Saishet qome da 'auaron qataq saishet da 'auauo'o ca 'aỹa'alaqpi ne'ena 'alhua.

Ezequiel 24:21

'aua'aqtaxanem qome na Israel le'ecpi, qoneta': 'Era da la'aqtac Ñim Nataxala': Aỹem seshepaxanaqchet qome añi ỹalamaqte atamnaxaqui, maye qarqopichiỹa naxa da qaualleetaua'a, qataq qarauotaqche, qataq ỹo'ot da qaño'oxonnaxaqui qataq qara'añaxaqui, qaq yem qaỹa'alquipi ỹalleppi, qataq 'alpi maye qano'onaxachiỹaña co'ollaxa ye Jerusalén, qalaq qaỹalauat qome qairolec ca ỹeelonec.